கோலா திராங்கானு மக்களவைத் தொகுதி

கோலா திராங்கானு (P036) மலேசிய மக்களவைத் தொகுதி  திராங்கானு
Kuala Terengganu (P036) Federal Constituency in Terengganu
கோலா திராங்கானு மக்களவைத் தொகுதி (P036 Kuala Terengganu)
மாவட்டம்	கோலா திராங்கானு மாவட்டம்  திராங்கானு
வாக்காளர்களின் எண்ணிக்கை	107,081 (2023)[1][2]
வாக்காளர் தொகுதி	கோலா திராங்கானு தொகுதி
முக்கிய நகரங்கள்	கோலா திராங்கானு, கம்போங் சீனா, கோலா திராங்கானு மாவட்டம், சுல்தான் மாமுட் வானூர்தி நிலையம்
பரப்பளவு	331 ச.கி.மீ[3]
முன்னாள் தொகுதி
உருவாக்கப்பட்ட காலம்	1974
கட்சி	பெரிக்காத்தான் நேசனல்
மக்களவை உறுப்பினர்	அகமது அம்சாத் அசிம் (Ahmad Amzad Hashim)
மக்கள் தொகை	129,031 (2020)[4]
முதல் தேர்தல்	மலேசியப் பொதுத் தேர்தல், 1974
இறுதித் தேர்தல்	மலேசியப் பொதுத் தேர்தல், 2022[5]

2022-இல் கோலா திராங்கானு மக்களவைத் தொகுதியின் வாக்காளர் இனப் பிரிவுகள்:^[6][7]

  மலாயர் (90.6%)

  சீனர் (8.6%)

  இந்தியர் (0.6%)

  இதர இனத்தவர் (0.2%)

கோலா திராங்கானு மக்களவைத் தொகுதி (மலாய்: Kawasan Persekutuan Kuala Terengganu; ஆங்கிலம்: Kuala Terengganu Federal Constituency; சீனம்: 瓜拉登嘉楼国会议席) என்பது மலேசியா, திராங்கானு, கோலா திராங்கானு மாவட்டத்தில் அமைந்துள்ள ஒரு மக்களவைத் தொகுதி (P036) ஆகும்.^[8]

கோலா திராங்கானு மக்களவைத் தொகுதி 1974-ஆம் ஆண்டில் உருவாக்கப்பட்டது. இந்தத் தொகுதியில், முதன்முதலாக 1974-ஆம் ஆண்டில் மக்களவைப் பொதுத் தேர்தல் நடைபெற்றது. இறுதியாக, 2022-ஆம் ஆண்டில் நடைபெற்றது.

1974-ஆம் ஆண்டில் இருந்து கோலா திராங்கானு மக்களவைத் தொகுதி, மலேசிய நாடாளுமன்றத்தின் மலேசிய மக்களவையில் பிரதிநிதிக்கப் படுகிறது.^[9]

கோலா திராங்கானு மாவட்டம், திராங்கானு மாநிலத்தில் உள்ள ஒரு மாவட்டம் ஆகும். திராங்கானு மாநிலத்தில் உள்ள எட்டு மாவட்டங்களில் ஒன்றாகும்.

இந்த மாவட்டத்தின் வடக்கிலும் மேற்கிலும் கோலா நெருசு மாவட்டம், தெற்கில் மாராங் மாவட்டம்; மற்றும் கிழக்கில் தென்சீனக் கடல், திராங்கானு ஆறு ஆகியவை எல்லைகளாக உள்ளன. இந்த மாவட்டத்தின் தலைநகரம் கோலா திராங்கானு ஆகும்.

திராங்கானு மாநிலத்தின் நிர்வாகத் தலைநகரமாகவும்; அரசத் தலைநகரமாகவும் கோலா திராங்கானு விளங்குகிறது. இந்த நகரத்திற்கு 2008 சனவரி 1-ஆம் தேதி கரையோர மரபுரிமை நகரம் எனும் மாநகரத் தகுதி வழங்கப்பட்டது.

இந்த நகரம், திராங்கானு மாநிலத்தின் முக்கியமான அரசியல், பொருளாதார மையமாக இருப்பதுடன், மாநிலத்தின் பல சுற்றுலா மையங்களுக்கான நுழைவாயிலாகவும் உள்ளது. இந்த நகரத்தில் உள்ள கம்போங் சீனா, பசார் பெசார் கெடாய் பாயாங் (Pasar Besar Kedai Payang), திராங்கானு மாநில அருங்காட்சியகம், பத்து பூரோக் கடற்கரை (Batu Buruk Beach) போன்றவை சுற்றுலாப் பயணிகளைக் கவரும் இடங்களாக உள்ளன.

மலேசியப் பொதுத் தேர்தல் 2022

கட்சி		வேட்பாளர்	வாக்குகள்	%	∆%
	மலேசிய இசுலாமிய கட்சி	அகமது அம்சாத் அசிம் (Ahmad Amzad Hashim)	68,369	76.41%	+ 11.14%
	பாக்காத்தான் அரப்பான்	அசான் இசுமாயில் (Azan Ismail)	21,103	23.59%	+ 12.25%
செல்லுபடி வாக்குகள் (Valid)			89,472	100%
செல்லாத வாக்குகள் (Rejected)			1,049
ஒப்படைக்காத வாக்குகள் (Unreturned)			111
வாக்களித்தவர்கள் (Turnout)			90,632	73.34%	- 4.96% ▼
பதிவு பெற்ற வாக்காளர்கள் (Registered Electors)			123,397
பெரும்பான்மை (Majority)			47,266	52.82%	+ 10.45%
	மலேசிய இசுலாமிய கட்சி	வெற்றி பெற்ற கட்சி (Hold)
சான்றுகள்: மலேசிய தேர்தல் ஆணையம்[10]

• கோலா திராங்கானு
• கோலா திராங்கானு மாவட்டம்
• கோலா திராங்கானு மாநகராட்சி
• மலேசியத் தேர்தல் தொகுதிகள்