இளையதம்பி சிறிநாத்

இளையதம்பி சிறிநாத் (Elayathamby Srinath, பிறப்பு: 21 அக்டோபர் 1977)^[1] ஓர் இலங்கைத் தமிழ் மருத்துவரும், அரசியல்வாதியும் ஆவார். இவர் 2024 நவம்பர் 14 இல் நடைபெற்ற 2024 நாடாளுமன்றத் தேர்தலில் இலங்கைத் தமிழரசுக் கட்சியின் சார்பில் மட்டக்களப்பு மாவட்டத்தில் போட்டியிட்டு நாடாளுமன்றத்திற்குத் தெரிவு செய்யப்பட்டார்.^[2][3][4]

மட்டக்களப்பு, வந்தாறுமூலையில் 1977 இல் பிறந்த இளையதம்பி சிறிநாத், தனது தொடக்க கல்வியை வந்தாறுமூலை விஷ்ணு மகா வித்தியாலயத்திலும், உயர் கல்வியை மட்டக்களப்பு புனித மிக்கேல் கல்லூரியிலும் பயின்று, அங்கிருந்து யாழ்ப்பாணப் பல்கலைக்கழகத்திற்குத் தெரிவாகி மருத்துவப் பட்டம் பெற்றார். மட்டக்களப்பு போதனா மருத்துவமனையில் மருத்துவராகப் பணியாற்றிய இவர் பின்னர் மட்டக்களப்பின் பல மருத்துவமனைகளில் சுகாதார வைத்திய அதிகாரியாகப் பணியாற்றினார்.