Четирце

Четирце
Четирце Местоположба на Четирце во Македонија Четирце на карта
Координати 42°12′56″N 21°45′46″E / 42.21556°N 21.76278°E / 42.21556; 21.76278
Општина	Куманово
Население	165 жит. (поп. 2021)[1]
Шифра на КО	17108
Четирце на општинската карта Атарот на Четирце во рамките на општината
Четирце на Ризницата

Четирце — село во Општина Куманово, во околината на градот Куманово.

Се наоѓа на 5 км од српско-македонската граница , на надморска височина од 360 метри. Околни села се Табановце, Горно Коњаре, Сушево.

Според една легенда името настанало уште од старо време кога на тоа место се наоѓале само четири куќи.

Во XIX век селото било дел од Кумановската каза во Отоманското Царство.

Населението се занимава со земјоделство. Доста значаен придонес донесува ретко добриот градежен камен со висок квалитет.

Според статистиката на Васил К’нчов („Македонија, Етнографија и статистика“) од 1900 година, во Четирце живееле 420 жители, сите Македонци.^[2] Според егзархискиот секретар Димитар Мишев („La Macédoine et sa Population Chrétienne“), во 1905 година во Четирце имало 500 жители Македонци од кои 276 патријаршисти и 224 под врховенството на Бугарската егзархија. Во селото работеле српско и бугарско училиште.^[3]

Според германска карта издадена во 1941 година, а заснована на пописот на Кралство Југославија во 1931 година, селото имало 200 Македонци.^[4]

Според пописот од 2002 година, во селото живеат 249 жители, од кои 215 Срби и 34 Македонци.^[5]

Според последниот попис од 2021 година, во селото живееле 165 жители, од кои 31 Македонец, 94 Срби, 2 останати и 38 лица без податоци.^[6]

Во табелата во продолжение е направен преглед на населението во сите пописни години:

Извор за 1900 г.: Македонија. Етнографија и статистика.^[7]; за 1905 г.: La Macédoine et sa Population Chrétienne.^[8]; за 1948-2002 г.: Државен завод за статистика на РМ.^[9]; за 2021 г.: Државен завод за статистика на РМ.^[10]

Четирце е православно мешано село.

Според истражувањата од 1971 година, родови во селото се:

• Во маалото село се родовите: Ивковци (7 к.), Рушкини (3 к.), Калчини (3 к.) и Сматрини (3 к.) они потекнуваат од првите четири домаќинства кои го основале селото, тоа било околу 1810 година. Они претходно живееле на местото Старо Село, кое лежело на границата помеѓу селата Четирце и Карабичане; Давидовци (15 к.) доселени се од Давидовац кај Врање; Стојчинци (6 к.) доселени се однекаде.
• Во посебни маала се родовите: Љубановци (20 к.), Амалинци (8 к.) и Величковци (3 к.) гранка се од родот Давидовци; Тасинци (20 к.) потекнуваат од првобитните четири домаќинства кои го основале селото. Во овој род имало некој домазет Ром; Стојчинци (7 к.) гранка се од истоимениот род во маалото Село; Скачкулинци (13 к.) доселени се од селото Скачковце; Коњаровци (3 к.) доселени се од Коњари во Скопско; Делинци (8 к.) доселени се од селото Карабичане; Матејчанци (11 к.) доселени се од селото Матејче.^[11]

Личности родени во Четирце:

• Евра Доскова — учесник во НОВ на Македонија

Родот Шоповци се иселил во селото Миладиновци кај Скопје. Јаневи (1 к.), Лубе (1 к.) и Славко (1 к.) се иселиле во селото Долно Коњаре. По Втората светска војна населението почнало масовно да се иселува по градовите во желба да успеат во животот.^[11]

• Четирце на Ризницата

п р у Населени места во Општина Куманово Агино Село Бедиње Бељаковце Биљановце Брзак Вак’в Винце Габреш Горно Коњаре Градиште Доброшане Довезенце Долно Коњаре Живиње Зубовце Јачинце К’шање Карабичане Клечевце Кокошиње Колицко Косматац Куманово Кутлибег Кучкарево Лопате Љубодраг Мургаш Ново Село Новосељане Орашац Пезово Проевце Пчиња Режановце Речица Романовце Скачковце Сопот Студена Бара Сушево Табановце Тромеѓа Умин Дол Черкези Четирце Шупљи Камен Раселени Д’лга Историски Нов Чифлик Нови Воиновиќ Костурник Селата Воиновиќ и Костурник биле прогласени за самостојни села во 2014 година согласно Закон, но не биле вклучени во Пописот од 2021 година