Лютэранская кірха (Магілёў)

Кірха
Евангельска-аўгсбургская кірха ў Магілёве
Лютэранская кірха ў Магілёве
53°54′03,21″ пн. ш. 30°20′19,92″ у. д.HGЯO
Краіна	Беларусь
Горад	Магілёў
Канфесія	лютэранства
Епархія	Магілёўская суперінтэндацыя
Тып будынка	кірха
Дата заснавання	1780
Будаўніцтва	1775—1780 гады
Стан	знішчана

Лютэранская кірха — колішні лютэранскі храм у Магілёве, заснаваны 1780 р., разбураны ў 1930-х.

У 1775 годзе ў Полацку і Магілёве ўзніклі лютэранскія грамады немцаў, пры гэтым былі заснаваны лютэранскія кірхі^[1]. Дазвол на збудаванне кірхі ў Магілёве дала Расійская імператрыца Кацярына II, якая пры наведванні горада ў 1780 г. ахвяравала на будаўніцтва кірхі 500 рублёў. Указам Кацярыны II для будаўніцтва храма Георгій Каніскі перадаў ацалелыя элементы праваслаўнай Спаскай царквы^[2][3]. Прыхадская кірха знаходзілася насупраць мужчынскай гімназіі. Драўляная, невялікіх памераў кірха была па-нямецку акуратна дагледжана, увітая плюшчом, яна асабліва маляўніча выглядала летам.^[4]

Кірха без перапынку працавала да самай Кастрычніцкай рэвалюцыі. Да пачатку 1930-х гадоў кірха стаяла зачыненай, пакуль улады БССР, верагодна ў сувязі з магчымым пераносам сталіцы ў Магілёў, не вырашылі знішчыць кірху. Напачатку 1930-х кірха была знішчана.

• Немцы ў Беларусі
• Немцы Магілёва
• Лютэранская кірха ў Мінску
• Лютэранская кірха ў Гродне
• Лютэранская кірха ў Полацку

• Магілёў. Кірха