Царква Трох Свяціцеляў (Магілёў)

Царква
Кафедральны сабор Трох Свяціцеляў
53°54′39″ пн. ш. 30°20′29″ у. д.HGЯO
Краіна	Беларусь
горад	Магілёў
Канфесія	Праваслаўе
Епархія	Магілёўская епархія
Архітэктурны стыль	Псеўдарускі стыль
Архітэктар	Пётр Іванавіч Кальнін
Дата заснавання	1914
Будаўніцтва	1903—1914 гады
Статус	працуе
Матэрыял	цэгла
Медыяфайлы на Вікісховішчы

Кафедральны сабор Трох Свяціцеляў — галоўны праваслаўны храм горада Магілёва, помнік архітэктуры пачатку XX ст.

У Дзяржаўным спісе гісторыка-культурных каштоўнасцей Рэспублікі Беларусь імя царквы пададзена з граматычнай памылкай як Трох Свяціцелей.

Адметная асаблівасць храма — магчымасць увайсці ў яго з трох бакоў. Храм названы ў гонар трох святых — Васіля Вялікага, Рыгора Багаслова, Іаана Залатавуста.

Закладка першага каменя Храма адбылася ў 1903 годзе. Узвядзенне Храма працягвалася 11 гадоў і праходзіла пад наглядам губернскага архітэктара П. Кальніна. У 1914 годзе будаўніцтва было скончана. Храм пабудаваны ў форме крыжа і завершаны сям'ю купаламі.

Падчас 1-й сусветнай воіны і знаходжання ў Магілёве Стаўкі храм часта наведваў апошні расійскі імператар Мікалай II.

У час нацысцкай акупацыі, з кастрычніка 1941 года настаяцелем царквы быў Канстанцін Радзівіновіч.

У 1961 годзе, падчас ганенняў, былі знесены званіца, купалы, крыжы, а саму царкву закрылі. У будынку адкрылі клуб завода «Строммашына», які дзейнічаў да 1989 года. У 1989 годзе храм вернуты вернікам.^[1]

Таксама з 1989 года па блаславенні Архіепіскапа Магілёўскага і Мсціслаўскага Максіма (Крохі) пры храме было заснавана сястрынства Міласэрнасці Святых Жонак Міраносіц.

Сёння храм з'яўляецца цэнтрам праваслаўнага жыцця ў Магілёве.

Аб’ект Дзяржаўнага спіса гісторыка-культурных каштоўнасцей Рэспублікі Беларусь, шыфр 513Г000041

• Фотагалерэя
• Царква Трох Свяціцеляў (Магілёў) на сайце «Архіварта»