திமீத்திரி முராத்தொவ்

திமீத்திரி முராத்தொவ்
Dmitry Muratov
திமீத்திரி முராத்தொவ்; Dmitry Muratov
	2018 இல் முராத்தொவ்
பிறப்பு	திமீத்திரி அந்திரியேவிச் முராத்தொவ்; அக்டோபர் 30, 1961 (அகவை 63); குய்பீசெவ், குய்பீசெவ் மாகாணம், உருசியா, சோவியத் ஒன்றியம்
குடியுரிமை	உருசியா
கல்வி	குய்பீசெவ் மாநிலப் பல்கலைக்கழகம்; (மொழியறிவியல், 1983)
பணி	பத்திரிக்கையாளர்; தொலைக்காட்சி தொகுப்பாளர்; இதழாசிரியர்;
செயற்பாட்டுக்; காலம்	1987–இன்று
பணியகம்	நோவயா கசியெத்தா
விருதுகள்	அமைதிக்கான நோபல் பரிசு (2021)
வலைத்தளம்
	novayagazeta.ru/authors/12

திமீத்திரி அந்திரியேவிச் முராத்தொவ் (Dmitry Andreyevich Muratov; உருசியம்: Дми́трий Андре́евич Мура́тов, பிறப்பு: 30 அக்டோபர் 1961) என்பவர் உருசியப் பத்திரிகையாளர் ஆவார். இவர் நோவயா கசியெத்தா பத்திரிகையின் ஆசிரியராக 1995 முதல் 2017 வரை பணியாற்றினார்.^[1] இவருக்கு 2021 இற்கான அமைதிக்கான நோபல் பரிசு பிலிப்பீன்சின் ஊடகவியலாளர் மரியா இரேசாவுடன் இணைந்து வழங்கப்பட்டது.^[2]

பத்திரிக்கையாளர்களைப் பாதுகாக்கும் குழுவால் நோவயா கசியெத்தா பத்திரிகை "உருசியாவில் இன்று தேசிய செல்வாக்குள்ள உண்மையான விமர்சன செய்தித்தாள்" என்று அழைக்கப்படுகிறது. அரசாங்க ஊழல் மற்றும் மனித உரிமை மீறல்கள் போன்ற முக்கிய தலைப்புகளில் முழுமையான அறிக்கைகளுக்காக இந்தப் பத்திரிகை அறியப்படுகிறது.^[3]

2007 ஆம் ஆண்டில், பத்திரிகையாளர்களைப் பாதுகாக்கும் குழு இவருக்கு சர்வதேச பத்திரிகை சுதந்திர விருதை வழங்கியது. தாக்குதல்கள், அச்சுறுத்தல்கள், சிறைவாசங்களை எதிர்கொண்டு பத்திரிகை சுதந்திரத்தை பாதுகாப்பதில் தைரியம் காட்டும் பத்திரிகையாளர்களுக்கு இந்த விருது வழங்கப்படுகிறது.^[4] 2010 இல் இவருக்கு பிரான்சின் உயர் விருதான செவாலியே விருது வழங்கப்பட்டது.