Акраец хлеба (паэма)

Акраец хлеба
Акраец хлеба
	польск.: Kęs chleba
	; Першае выданне
Жанр	Паэма; Гутарка
Аўтар	Уладзіслаў Сыракомля
Мова арыгінала	польская
Дата напісання	Лістапад 1854
Дата першай публікацыі	1855
Асобнае выданне	1855
Выдавецтва	Крысціян Тэафіл Глюксберг
Месца публікацыі	Вільня
Колькасць старонак	72
	Медыяфайлы на Вікісховішчы

«Акра́ец хле́ба» (польск.: Kęs chleba) — паэма-гутарка Уладзіслава Сыракомлі. У ёй паэт апісаў выпадак з жыцця з свайго бацькі^[1].

Твор напісаны ў лістападзе 1854 г. у Барэйкаўшчыне^[2], пасля трох месяцаў са сканчэння паэмы «Маргер»^[3]. У 1855 г. «Акраец хлеба» выйшаў асобным выданнем^[4].

Змест

Лагода шмат гадоў арандоўваў невялікую вёску і прывязаўся да яе, быццма да сваёй уласнай, палюбіў мясцовы люд, і гэты люд палюбіў яго. Але ўладар вёскі, намоўлены Заборам, пастанавіў скасаваць арэнду Лагоды і аддаць вёску ў арэнду Забору. Лагода са слязамі пакідае ўбогую хатку, да якой прывязаўся, з ім развітаюцца сяляне, чакаючы са страхам новага пана. Больш пра Лагоду ня чулі, а Забору не шанцавала са збожжам, яго зямля родзіла горкім, ніхто не жадаў такога купляць^[5].