Жытанежжа

Вёска Жытанежжа Краіна Беларусь Вобласць Гомельская Раён Буда-Кашалёўскі Сельсавет Марозавіцкі Каардынаты 52°41′19″ пн. ш. 30°25′43″ у. д.HGЯO Першая згадка XIX стагоддзе Насельніцтва ▼18 чал. (2009) Часавы пояс UTC+3 Тэлефонны код +375 2336 Аўтамабільны код 3 СААТА 3205856044 Жытанежжа на карце Беларусі ±

Жытане́жжа^[1] (трансліт.: Žytaniežža, руск.: Житонежье) — вёска ў Буда-Кашалёўскім раёне Гомельскай вобласці. Уваходзіць у склад Марозавіцкага сельсавета.

За 12 км на захад ад раённага цэнтра і чыгуначнай станцыі Буда-Кашалёўская (на лініі Жлобін — Гомель).

Каля вёскі найвышэйшы пункт раёна (157 м).

Транспартная сувязь па прасёлкавай, затым аўтамабільнай дарозе Губічы — Буда-Кашалёва.

Планіроўка складаецца з кароткай просталінейнай вуліцы, арыентаванай з паўднёвага ўсходу на паўночны захад і забудаванай двухбакова драўлянымі дамамі сядзібнага тыпу.

Па пісьмовых крыніцах вядомая з XIX стагоддзя як вёска ў Рагачоўскім павеце Магілёўскай губерні. Па рэвізіі 1858 года валоданне памешчыка Перасвет-Солтана. З 1884 года працаваў хлебазапасны магазін. Па перапісу 1897 года знаходзіліся: школа граматы, хлебазапасны магазін, 4 ветракі, у Недайскай воласці Гомельскага павета. У 1909 годзе 926 дзесяцін зямлі. У 1912 годзе пабудаваны будынак земскай школы і пачаліся заняткі ў ёй.

У 1925 годзе ў Недайскім сельсавеце Буда-Кашалёўскага раёна Бабруйскай акругі. У 1930 годзе арганізаваны калгас «Трактар», працавалі гамарня, вятрак. Падчас Вялікай Айчыннай вайны 28 лістапада 1943 года вызвалена ад захопнікаў. На фронце загінулі 72 жыхары вёскі. У 1959 годзе ў складзе калгаса «Новае жыццё» (цэнтр — вёска Глазаўка).

Да 17 мая 1979 года вёска ўваходзіла ў склад Недайскага сельсавета^[2], да 1 снежня 2009 года — у склад Глазаўскага сельсавета^[3].

• 2004 год — 18 гаспадарак, 34 жыхары.

• 1858 год — 13 двароў, 135 жыхароў.
• 1897 год — 43 двары, 371 жыхар (паводле перапісу).
• 1909 год — 55 двароў, 412 жыхароў.
• 1925 год — 111 двароў.
• 1959 год — 302 жыхары (паводле перапісу).
• 2004 год — 18 гаспадарак, 34 жыхары.

• Гарады і вёскі Беларусі: Энцыклапедыя. Т. 1, кн. 1. Гомельская вобласць / С. В. Марцэлеў; рэдкал.: Г. П. Пашкоў (дырэктар) і інш. — Мн.: Беларуская Энцыклапедыя імя Петруся Броўкі, 2004. — 632 с.: іл. — 4 000 экз. — ISBN 985-11-0303-9.