எக்ஸ்-மென்: ஃபர்ஸ்ட் கிளாஸ் (X-Men: First Class) என்பது 2011 ஆம் ஆண்டு வெளியான அமெரிக்க நாட்டு மீநாயகன் திரைப்படம் ஆகும். இந்த திரைப்படம் மார்வெல் காமிக்ஸ் என்ற வரைகதை புத்தகத்தில் வெளியான எக்ஸ்-மென் என்ற ஒரு கற்பனை பாத்திரக் குழுவை மையமாக வைத்து மார்வெல் மகிழ்கலை, டூன் என்டர்டெயின்மென்ட், இங்கெனியஸ் பிலிம் பார்ட்னர்ஸ், பேட் ஹாட் ஹாரி புரொடக்ஷன்ஸ் மற்றும் டோனர்ஸ் கொம்பனி போன்ற நிறுவனங்கள் மூலம் தயாரித்து 20ஆம் சென்சுரி பாக்ஸ் என்ற நிறுவனம் மூலம் விநியோகிக்கப்பட்டது.
இது எக்ஸ்-மென் திரைப்படத்தின் ஐந்தாவது படமாவும் எக்ஸ்-மென் ஆரிஜின்ஸ்: வோல்வரின் என்ற திரைப்படத்தின் தொடர்ச்சியாகவும் வெளியானது. லாரன் ஷல்லர் டோனர், சைமன் கின்பெர்க், அவி ஆராட் மற்றும் ரால்ப் விண்டேர் ஆகியோர் தயாரிக்கும் இந்த திரைப்படத்தை மத்தேயு வான் என்பவர் இயக்க, ஜேம்ஸ் மாக்கவோய், மைக்கல் பாஸ்பெந்தர், ஜனவரி ஜோன்ஸ், ஒலிவர் பிளாட், கெவின் பேகன் மற்றும் ரோஸ் பைரன் போன்ற பலர் நடித்துள்ளார்கள்.
எக்ஸ்-மென்: ஃபர்ஸ்ட் கிளாஸ் படம் ஜீக்பீல்ட் தியேட்டரில் மே 25, 2011 அன்று திரையிடப்பட்டது, மற்றும் ஜூன் 3, 2011 அன்று ஐக்கிய அமெரிக்காவில் வெளியிடப்பட்டது. இந்த படம் வசூல் ரீதியாக மிகப்பெரிய வெற்றி அடைந்தது. இது திரைப்படத் தொடரில் அதிக வசூல் செய்த ஏழாவது படமாகவும் விமர்சகர்களிடமிருந்து நேர்மறையான விமர்சனங்களையும் பெற்றது. அதன் நடிப்பு, திரைக்கதை, இயக்கம், அதிரடி காட்சிகள் மற்றும் இசை ஆகியவற்றிக்கு பார்வையாளர்களிடம் நல்ல விமர்சனம் பெறப்பட்டது. இந்த திரைப்படத்தை தொடர்ந்து எக்ஸ்-மென்: இடேசு ஒஃப் பியூச்ச ஃபாசுற்று (2014), எக்ஸ்-மென்: அப்போகலிப்ஸ் (2016), எக்ஸ்-மென்: டார்க் பீனிக்ஸ் (2019) போன்ற திரைப்படங்கள் வெளியானது.
