Николай Викторович Юкачев (03.12.1956; Нырты, Кукмара районы, ТАССР — 03.10.2009; Казан, Татарстан) — татар артисты, Әлмәт, соңыннан Камал театры актеры, Татарстанның атказанган артисты (1996).[1][2] Татар театры тарихында төрки милләтеннән булмаган икенче[3] һәм бердәнбер ир-ат артист.[4]
Биографиясе
Николай Юкачев 1956 елның 3 декабрендә Татарстан Республикасының Кукмара районы Нырты авылында туган. Әтисе — Виктор Тарико, украин, әнисе — Екатерина Юкачева, рус[5][6] (икенче чыганаклар буенча — удмурт[4]) милләтеннән. Татар телен дә Николай Юкачев 80%ын татарлар[7] (нигездә, керәшен татарлары[8]) тәшкил иткән Нырты авылында өйрәнгән.[6]
Авылда мәктәпне тәмамлагач, 1974 елда Казан театр училищесына укырга керә.[6]
1981 елда Казан театр училищесын тәмамлап, Әлмәт Татар дәүләт драма театрында эшли башлый,[5][1] 1983 елда, режиссер Марсель Сәлимҗанов чакыруы белән Камал театрына күчә.[9]
Николай Юкачев 2009 елның 3 октябрендә Казан шәһәрендә алдан кичергән инфаркт нәтиҗәсендә калган авырудан соң вафат була.[5][10] Кукмара районы Нырты авылы зиратына әнисе янына җирләнгән.[4]
Гаиләсе
Хатыны — Юкачева Раушания Хөснетдин кызы, Татарстанның атказанган (2003) һәм халык (2009) артисты. Юкачевлар партнер булып «Бәхетсез егет» (Галиәсгар Камал) һәм Әфган сугышына эләккән татар егетләре турында язылган «Зөлфия»дә (авторы – Кәшшаф Әмиров) уйныйлар. Бер кызы (Светлана Николай кызы (Хаметова), мәдәният институтын бетергән, бизнес юлыннан киткән), оныклары (Динара, Сабина) бар[11].
Рольләре
Хәсән — «Зөлфия» (К.Әмиров); Гурий — «Һаваларда йолдыз» (М.Горький буенча); Закир — «Бәхетсез егет» (Г.Камал); Иван — «Без китәбез, сез каласыз», Егор — «Ат карагы» (Т.Миңнуллин); Физат — «Ләйсән ире Хәсән» (Ю.Сафиуллин); Тегермәнче — «Өч аршын җир» (А.Гыйләҗев); Бичура — «Бичура», Мөбарәк — «Казан егетләре», «Тагын Казан егетләре», Диоген — «Баскетболист» (М.Гыйләҗев); Ирек — «Мирас» (Г.Каюм); Саматов — «Боз астында дулкын» (Ә.-Т.Рахманкулов); Зәки — «Кишер басуы» (З.Хәким); Белярдо — «Биюче» (Лопе де Вега); Илтабан — «Җирән чичән һәм Карачәч сылу» (Н.Исәнбәт); Гомәр — «Талак, талак» (Х.Вахит); Шаталов — «Телсез күке» (З.Хәким) һ.б.[1]
Искәрмәләр
- ↑ 1,0 1,1 1,2 Камал театры. Николай Юкачев.
- ↑ Татар энциклопедиясе. Нырты совхозы поселогы.
- ↑ Елизавета Сыртлановадан соң
- ↑ 4,0 4,1 4,2 Азатлык Радиосы. Татар театры бердәнберен югалтты.
- ↑ 5,0 5,1 5,2 Илфат Фәйзрахманов. Николай Юкачев вафат. Безнең гәҗит. 2009, №40 (7 октябрь).
- ↑ 6,0 6,1 6,2 Вечерняя Казань / № 13 (3371) / Культура / "Юкач! Давай ты у нас будешь Липатовым?"
- ↑ «Ныртинский» совхоза посёлок. әлеге чыганактан 2019-04-13 архивланды. 2022-07-18 тикшерелгән.
- ↑ Перечень кряшенских селений Татарстана. әлеге чыганактан 2022-03-05 архивланды. 2022-07-18 тикшерелгән.
- ↑ Ушел из жизни заслуженный артист Республики Татарстан Николай Юкачев.
- ↑ Татарстанның халык артисты вафат.
- ↑ Зилә Мөбәрәкшина. Раушания Юкачева турында якыннары: «Авырулары булуына карамастан, чәчәк кебек балкыды». Интертат, 17.07.2022
Сылтамалар
Моны да карагыз
|
|---|
| А | |
|---|
| Ә | |
|---|
| Б | |
|---|
| В | |
|---|
| Г | |
|---|
| Җ | |
|---|
| З | |
|---|
| И | |
|---|
| К | |
|---|
| Л | |
|---|
| М | |
|---|
| Н | |
|---|
| П | |
|---|
| Р | |
|---|
| С | |
|---|
| Т | |
|---|
| У | |
|---|
| Ү | |
|---|
| Ф | |
|---|
| Х | |
|---|
| Ш | |
|---|
| Ю | |
|---|
| Я | |
|---|
Татарстан дәүләт бүләкләре, мактаулы исемнәре һәм премия лауреатлары навигацион калыплары |
|---|
| Орденнар | |
|---|
| Медальләр | |
|---|
| Халык | |
|---|
| Атказанган | |
|---|
| Шәрәфле | |
|---|
| Премияләр | |
|---|
|
.svg){kind=small}
