Чырвоная Зорка (кінатэатр, Магілёў)

Кінатэатр
«Чырвоная Зорка»
53°54′01″ пн. ш. 30°20′01″ у. д.HGЯO
Краіна	Беларусь
Горад	Магілёў
Тып будынка	кінатэатр
Архітэктурны стыль	канструктывізм[d]
Архітэктар	Э. Лосер
Дата заснавання	1930
Дата пабудовы	1930 год
Статус	Гісторыка-культурная каштоўнасць Беларусі, шыфр 513Г000587шыфр 513Г000587
Матэрыял	цэгла
Медыяфайлы на Вікісховішчы

«Чырвоная Зорка» — шырокаэкранны кінатэатр у Магілёве. Знаходзіцца ў гістарычным цэнтры горада, па адрасе вул. Першамайская, 14.

Найстарэйшы кінатэатр горада. Пабудаваны ў 1930 годзе па праекце інжынера Э. Лосера з цэглы, з элементамі канструктывізму, на месцы дарэвалюцыйнага кінатэатра «Чары», узведзенага ў 1909 годзе. У час Вялікай Айчыннай вайны разбураны, у 1948 годзе адноўлены, у 1954 годзе рэканструяваны^[1].

Будынак уяўляе сабой выцягнуты ў плане прамавугольнік, да якога перпендыкулярна далучаны касавая зала і паўцыркульны вестыбюль. У аснову архітэктурна-прасторавай кампазіцыі пакладзены прынцып проціпастаўлення аб'ёмаў. На галоўным фасадзе вестыбюль з шырокім зашкленнем кантрастуе з «глухой» вертыкальнай сценкай і нізкім аб'ёмам, дзе размешчаны службовыя памяшканні. Галоўны ўваход з боку тарцовага фасада вылучаны шырокай лесвіцай. Бакавыя фасады рытмічна членяцца прамавугольнымі аконнымі праёмамі з боку фае^[2].

• Збор помнікаў гісторыі і культуры Беларусі / АН БССР. Ін-т мастацтвазнаўства, этнаграфіі і фальклору; Рэд. кал.: С. В. Марцэлеў (гал. рэд.) і інш. — Мн.: БелСЭ, 1986. — Магілёўская вобласць. — 408 с., іл.

Аб’ект Дзяржаўнага спіса гісторыка-культурных каштоўнасцей Рэспублікі Беларусь, шыфр 513Г000587

• На Вікісховішчы ёсць медыяфайлы па тэме Чырвоная Зорка (кінатэатр, Магілёў)
• Кинотеатр «ЧЫРВОНАЯ ЗОРКА» на сайце wiki.mogilev.by (руск.)
• Чырвоная Зорка (кінатэатр, Магілёў) на сайце «Архіварта»