மலாயா பொதுத் தேர்தல், 1955

மலாயா பொதுத் தேர்தல், 1955

27 சூலை 1955 1959 →
1-ஆவது மக்களவை உறுப்பினர்கள் →
பதிவு செய்த வாக்காளர்கள்	1,240,058
வாக்களித்தோர்	82.84%
தலைவர் துங்கு அப்துல் ரகுமான் ஓன் ஜாபார் அபாஸ் அலியாஸ் கட்சி அம்னோ இடங்கள் 51 தேசியக் கட்சி இடங்கள் 0 பாஸ் இடங்கள் 1 கூட்டணி கூட்டணி தலைவரான ஆண்டு பிப்ரவரி 1954 1953 மொத்த வாக்குகள் 818,013 78,909 40,667 விழுக்காடு 81.68% 7.9% 4.1%
தேர்தலில் வெற்றி பெற்ற கட்சிகள்
முதல்வர் துங்கு அப்துல் ரகுமான் கூட்டணி

மலாயா பொதுத் தேர்தல், 1955 (மலாய்: Pilihan Raya Umum Tanah Melayu 1955; ஆங்கிலம்: 1955 Malayan General Election; சீனம்: 1955年马来亚大选); என்பது 1957-ஆம் ஆண்டு மலாயா விடுதலை பெறுவதற்கு முன்னர் நடந்த ஒரே மலேசியப் பொதுத் தேர்தல் ஆகும். இந்தத் தேர்தல் 27 சூலை 1955 புதன்கிழமை அன்று நடத்தப்பட்டது.

மலாயா கூட்டமைப்பின் கூட்டரசு சட்டமன்ற உறுப்பினர்களைத் தேர்ந்தெடுப்பதற்காக இந்தத் தேர்தல் நடத்தப்பட்டது. முன்பு கூட்டரசு மலாயாவின் சட்டமன்ற உறுப்பினர்கள், பிரித்தானிய மலாயாவின் உயர் ஆணையரால் நியமிக்கப்பட்டனர்.

மலேசிய அரசியலின் ஒரு பகுதி
மலேசிய அரசியல்
முடியாட்சி மலேசிய பேரரசர்கள் பட்டியல் மலேசிய பேரரசர் (இப்ராகிம் இசுகந்தர்) மலேசிய சுல்தான்கள் யாங் டி பெர்துவான் நெகாரா யாங் டி பெர்துவான் பெசார் யாங் டி பெர்துவான் மூடா மலேசிய ஆளுநர்கள் பட்டியல் நெகிரி செம்பிலான் யாம் துவான் பெசார் பெர்லிஸ் இராஜா யாங் டி பெர்துவா நெகிரி மலாக்கா ஆளுநர் பினாங்கு ஆளுநர் சபா ஆளுநர் சரவாக் ஆளுநர் மலேசிய ஆட்சியாளர்களின் பேரவை
நாடாளுமன்றம் மலேசிய நாடாளுமன்றம் 15-ஆவது மக்களவை மலேசிய மேலவை தலைவர் மலேசிய மக்களவை மக்களவைத் தலைவர் பிரதமர் அன்வர் இப்ராகீம் எதிர்க்கட்சித் தலைவர்
அரசாங்கம் அமைச்சரவை பிரதமர் அன்வர் இப்ராகீம் பொதுச் சேவை (மலேசிய அமைச்சுகள்/நிறுவனங்கள்) தலைமைச் செயலாளர்
நீதித்துறை உச்ச நீதிமன்றம் தலைமை நீதிபதி மேல்முறையீட்டு நீதிமன்றம் நீதிமன்றத் தலைவர் மலேசிய உயர்நீதிமன்றங்கள் மலேசிய உயர்நீதிமன்றம் சபா சரவாக் உயர்நீதிமன்றம்
தேர்தல்கள் மலேசிய தேர்தல் ஆணையம் பொதுத் தேர்தல்கள்: 2022 தேர்தல் தொகுதிகள்
அரசியல் கட்சிகள் மலேசிய அரசியல் கட்சிகள் பாரிசான் பாக்காத்தான் பெரிக்காத்தான் சரவாக் கூட்டணி சபா கூட்டணி இந்திய நாடாளுமன்ற உறுப்பினர்கள்
கூட்டாட்சி மாநில அரசுகள் மாநில முதல்வர்கள் மாநில சட்டமன்றங்கள் (உறுப்பினர்கள்) உள்ளாட்சி மன்றங்கள் (பட்டியல்)
சித்தாந்தங்கள் அரசின்மை பொதுவுடைமை பழமைவாதம் பெண்ணியம் ருக்குன் நெகாரா மலாய் தேசியவாதம் சீர்திருத்தம் இனம் - அரசியல் தயாக் அரசியல் மலாயர் மேலாதிக்கம் பூமிபுத்திரா மலேசியர்களின் மலேசியா சமூக உடன்படிக்கை
பா உ தொ

மலாயாவின் 52 கூட்டரசு தொகுதிகளின் ஒவ்வொரு தொகுதியிலும் ஓர் உறுப்பினரைத் தேர்ந்தெடுக்கும் வாக்குப்பதிவு நடைபெற்றது. அத்துடன் மலாயாவின் ஒன்பது மாநிலங்களில் உள்ள 136 மாநிலத் தொகுதிகளிலும் மாநிலத் தேர்தல்கள் நடைபெற்றன. மேலும் 10 அக்டோபர் 1954 முதல் நவம்பர் 12, 1955 வரையில்; மலாக்கா, பினாங்கு நீரிணை குடியேற்றங்களில் மாநில ஆட்சிமன்றத் தலைவர்களைத் தேர்ந்தெடுக்கும் வாக்குப் பதிவுகளும் நடைபெற்றன.

மலேசிய இசுலாமிய கட்சி (பாஸ்), இந்த 1955-ஆம் ஆண்டுத் தேர்தலில் போட்டியிடுவதற்காகவே உருவாக்கப்பட்டது. முன்னதாக மலேசிய இசுலாமிய கட்சி ஐக்கிய மலாய் தேசிய அமைப்பு எனும் அம்னோ கட்சியின் ஒரு பகுதியாக இருந்தது.

தீபகற்ப மலாயாவில் மிகக் குறைந்த பொருளாதார வளர்ச்சியைக் கொண்டிருந்த மலாயா தீபகற்பத்தின் வடக்கு மாநிலங்களான கிளாந்தான், திராங்கானு மாநிலங்களை அடித்தளமாகக் கொண்டு மலேசிய இசுலாமிய கட்சி உருவாக்கப்பட்டது. மலேசிய இசுலாமிய கட்சி இசுலாத்தை முதன்மை நோக்கமாக அறிவித்து மலாய் மக்களின் ஆதரவைப் பெற்றது.^[1]

அம்னோ, மலேசிய சீனர் சங்கம், மற்றும் மலேசிய இந்திய காங்கிரசு ஆகியவற்றின் கூட்டணியான மலேசிய கூட்டணி கட்சிக்கு இந்தத் தேர்தலில் அமோகமான வெற்றி கிடைத்தது. முன்னாள் அம்னோ தலைவர் ஒன் ஜாபார் தலைமையிலான நெகாரா கட்சிக்கு இந்தத் தேர்தல் ஒரு மாபெரும் தோல்வியில் முடிந்தது. ஒன் ஜாபார் கட்சியினர் எந்த ஓர் இடத்திலும் வெற்றி பெறவில்லை.

இதன் பின்னர் மலேசிய கூட்டணி கட்சி புதிய அரசாங்கத்தை அமைக்கத் தொடங்கியது; அதன் தலைவர் துங்கு அப்துல் ரகுமான் முதலமைச்சரானார். 1957-ஆம் ஆண்டு நாடு சுதந்திரம் பெறும் வரையில் மலாயா நாட்டின் தலைவர் முதல்வர் என்றே அழைக்கப்பட்டார்.

இந்தத் தேர்தலில் முப்பது மலேசிய கூட்டணி கட்சி வேட்பாளர்கள் 10,000 வாக்குகளுக்கும் மேல் பெரும்பான்மை வாக்குகளைப் பெற்றனர். அவர்களில் ஒன்பது பேர் 20,000 வாக்குகளுக்கும் மேல் பெரும்பான்மையைப் பெற்றனர். எதிரணிகளைச் சேர்நந் நாற்பத்து மூன்று பேர் தங்கள் வைப்புத் தொகையை இழந்தனர்.

• வேட்பு மனு நாள்: 15 சூன் 1955
• தேர்தல் நாள்: 27 சூலை 1955

மாநிலம்	வேட்பு மனு நாள்	தேர்தல் நாள்
ஜொகூர்	1 செப்டம்பர் 1954	10 அக்டோபர் 1954
திராங்கானு	29 அக்டோபர் 1954
சிலாங்கூர்	11 ஆகஸ்டு 1955	27 செப்டம்பர் 1955
கெடா	14 ஆகஸ்டு 1955	இல்லை
கிளாந்தான்	15 ஆகஸ்டு 1955	19 செப்டம்பர்1955
பெர்லிஸ்	17 ஆகஸ்டு 1955	24 செப்டம்பர் 1955
பகாங்	25 ஆகஸ்டு 1955	26 செப்டம்பர் 1955
நெகிரி செம்பிலான்	8 செப்டம்பர் 1955	12 அக்டோபர் 1955
பேராக்	1 அக்டோபர் 1955	12 நவம்பர் 1955

குடியேற்றம்	வேட்பு மனு நாள்	தேர்தல் நாள்
பினாங்கு	13 சனவரி 1955	19 பிப்ரவரி 1955
மலாக்கா	4 ஆகஸ்டு 1955	இல்லை

மலாயா கூட்டணி மொத்த வாக்குகளில் 80% பெற்றது; மற்றும் போட்டியிட்ட 52 இடங்களில் 51 இடங்களில் வெற்றி பெற்றது. மலேசிய இசுலாமிய கட்சி பேராக் மாநிலத்தின் கிரியான் தொகுதியில் மட்டும் ஒரே இடத்தை வென்றது.

மலேசிய இசுலாமிய கட்சியின் ஒரே வெற்றி வேட்பாளரான அஜி அகமத் துவான் உசைன், ஓர் இசுலாமிய அறிஞர் ஆகும்; பின்னர் இவர் "திருவாளர் எதிர்க்கட்சி" எனும் செல்லப் பெயரைப் பெற்றார். 1955-ஆம் ஆண்டு மலாயா பொதுத் தேர்தலில் 82.8% மொத்த வாக்குகள் பதிவாகின.

^[2][1][2][3] }}

• Barbara Watson Andaya dan Leonard Y. Andaya. A History of Malaysia, The MacMlllan Press Ltd. (1982). பன்னாட்டுத் தரப்புத்தக எண் 0-333-27673-6.
• The World Book Encyclopedia, World Book International (1994). பன்னாட்டுத் தரப்புத்தக எண் 0-7166-6694-4.