Месечината го добила ова име[4] дури во 1975 г.;[5] пред тоа била позната како Јупитер XII. Меѓу 1955 и 1975 г. понекогаш се нарекувала „Адрастеја“[6] — име кое денес го носи друга месечина на Јупитер.
По месечината е наречена Ананкината група, која се состои повратни неправилни месечини кои кружат околу Јупитер помеѓу 19,3 и 22,7 Гм при наклони од околу 150°.[2]
Орбита
Ананка кружи околу Јупитер по висока повратна орбита со големо занесување и голем наклон. Од 2000 г. наваму се откриени осум неправилни месечини околу Јупитер кои следат слични орбити.[2] Сознанијата за орбиталните елементи на Ананка се од јануари 2000 г.[1] Истите постојано се менуваат поради Сончевите и планетарните растројувања. Дијаграмот подолу ја прикажува орбитата на Ананка во однос на другите повратни неправилни Јупитерови месечини. Занесувањето на орбитите е претставено со жолти отсечки (кои се протегаат од перицентар до апоцентар). За упат е дадена и најнадворешната правилна месечина, Калиста.
Земајќи ги овие орбитални елементи и досега познатите физички особености, Ананка се смета за најголем остаток[7] од распарчување со кое е создадена Ананкината група.[8][9]
↑ 2,02,12,22,3Sheppard, S. S., Jewitt, D. C., Porco, C.; Jupiter's Outer Satellites and Trojans, in Jupiter: The Planet, Satellites and Magnetosphere, edited by Fran Bagenal, Timothy E. Dowling, William B. McKinnon, Cambridge Planetary Science, Vol. 1, Cambridge, UK: Cambridge University Press, ISBN 0-521-81808-7, 2004, pp. 263-280
