Юзаф Сангушка

Юзаф Паўлін Ян Адам Сангушка
польск.: Józef Paulin Sanguszko
Юзаф Паўлін Ян Адам Сангушка, XVIII ст.
Герб «Літоўская Пагоня»
Вялікі маршалак літоўскі 1768 — 1781
Папярэднік	Ігнацы Агінскі
Пераемнік	Уладзіслаў Гуроўскі
Нараджэнне	20 чэрвеня 1740(1740-06-20)[1] Кальбушова, Гміна Кальбушова, Кальбушоўскі павет, Падкарпацкае ваяводства, Польшча
Смерць	12 мая 1781(1781-05-12)[1][2] (40 гадоў) Кракавэць, Украіна
Род	Сангушкі
Бацька	Павел Караль Сангушка
Маці	Барбара з Дунінаў[d]
Жонка	Ганна Цэтнер
Дзеці	Раман
Узнагароды

Юзаф Паўлін Ян Адам Сангушка (20 чэрвеня 1740 — 12 мая 1781) — дзяржаўны і вайсковы дзеяч Вялікага Княства Літоўскага. Маршалак надворны літоўскі (1760—1768) і вялікі літоўскі (з 1768).

Трымаў Крамянецкае і Чаркаскае староствы, меў палацы ў Мінску і Гродна.

З княжацкага роду Сангушкаў герба «Літоўская Пагоня», сын Паўла Караля, вялікага маршалка літоўскага, і Барбары з Дунінаў. Меў братоў Януша Аляксандра, Януша Мадэста і Гераніма Януша.

Абіраўся паслом на вальны сойм у 1754 годзе^[3]. На сойме 1767—1768 гадоў абвясціў «Праект рэформы ўраду», які прадугледжваў прыняцце адзінага кодэксу права для ўсёй Рэчы Паспалітай. Падпісаў акт Кардынальных правоў.

Падтрымаў абранне каралём Станіслава Аўгуста Панятоўскага (1764). У 1771 годзе таемна далучыўся да Барскай канфедэрацыі.

У 1774 годзе ажаніўся з Ганнай Цэтнер, з якой меў сына Рамана (1775—1790).

• Пазднякоў В. Сангушкі // Вялікае княства Літоўскае: Энцыклапедыя. У 3 т. / Рэдкал.: Г. П. Пашкоў (гал. рэд.) і інш.; маст. З. Э. Герасімовіч. — Мн.: Беларуская Энцыклапедыя, 2005. — Т. 2: Кадэцкі корпус — Яцкевіч. — С. 540. — 792 с. — ISBN 985-11-0378-0 (т. 2), ISBN 985-11-0315-2.