Општина Ракотинци
Општина Ракотинци, именувана и како Месен народен одбор Ракотинци ― поранешна општина во Македонија, која постоела во периодот 1913-1915, меѓувоениот период и 1945-1965 година. Историја1913-1915Општина Ракотинци за прв пат била основана во 1913 година, за време на Кралството Србија. Населени места во општината биле Варвара, Горно Соње, Добри Дол, Долно Соње, Ракотинци, Сопиште и Сушица. Општината била дел од Скопскиот Срез, Скопски Округ.[1] 1945-1965Месниот народен одбор Ракотинци бил основан во 1945 година. Тој бил дел од Драчевската Околија, Скопски Округ, и негови составни населени места биле Добри Дол, Ракотинци и Сушица.[2] Во 1947 година, според новата административна поделба, Месниот народен одбор Ракотинци бил проширен на сметка на соседниот и укинат Месен народен одбор Сопиште со неговото село Сопиште. Истовремено, МНО Ракотинци ја загубил Сушица, на сметка на новиот Месен народен одбор Сушица.[3] Во 1950 година, според новата административна поделба, Месниот народен одбор Ракотинци бил проширен на сметка на соседниот и укинат Месен народен одбор Сушица со неговото село Маркова Сушица.[4] Согласно административната поделба од 1952 година, сега со називот, Општина Ракотинци била проширена на сметка на укинатиот Месен народен одбор Долно Соње со неговите села Барово, Говрлево, Горно Соње, Долно Соње, Света Петка и Чифлик. Истовремено, Општина Ракотинци го добила селото Усје кое дотогаш припаѓало на Општина Драчево.[5] Согласно административната поделба од 1955 година, Општина Ракотинци била проширена бидејќи Општина Јаболци била укината и нејзините села Држилово, Јаболци, Нова Брезница, Осинчани, и Патишка Река. Тогаш, Општина Ракотинци била проширена и со територијата на укинатата Општина Цветово со нејзините населени места Елово, Малчиште, Умово, Цветово, и Црн Врв. Исто времено, Општина Ракотинци го изгубила селото Усје, на сметка на Општина Кисела Вода.[6] Според Законот за подрачјата на општините од 1965 година, Општина Ракотинци била укината и нејзината територија била припоена кон Општина Кисела Вода.[7] НаселениеСпоред пописот од 1948 година, Месен народен одбор Ракотинци имал 1,601 жител, односно вкупното население на Добри Дол, Ракотинци и Сопиште. Следува табела според народностите во пописот од 1948 година:[8]
Според пописот од 1953 година, Општина Ракотинци имала 5,176 жители, односно вкупното население на Барово, Варвара, Говрлево, Горно Соње, Добри Дол, Долно Соње, Ракотинци, Света Петка, Сопиште, Усје и Чифлик. Следува табела според народностите во пописот од 1953 година:[9][10]
Според пописот од 1961 година, Општина Ракотинци имала 9,506 жители, односно вкупното население на Барово, Говрлево, Горно Соње, Добри Дол, Долно Соње, Држилово, Елово, Јаболци, Малчиште, Нова Брезница, Осинчани, Патишка Река, Ракотинци, Света Петка, Сопиште, Умово, Цветово, Црн Врв и Чифлик. Следува табела според народностите во пописот од 1961 година:[11]
Поврзано
Забелешки
Наводи
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
Portal di Ensiklopedia Dunia
