Сумеснае наступленне САТ і ВАА

Сумеснае наступленне САТ і ВАА
Асноўны канфлікт: Грамадзянскі канфлікт у Эфіопіі (Тыграйскі канфлікт і канфлікт у Ароміі)
пад кантролем федэральнага ўрада Эфіопіі      пад кантролем паўстанцаў      пад кантролем эрытрэйскай арміі
Дата	з 31 кастрычніка па 1 снежня 2021
Месца	штат Амхара
Вынік	прыпыненне наступлення і пераход ініцыятывы да федэральнай арміі
Праціўнікі
Эфіопія Фано САТ ВАА
Камандуючыя
Абій Ахмед Алі Дэбрэцыан Гебрэмікаэль Кумса Дырыба

Сумеснае наступленне САТ і ВАА — ваенная кампанія груповак «Сілы абароны Тыграя» (САТ) і «Вызваленчая армія Арома» (ВАА) супраць Узброеных сіл Эфіопіі.

У лістападзе 2020 года ў рэгіёне Тыграй на поўначы Эфіопіі ўспыхнуў узброены канфлікт паміж мясцовай партыяй Народны фронт вызвалення Тыграя на чале з Дэбрэцыанам Гебрэмікаэлем і федэральным урадам прэм’ер-міністра Абія Ахмеда Алі. Да Дэбрэцыана далучыліся і іншыя тыграйскія апазіцыянеры, якія ўвайшлі ў так званыя «Сілы абароны Тыграя».

Па стане на восень 2021 года баевікі авалодалі значнай часткай Тыграя, а таксама ўварваліся ў суседні рэгіён Амхара^[1]. У гэты час САТ выходзіць на кантакт з групоўкай «Вызваленчая армія Арома», якая вяла баявыя дзеянні ў штаце Аромія. Яна да лістапада валодала некалькімі гарадамі ў заходняй, цэнтральнай і паўднёвай частках рэгіёну^[2].

31 кастрычніка «Вызваленчая армія Арома» бярэ Камісі. Адначасова тыграйцы захопліваюць Камбольчу. У раёне гэтых гарадоў сілы баевікоў злучаюцца^[3].

5 лістапада было абвешчана аб стварэнні альянсу «Аб’яднаны фронт эфіопскіх федэралісцкіх і канфедэралісцкіх сіл», які аб’ядноўваў антыўрадавыя сілы. Туды ўвайшла партыя НФВТ і групоўка ВАА. Таксама далучыліся Фронт нацыянальнага вызвалення Сідама, Фронт рэвалюцыйна-дэмакратычнага адзінства Афара, Народна-вызваленчы рух Бенішангула, Дэмакратычны рух Агаў, Народна-вызваленчая армія Гамбелы, Дэмакратычная партыя Кімант і Самалійскі дзяржаўны супраціў^[4].

16 лістапада САТ заявілі, што ўзялі пад свой кантроль гарады Атае і Сенбет у зоне Аромія ў рэгіёне Амхара^[5]. Паводле СМІ, паўстанцы вялі актыўнае прасоўванне ў бок Адыс-Абебы^[6]. У гэты час фіксавалася, што структура кіравання ўрадавых войскаў павалілася, і на фронце пачаўся хаос^[7].

20 лістапада баевікі САТ—ВАА бяруць Дэгала і Мехал Меда^[8], 21-га — Шэва Рабіт^[9]. 25 лістапада апазіцыйныя войскі падышлі да Дэбрэ Сіне.

1 снежня федэральныя войскі апублiкавалі справаздачу аб вызваленні Шэва-Рабіт за 220 км ад Адыс-Абебы^[10]. Яны таксама ўзялі шэраг бліжэйшых гарадоў, такія як Дэбрэ-Сіна, Веген-Тэна, Мезэзо, Малале і Лалібэла^[11]. 5 снежня ўлады заявілі аб узяцці Дэсэ і Камболчы^[12].

12 снежня лаяльныя НФВТ атрады адбілі горад Лалібэла^[13].