Часам не да законаў

«Часам не да законаў» (руск.: иногда не до законов) — выраз, публічна выкарыстаны Аляксандрам Лукашэнкам 10 верасня 2020 года, калі ён прадстаўляў перад супрацоўнікамі цэнтральнага апарату Генеральнай пракуратуры Беларусі новага генпракурора Андрэя Шведа^[1].

Выраз быў выкарыстаны на фоне магутных пратэстаў супраць фальсіфікацыі вынікаў прэзідэнцкіх выбараў, узурпацыі ўлады Лукашэнкам, палітычнага пераследу і катаванняў нязгодных. Гэтым выразам палітык фактычна даў дазвол на пачатак шырокамаштабных палітычных рэпрэсій супраць сваіх апанентаў. Цалкам выраз гучаў так^[1]:

Хоць калі ажыццяўляецца практычна нахабная інтэрвенцыя, як я называю, звонку і яна падаграваецца знутры і кіруецца звонку, там часам не да законаў, трэба прыняць жорсткія меры, каб спыніць усякую дрэнь, якая на гэта прэтэндуе. У дадзеным выпадку сітуацыя не такая.

Сёння фраза найчасцей выкарыстоўваецца дэмакратычнай апазіцыяй, каб падкрэсліць поўнае беззаконне, якое пануе ў Беларусі ў дачыненні да апанентаў рэжыму Лукашэнкі пасля 2020 года.