Ілья Сяргеевіч Васілевіч

Ілья Васілевіч
Ілья Васілевіч
Поўнае імя	Ілья Сяргеевіч Васілевіч
Нарадзіўся	14 красавіка 2000 (25 гадоў); Івацэвічы, Івацэвіцкі раён, Брэсцкая вобласць, Беларусь;
Грамадзянства	Беларусь
Рост	179 см
Вага	71 кг
Пазіцыя	нападнік
Інфармацыя пра клуб
Клуб	Тарпеда-БелАЗ
Нумар	23
Маладзёжныя клубы
2012—2014	ПМЦ (Паставы)
2014—2017	Фартуна (Мінск)
2014—2017	→ РДВАР (Мінск)
Клубная кар’ера
2024—	Тарпеда-БелАЗ (Жодзіна)
Нацыянальная зборная
	↑ Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 15 студзеня 2024. ; ↑ Колькасць гульняў і галоў за нацыянальную зборную ў афіцыйных матчах, адкарэктавана станам на 13 ліпеня 2022 ;

Ілья Васілевіч (нар. 14 красавіка 2000, Івацэвічы) — беларускі футбаліст, нападнік жодзінскага «Тарпеда-БелАЗ».

Клубная кар’ера

Пачынаў займацца футболам у родных Івацэвічах, ва ўзросце 12 гадоў паступіў у пастаўскую акадэмію ПМЦ, пасля далучыўся да мінскай футбольнай школы «Фартуна». Вучыўся ў Акадэміі АБФФ, а ў другой палове 2017 года выступаў у Першай лізе за «Баранавічы». У студзені 2018 года падпісаў трохгадовы кантракт з данецкім «Шахцёрам», які пачаў дзейнічаць з красавіка^[4]. Выступаў за моладзевую каманду «Шахцёра», да асноўнага складу не прыцягваўся.

У жніўні 2019 года, пакінуўшы «Шахцёр», стаў іграком барысаўскага БАТЭ^[5]. У другой палове 2019 года выступаў за дубль барысаўчан, а да сезона 2020 рыхтаваўся разам з асноўнай камандай. У сакавіку 2020 года быў аддадзены ў арэнду ў мазырскую «Славію»^[6], дзе пераважна выхадзіў на замену або заставаўся на лаўцы запасных, прыцягваўся таксама да дубля. З верасня 2020 года не гуляў з-за траўмы. У снежні 2020 года па заканчэнні арэнды пакінуў мазырскі клуб.

У красавіку 2021 года быў заяўлены за БАТЭ і стаў гуляць за дубль, а пазней замацаваўся ў асноўнай камандзе. У снежні 2023 года пакінуў барысаўскі клуб^[7].

У студзені 2024 года падпісаў кантракт з жодзінскім «Тарпеда-БелАЗ»^[8].

Міжнародная кар’ера

У 2016—2017 гадах гуляў за юнацкую зборную Беларусі (да 17 гадоў) у кваліфікацыі чэмпіянату Еўропы.

У кастрычніку 2017 і кастрычніку 2018 гадоў гуляў за юніёрскую зборную Беларусі (да 19 гадоў) у кваліфікацыйных раўндах чэмпіянату Еўропы.

26 лютага 2022 года дэбютаваў у моладзевай зборнай Беларусі, выйшаўшы на замену ў другім тайме адборачнага матча чэмпіянату Еўропы 2023 супраць Кіпра (1:0).