Општина Палиград

Месен народен одбор Палиград
Општина на ДФ/НР Македонија, ДФЈ/ФНРЈ
1945–1950 →   →   →
Главен град/седиште		Палиград
Составни делови		Алдинци (1947-1950), Палиград (1945-1950), Тисовица (1945-1950)
Историја
-	Основање на МНО Палиград	1945
-	Укинување на МНО Палиград	1950
Население
-	1948	1,418 жит.
Управни единици		Држава: ДФЈ/ФНРЈ Република: ДФ/НР Македонија Округ: Скопски (1945-1947) Околија: Драчевска (1945-1947), Скопска (1947-1950)
Денес во		Општина Зелениково, Општина Студеничани

Месен народен одбор Палиград ― поранешна општина во Македонија, која постоела во периодот 1945-1950 година.

Месниот народен одбор Палиград бил основан во 1945 година. Тој бил дел од Драчевската Околија, Скопски Округ, и негови составни населени места биле Палиград и Тисовица.^[1] Во 1947 година, според новата административна поделба, месниот одбор припаднал под Скопската Околија, и бил проширен со селото Алдинци, на сметка на соседниот и укинат Месен народен одбор Драчевица.^[2] Во 1950 година, според новата административна поделба, Месниот народен одбор Палиград бил укинат на сметка на соседниот Месен народен одбор Горно Количани кој го добил селото Алдинци, Месен народен одбор Гумалево кој го добил селото Тисовица, и Месен народен одбор Студеничани кој го добил селото Палиград.^[3]

Според пописот од 1948 година, Месен народен одбор Палиград имал 1,418 жители, односно вкупното население на Алдинци, Палиград, и Тисовица. Од 1,418 жители, 1,200 биле Македонци, 217 биле Албанци, додека 1 бил Србин.^[4]

• Список на општини во Македонија по население (1948)