கிளியோபாட்ராவின் ஊசி

கிளியோபாட்ராவின் ஊசி (Cleopatra's Needle) பண்டைய எகிப்தின், புது எகிப்திய இராச்சியத்தை ஆண்ட 18-ஆம் வம்ச பார்வோன் மூன்றாம் தூத்மோஸ் மற்றும் 19-ஆம் வம்ச பார்வோன் இரண்டாம் ராமேசஸ் எழுப்பிய ஊசி போன்ற செங்குத்தான மூன்று கல்தூபிகள் ஆகும்.^[1] கிபி 1819-இல் அலெக்சாந்திரியா, அல்-உக்சுர் மற்றும் ஹெலியோபோலிஸ் நகரங்களை தொல்லியல் அகழ்வாய்வு செய்கையில் கண்டெடுக்கப்பட்ட இக்கல்தூபிகளுக்கு பின்னர் பிரான்சு நாட்டவர்கள் கிளியோபாட்ராவின் ஊசிகள் எனப்பெயரிட்டனர். ^[2] பண்டைய எகிப்தை கிமு 332 முதல் கிமு 32 முடிய ஆண்ட தாலமி வம்சத்தின் ஏழாம் கிளியோபாற்றாவுக்கும் இக்கல்தூபிகளுக்கும் எவ்வித தொடர்பும் இல்லை. 19-ஆம் நூற்றாண்டில் இந்த மூன்று கல்தூபிகளை சீரமைத்து அதில் ஒன்று நியுயார்க் நகரத்திலும், ஒன்று இலண்டன் நகரத்திலும், ஒன்று பாரிசு நகரத்திலும் காட்சிக்கு வைக்கப்பட்டுள்ளது.^[3]

இலண்டன் கிளியோபாட்ரா ஊசி, எகிப்தின் பார்வோன் மூன்றாம் தூத்மோஸ் கிமு 1450-இல் ஹெலியோபோலிஸ் நகரத்தில் நிறுவினார். இந்த கிளியோபாட்ரா ஊசியை, கிபி 1819-இல் எகிப்திய மன்னர் முகமது அலி பாட்சா, ஐக்கிய இராச்சியத்திர்ற்கு பரிசாக வழங்கினார். சில காரணங்களுக்காக இது எகிப்திலே இருந்தது. ^[4]பின்னர் 1877-இல் இது இலண்டனுக்கு எடுத்துச்செல்லப்பட்டது.^[5]

நியுயார்க் கிளியோபாட்ரா ஊசியை, எகிப்திய இசுலாமிய சுல்தான் முகமது அலி பாட்சாவால், ஐக்கிய அமெரிக்காவுக்கு பரிசாக வழங்கப்பட்டது.இது நியூயார்க் நகர மையப் பூங்காவில் உள்ளது. ^[6]

எகிப்தின் பார்வோன் இரண்டாம் ராமேசஸ் என்பவர் அல்-உக்சுர் எனுமிடத்தில் நிறுவிய இந்த கல்தூபியை, கிபி 1828-இல் எகிப்தின் சுல்தான் முகமது அலி பாட்சா பிரான்சு மன்னருக்கு அன்பளிப்பாக வழங்கினார்.

• 
  கல்தூபி, அலெக்சாந்திரியா, கிமு 1884
• 
  கிளியோபாட்ரா ஊசி, இலண்டன்
• 
  நியுயார்க் மையப்பூங்காவில் கிளியோபாட்ரா ஊசி
• 
  நியுயார்க் கிளியோபாட்ரா ஊசி
• 
  மூன்றாம் தூத்மோஸ் நிறுவிய கல்தூபி, தற்போது துருக்கியின் இஸ்தான்புல்லில் உள்ளது

• சென் மோதிரம்
• ஆங்க் (எகிப்தியச் சின்னம்)
• குறுங்கல்வெட்டு (பண்டைய எகிப்து)
• பண்டைய எகிப்திய அரசமரபுகள்

• D'Alton, Martina (1993). The New York obelisk, or, How Cleopatra's Needle came to New York and what happened when it got here. New York: The Metropolitan Museum of Art. ISBN 0-87099-680-0.

விக்கிமீடியா பொதுவகத்தில்,
கிளியோபாட்ராவின் ஊசி
என்பதில் ஊடகங்கள் உள்ளன.

•  "Cleopatra's Needles". Encyclopedia Americana. 1920. 
•   "Cleopatra's Needles". New International Encyclopedia. (1905).