நெகிரி செம்பிலான் மாநில ஆட்சிக்குழு (ஆங்கிலம்Negeri Sembilan State Executive Council; மலாய்: Majlis Mesyuarat Kerajaan Negeri Sembilan) என்பது மலேசியாநெகிரி செம்பிலான் மாநில அரசாங்கத்தின் நிர்வாக ஆட்சிக்குழுவாகும். நெகிரி செம்பிலான் யாம் துவான் பெசார் (Yang di-Pertuan Besar of Negeri Sembilan) அவர்களால் நியமிக்கப்பட்ட நெகிரி செம்பிலான் மந்திரி பெசார் (Negeri Sembilan Menteri Besar) இந்த ஆட்சிக் குழுவிற்கு தலைமை தாங்குகிறார். அவர் நெகிரி செம்பிலான் மாநில சட்டமன்றத்தில் (Negeri Sembilan State Legislative Assembly) அதிகப் பெரும்பான்மையைப் பெற்றவராக இருக்க வேண்டும். ஆட்சிக்குழுவில் மாநிலச் செயலாளர், மாநில சட்ட ஆலோசகர் மற்றும் மாநில நிதி அதிகாரி ஆகியோரும் இடம் பெறுகிறார்கள்.[1][2]
இந்த ஆட்சிக்குழு மலேசிய அமைச்சரவை கட்டமைப்பைப் போன்றதாகும். ஆனாலும் இந்த ஆட்சிக்குழு அளவில் சிறியது. கூட்டாட்சி நடுவண் அரசாங்கத்தின் பொறுப்புகளும், மாநில அரசாங்கத்தின் பொறுப்புகளும் வேறுபடுவதால்; மத்திய மற்றும் மாநில அரசாங்கங்களுக்கு இடையிலேயும் பல துறைகளும் மாறுபடுகின்றன.
ஆட்சிக்குழு உறுப்பினர்கள் மந்திரி பெசாரால் தேர்ந்தெடுக்கப்பட்டு சுல்தானால் நியமிக்கப்படுகிறார்கள். ஆட்சிக்குழுவிற்கு அமைச்சுகள் இல்லை, மாறாக பல குழுக்கள் உள்ளன. ஒவ்வொரு குழுவும் அந்தக் குழு சார்ந்த மாநில விவகாரங்கள், செயல்பாடுகள் மற்றும் பல்வகைத் துறைகளைக் கவனித்துக் கொள்ளும். ஆட்சிக்குழுவின் உறுப்பினர் ஒரு குழுவின் தலைவராகச் செயல்படுவார்.[3]
