Ерниќој

Ерниќој Ζευγολατειό
Ерниќој
Местоположба во областа Ерниќој Местоположба на Ерниќој во Серскиот округ и областа Централна Македонија
Координати: 41°12.32′N 23°17.0′E / 41.20533°N 23.2833°E / 41.20533; 23.2833
Земја	Грција
Област	Централна Македонија
Округ	Серски
Општина	Долна Џумаја
Општ. единица	Долна Џумаја
Надм. вис.	&1000000000000003500000035 м
Население (2011)[1]
• Вкупно	450
Час. појас	EET (UTC+2)
• Лето (ЛСВ)	EEST (UTC+3)

Ерниќој (грчки: Ποντισμένο, Пондисмено; до 1927 г. Ερνή Κιόι, Ерни Ќој^[2]) — село во Серско, Егејска Македонија, денес во општината Долна Џумаја на Серскиот округ, Грција. Населението било етнички мешано.^[3]

Селото се наоѓа во Серското Поле, северозападно од градот Сер северно од Долна Џумаја. Лежи близу источниот брег на Бутковското Езеро. Денес е споено со Спатово.

Во XIX век Ерниќој било село во Серската каза на Серскиот санџак.

Според „Етнографија на вилаетите Адријанопол, Монастир и Салоника“ во 1873 г. во Ерниќој (Erni-keuï) имало 157 домаќинства сочинети од 130 жители муслимани и 350 жители Македонци.^[4][5]

Во 1891 г. Георги Стрезов напишал дека старото македонско име на Ирни ќој било „Еднокуќово“ и дека ова село произведувало најдобра пченица и лозја. Вели дека имало 40 македонски, 40 турски, 15 черкески и 150 ромски куќи.^[6][7]

Според Васил К’нчов („Македонија. Етнографија и статистика“) на почетокот на XX век селото имало 675 жители, од кои 300 Македонци, 120 Турци, 75 Черкези и 180 Роми.^[4][8]

Сите христијани во селото биле под врховенството на Цариградската патријаршија и меѓу нив правела обиди грчката пропаганда. По податоци на егзархискиот секретар Димитар Мишев („La Macédoine et sa Population Chrétienne“) во 1905 г. во Ерниќој (Erni-Keuy) имало 400 Македонци под Патријаршијата и 600 Роми,^[4] и во него работело грчко основно училиште.^[9]

За време на Првата балканска војна селото е окупирано од бугарска војска, а по Втората балканска војна во 1913 г. е припоено кон Грција согласно Букурешкиот договор. Таа година селото броело 1.095 жители.^[3] Веројатно Ерниќој настрадал во Првата светска војна, бидејќи во 1920 г. во него е заведен само 631 жител.^[3] Муслиманското население било иселено во Турција по сила на Лозанскиот договор, а на негово место се доведени грчки колонисти. Во 1927 г. селото е преименувано во Пондисмено. На пописот од 1928 г. селото било македонско-дојденско со 1.001 жител,^[3] од кои 188 биле грчки дојденци (44 семејства). Остатокот биле македонски мештани и семејства доселени од други села.^[3][10]

Еве преглед на населението во сите пописни години, од 1940 г. до денес:

Извор за 1940-1991 г.: Т. Симовски, Населените места во Егејска Македонија