செராஸ் மக்களவைத் தொகுதி

செராஸ் (P123) மலேசிய மக்களவைத் தொகுதி கோலாலம்பூர்
Cheras (P123) Federal Constituency in Kuala Lumpur
மலேசியாவின் கூட்டாட்சிப் பகுதிகளில் செராஸ் மக்களவைத் தொகுதி
மாவட்டம்	மலேசியாவின் கூட்டாட்சிப் பகுதிகள் கோலாலம்பூர்
வாக்காளர்களின் எண்ணிக்கை	101,184 (2022)[1]
வாக்காளர் தொகுதி	செராஸ் தொகுதி
முக்கிய நகரங்கள்	கோலாலம்பூர்; செராஸ், புடு, புக்கிட் பிந்தாங், சுங்கை பீசி காஜாங்
பரப்பளவு	20 ச.கி.மீ[2]
முன்னாள் தொகுதி
உருவாக்கப்பட்ட காலம்	1994
கட்சி	பாக்காத்தான்
மக்களவை உறுப்பினர்	தான் கோக் வாய் (Tan Kok Wai)
மக்கள் தொகை	135,823 (2020) [3]
முதல் தேர்தல்	மலேசியப் பொதுத் தேர்தல், 1995
இறுதித் தேர்தல்	மலேசியப் பொதுத் தேர்தல், 2022[4]

2022-இல் செராஸ் மக்களவைத் தொகுதியின் வாக்காளர்களின் இனப் பிரிவுகள்:

  மலாயர் (14.8%)

  சீனர் (77.1%)

  இந்தியர் (7.6%)

  இதர இனத்தவர் (0.6%)

செராஸ் மக்களவைத் தொகுதி (மலாய்: Kawasan Persekutuan Cheras; ஆங்கிலம்: Cheras Federal Constituency; சீனம்: 蕉赖国会议席) என்பது மலேசியா, கோலாலம்பூர் கூட்டாட்சிப் பகுதியில் உள்ள ஒரு மக்களவைத் தொகுதி (P123) ஆகும்.

செராஸ் மக்களவைத் தொகுதி 1994-ஆம் ஆண்டில் உருவாக்கப்பட்டது. முதன்முதலாக 1995-ஆம் ஆண்டில் மக்களவைப் பொதுத் தேர்தல் நடைபெற்றது. இறுதியாக 2022-ஆம் ஆண்டில் பொதுத் தேர்தல் நடைபெற்றது.

1995-ஆம் ஆண்டில் இருந்து செராஸ் மக்களவைத் தொகுதி, மலேசிய நாடாளுமன்றத்தின் மலேசிய மக்களவையில் பிரதிநிதிக்கப் படுகிறது.

கோலாலம்பூர் மாநகரத்தில் அமைந்து உள்ள ஒரு புறநகர்ப்பகுதி. மலேசியாவில் மக்கள் அதிகமாகவும்; நெருக்கமாகவும் வாழும் நகரங்களில் செராஸ் நகரமும் ஒன்றாகும். செராஸ் பகுதி இரு நாடாளுமன்ற மாகளவைத் தொகுதிகளாகப் பிரிக்கப்பட்டு உள்ளது. 1974-ஆம் ஆண்டு வரையில் செராஸ் மக்களவைத் தொகுதி; உலு லங்காட் மாவட்டத்தின் கீழ் இருந்தது. 1995-ஆம் ஆண்டில் செராஸ் மக்களவைத் தொகுதி என்று ஒரு புதிய தொகுதி உருவாக்கப்பட்டது.

• செராஸ் மக்களவைத் தொகுதி
• உலு லங்காட் மக்களவைத் தொகுதி

முன்பு காலத்தில் செராஸ் நகர்ப்பகுதி, சிலாங்கூர் மாநிலத்தின், ஐந்தாவது பெரிய மாவட்டமான உலு லங்காட்டின் ஒரு பகுதியாக இருந்தது. செராஸ் பகுதியில் பெரும்பாலான கல்வி நிலையங்கள்; ஆசிரியர்ப் பயிற்சிக் கல்லூரிகள் இருந்தன.

1974 பிப்ரவரி 1-ஆம் தேதி, கோலாலம்பூர் கூட்டாட்சிப் பிரதேசத்தை உருவாக்குவதற்காக, செராஸ் மாவட்டத்தின் பெரும் பகுதி, மத்திய அரசாங்கத்திடம் ஒப்படைக்கப்பட்டது.^[5] அதன் பின்னர் செராஸ் அதன் செல்வாக்கைச் சன்னம் சன்னமாக இழந்து விட்டது. மலேசியாவில் அதிக விலையில் கட்டப்பட்ட பண்டார் மக்கோத்தா செராஸ் தமிழ்ப்பள்ளி இந்தத் தொகுதியில்தான் உள்ளது. 2 கோடி 10 இலட்சம் மலேசிய ரிங்கிட் செலவில் கட்டப்பட்டது. ஒரு நவீன தமிழ்ப் பள்ளிக்கு உரிய அனைத்து வசதிகளையும் கொண்டுள்ள சிறந்த பள்ளியாக அறியப்படுகிறது.^[6]

மலேசியப் பொதுத் தேர்தல் 2022

	வேட்பாளர்	கட்சி	செல்லுபடி வாக்குகள்	பெற்ற வாக்குகள்	%	∆%
	தான் கோ வாய் (Tan Kok Wai)	பாக்காத்தான்	71,746	60,294	84.04%	- 4.96% ▼
	சின் யோக் கெங் (Chin Yoke Kheng)	பெரிக்காத்தான்	-	5,846	8.15%	+ 8.15%
	சோங் இயூ சுவான் (Chong Yew Chuan)	பாரிசான்	-	5,606	7.81%	- 3.19% ▼

• புடு
• செராஸ்
• சுங்கை பீசி
• கோலாலம்பூர் மாநகராட்சி
• கோலாலம்பூர் கூட்டாட்சி