காமாரெட்டி மாவட்டம்

காமாரெட்டி மாவட்டம் కామారెడ్డి జిల్లా کاماریڈی ضلع
மாவட்டம்
நாடு	இந்தியா
மாநிலம்	தெலங்கானா
பிரதேசம்	தக்கான பீடபூமி
நிறுவிய ஆண்டு	அக்டோபர், 2016
தலைமையிடம்	காமாரெட்டி
அரசு
• நிர்வாகம்	மாவட்ட ஆட்சியரகம்
பரப்பளவு
• மொத்தம்	3,652.00 km2 (1,410.05 sq mi)
• பரப்பளவு தரவரிசை	15
மக்கள்தொகை  (2011)[1]
• மொத்தம்	9,72,625
• தரவரிசை	15
மொழிகள்
• அலுவல் மொழி	தெலுங்கு, உருது
நேர வலயம்	ஒசநே+5:30 (இந்திய சீர் நேரம்)
வாகனப் பதிவு	TS–17[2]
இணையதளம்	= kamareddy.telangana.gov.in

காமாரெட்டி மாவட்டம் (Kamareddy district), இந்தியாவின் தெலுங்கானா மாநிலத்தின் 31 மாவட்டங்களில் ஒன்றாகும்.^[3][4]தெலங்கானா மாநிலத்தின் வடக்கு பகுதியில் உள்ள நிசாமாபாத் மாவட்டத்தின் சில வருவாய் வட்டங்களைக் கொண்டு, அக்டோபர், 2016-இல் காமாரெட்டி மாவட்டம் புதிதாக நிறுவப்பட்டது. இம்மாவட்டத்தின் நிர்வாகத் தலைமையிடம் காமாரெட்டி நகரம் ஆகும். காமாரெட்டி நகரத்தில் முன்னூற்றுக்கும் மேற்பட்ட மருந்து தயாரிப்பு நிறுவனங்கள் உள்ளது.

3,652 சதுர கிலோ மீட்டர் பரப்பளவு கொண்ட^[1] காமாரெட்டி மாவட்டத்தின் வடக்கில் நிசாமாபாத் மாவட்டம், கிழக்கில் ராஜன்னா சிர்சில்லா மாவட்டம், தென்கிழக்கில் சித்திபேட்டை மாவட்டம், தெற்கில் சங்கர்ரெட்டி மாவட்டம் மற்றும் மேடக் மாவட்டங்களும், மேற்கில் மகாராட்டிரத்தின் நாந்தேட் மாவட்டம், தென்மேற்கில் கர்நாடகாவின் பீதர் மாவட்டமும் எல்லைகளாக உள்ளது.

2011-ஆம் ஆண்டின் மக்கள் தொகை கணக்கெடுப்பின் படி, காமாரெட்டி மாவட்டத்தின் மொத்த மக்கள் தொகை 9,72,625 ஆகும்.^[1][5] இம்மாவட்ட மக்கள் தெலுங்கு மற்றும் உருது மொழிகள் பேசுகின்றனர்.

காமாரெட்டி மாவட்டம், காமரெட்டி, பன்ஸ்வாடா மற்றும் எல்லரெட்டி என மூன்று வருவாய் கோட்டங்களையும், 22 வருவாய் வட்டங்களையும் கொண்டுள்ளது.^[1][6][7] இம்மாவட்டத்தின் முதல் மாவட்ட ஆட்சியர் என். சத்தியநாராயனா ஆவார்.^[8]

• தெலுங்கானா மாவட்டங்கள்

• காமாரெட்டி மாவட்ட இணையதளம்
• காமாரெட்டி மாவட்ட வரைபடம்