Зөлфия Шакирова

Зөлфия Шакирова
Туган	5 июнь 1965(1965-06-05)[1] (59 яшь) Югары Аташ, Чакмагыш районы, БАССР, РСФСР, СССР[1]
Ватандашлыгы	СССР  Россия
Әлма-матер	Уфа сәнгать училищесы һәм Мифтахетдин Акмулла исемендәге Башкорт дәүләт педагогика университеты[1]
Һөнәре	җырчы
Эш бирүче	Габдулла Тукай исемендәге Татар дәүләт филармониясе[1]
Бүләк һәм премияләре	БР халык артисты

Шакирова Зөлфия Мәскүр кызы (1965 елның 5 июне, Югары Аташ авылы, Чакмагыш районы, Башкорт АССР) ― совет һәм Россия эстрада җырчысы. Татарстан Республикасының атказанган (2001) һәм халык (2012), Башкортстан Республикасының атказанган (2012) һәм халык (2022) ^[2] артисты.

Шакирова Зөлфия Мәскүр кызы 1965 елның 5 июнендә Башкорт АССРның Чакмагыш районы Югары Аташ авылында туган.^[3]

Зөлфия Мәскүр кызы бала чактан ук җырчы булырга хыялланган.

Үз авылында мәктәп тәмамлаганнан соң ул Уфа сәнгать училищесына укырга керә, 1982 елда аны уңышлы тәмамлый (хәзер Уфа дәүләт сәнгать институты профессоры Сәгыйтова Фәрзәнә Фәткулла кызы классы). Шул ук елда Уфа дәүләт сәнгать институтының вокал бүлегенә укырга керә. 1983 елда Стәрлетамак мәдәният-агарту училищесын тәмамлап,Казанда Галиәскәр Камал исемендәге драма театрында эшләп йөргән якташы Җәвит Шакировка кияүгә чыга. Зөлфия Шакирова Казан консерваториясендә профессор Зөләйха Хисмәтуллина классында укуын дәвам итә. Укытучысы З.Шакировага филармониядә эшли башларга киңәш итә, чөнки аны инде өлгергән эстрада җырчысы итеп күрә.

Шакировлар гаиләсендә уллары Илһам белән Искәндәр туа.

1990 елларда Җәвит белән Зөлфия Шакировлар «Илһам» театр-студиясен булдырып, үз аллы иҗади эшчәнлек белән шөгыльләнә башлый. Зөлфия Шакированың матур тавышы, кырыс кыяфәте тамашачыларның күңелен яуларга ярдәм итә. Моннан тыш ул репертуарын да төрләндерергә тырыша — Зөлфия Шакирова «Биеш», «Каравансарай», «Уел», «Шаһибәк», «Элмәлек» «Гөльямал», «Җомга», «Шахта» кебек татар һәм башкорт халык җырларын оста башкара.

Шакировлар ике күрше җөмһүрият буйлап гастрольләргә йөри, радио, телевидениедә чыгыш ясый. Иҗтиһат һәм үзсүзлелек буш калмый — аларны тамашачылар һәрчак көтеп ала.

Зөлфия Шакирова күп кенә җырлар авторы буларак та билгеле. Аның Җәвит Шакиров, башка шагыйрьләр (Ә.Атнабаев, Х.Мөхәммәдиева, Ф.Тереголова, Р.Хәкимҗан) сүзләренә язылган йөздән артык җырын аннан кала Рөстәм Асаев, Зөһрә Шәрифуллина, Бәширә Насыйрова, Нәзифә Кадыйрова кебек Татарстан һәм Башкортстан җырчылары башкара.

2005 елда Зөлфия Мәскүр кызы Шакирова Мифтахетдин Акмулла исемендәге Башкорт дәүләт педагогия университетын тәмамлаган (музыка белгече).

З. Шакирова Россия буйлап гастрольләрдә йөри.

• 1983 ― Г. Әлмөхәмәтов исемендәге призга Башкорт АССР яшь җырчылары конкурсы лауреаты (Уфа)
• 1993 ― «Татар җыры» халыкара конкурсы лауреаты (Казан)
• 2001 ― Татарстанның атказанган артисты
• 2012 ― Татарстанның халык артисты
• 2012 ― БР атказанган артисты
• 2021 ― «Фидакарь хезмәт өчен» медале ― музыка сәнгатен үстерүгә зур өлеш керткәне һәм күпьеллык нәтиҗәле иҗади эшчәнлеге өчен^[4]
• 2022 ― Башкортстанның халык артисты ^[2].

• Жизнь, озаренная светом
• Верхний Аташ 2020 елның 22 февраль көнендә архивланган.
• Международный конкурс исполнителей башкирской и татарской песни
• Татфилармония Шакирова З. М. 2021 елның 10 май көнендә архивланган.
• Уйна, дустым, гармуныңны
• Ғүмер үтә тимә 2020 елның 14 июнь көнендә архивланган.