ФК Вікторыя Мар’іна Горка

Вікторыя Мар’іна Горка
Заснаваны	1990
Горад	Мар’іна Горка, Беларусь
Стадыён	Гарадскі Умяшчальнасць: 2 000[1]
Галоўны трэнер	Сяргей Дубаенка
Чэмпіянат	Другая ліга
2023	9-12 месца
Асноўная форма Гасцявая форма

«Вікторыя» — беларускі футбольны клуб з горада Мар’іна Горка. У цяперашні час выступае ў Другой лізе чэмпіянату Беларусі.

Да 1990 года існавала аматарская каманда па футболе пры Мар’інагорскім аграрна-тэхнічным коледжы (саўгаса-тэхнікума). У 1989 годзе выйграла першынство БССР сярод прафсаюзных каманд. У камандзе гуляў такі вядомы ігрок, як Алег Чарняўскі. Трэнерам быў Анатоль Усенка^[2][3].

У 1990 годзе была заснавана каманда пад назвай «Беларусь». Клуб гуляў у Чэмпіянаце БССР, пасля трапіў у Другую лігу чэмпіянату Беларусі. У 1993 годзе быў выключаны з чэмпіянату за парушэнне рэгламенту і перайшоў на аматарскі ўзровень. У гэты час у камандзе былі такія знакамітыя ігрокі, як Аляксандр Зубкоўскі (пазней спартыўны дырэктар БАТЭ) і Аляксандр Чысты^[4][5].

У 1996 годзе клуб заявіўся ў Трэцюю лігу пад назвай «Энергія-ЦЭЦ-5». У 1997 годзе пераехаў з Мар’інай Горкі ў пасёлак Дружны, але пасля сезона 1997 клуб спыніў сваё існаванне.

Пазней клуб стаў выступаць у чэмпіянаце Мінскай вобласці пад назвай «Зорка», некалькі разоў атрымліваў у ім перамогу. З 2006 года асноўнай камандай раёна стаў «Рудзенск», і толькі ў 2010 «Зорка» зноў трапіла ў чэмпіянат вобласці. У сезоне 2014 каманда атрымала выніковае чацвёртае месца.

У снежні 2014 года было вырашана заявіць каманду з Мар’інай Горкі ў Другую лігу чэмпіянату Беларусі. Галоўным трэнерам каманды стаў Васіль Матусевіч, яго памочнікам — Гія Панчулідзэ. Аснову каманды склалі выхаванцы Пухавіцкай ДЮСШ. У лютым 2015 года «Зорка-РФАЦ-Вікторыя» афіцыйна далучылася да Другой лігі^[6]. Сезон каманда пачала ў групе А пад назвай «Вікторыя». Добрая гульня дазволіла «Вікторыі» заняць другое месца ў групе і выйсці ў фінальны этап, па выніках якога каманда атрымала выніковы сёмы радок.

У сезоне 2016, нягледзячы на неблагі старт, каманда хутка апынулася ў канцы табліцы. Аднак, атрымаўшы шэраг перамог у другой палове сезона, «Вікторыя» атрымала ў Другой лізе выніковае 9-е месца з 13. Таксама «Вікторыя» атрымала права выступу ў Кубку Рэгіёнаў УЕФА (як фіналіст Рэгіянальнага Кубка Беларусі 2015) пасля таго, як пераможца Рэгіянальнага Кубка Беларусі 2015 мінскі «Прамень» быў пазбаўлены гэтага права за ўдзел у дагаварных матчах. На кваліфікацыйным турніры Кубка рэгіёнаў УЕФА ў Польшчы каманда (якая выступала пад назвай «Зорка-РФАЦ-Вікторыя») заняла трэцяе месца, атрымаўшы два паражэнні і згуляўшы адзін матч унічыю.

У сезоне 2017 каманда выступала паспяхова і доўгі час ішла ў верхняй частцы табліцы, аднак няўдалы фініш адкінуў «Вікторыю» на сёмае выніковае месца. На працягу сезона 2018 «Вікторыя» амаль увесь час заставалася серадняком і скончыла сезон на восьмым месцы з 15. Сезон 2019 атрымаўся для «Вікторыі» цяжкім — у камандзе змяніліся тры трэнеры, праз клуб прайшло шмат ігракоў, аднак вынікі былі не найлепшымі, каманда стала 11-й.

У 2020 годзе Другая ліга падзялялася на дзве групы. «Вікторыя» змагалася за выхад у фінальны турнір, але стала пятай у сваё групе. У 2021 годзе мар’інагорскі клуб здолеў выйсці з Мінскага дывізіёна ў плэй-оф Другой лігі, дзе саступіў у 1/8 фіналу пінскаму «Стэнлесу» (1:6, 1:0). У 2022 годзе «Вікторыя» зноў вышла ў плэй-оф і на гэты раз дайшла да паўфіналу, аднак там саступіла і заняла выніковае чацвёртае месца.

Па выніках сезона 2022 «Вікторыя» атрымала магчымасць ісці ў Першую лігу і першапачаткова мела намер туды заявіцца^[7], аднак у студзені 2023 года клуб паведаміў, што застанецца ў Другой лізе^[8].

• Найлепшае дасягненне ў Першай лізе чэмпіянату Беларусі — 12 месца (1992/93)
• Фіналіст аматарскага Рэгіянальнага Кубка Беларусі: 2015
• Чэмпіён Мінскай вобласці (3): 2003, 2004, 2005
• Кубак Мінскай вобласці
  • Уладальнік: 2015
  • 1/2 фіналу: 2017

• 1990—1993: «Беларусь» (Мар’іна Горка)
• 1996—1997: «Энергія-ЦЭЦ-5» (Мар’іна Горка)
• 1997: «Энергія-ЦЭЦ-5» (Дружны)
• 2000—2003: «Зорка» (Мар’іна Горка)
• 2004: «Зорка-Тарпеда» (Мар’іна Горка)
• 2005: «МПП-Зорка» (Мар’іна Горка)
• 2010: «Зорка-Еўрарэспект» (Пухавіцкі раён)
• 2011: «Зорка» (Пухавіцкі раён)
• 2012: «Зорка-ЖКГ» (Пухавіцкі раён)
• 2013—2014: «Зорка-РФАЦ-Вікторыя» (Пухавічы)
• з 2015: «Вікторыя» (Мар’іна Горка)

Станам на жнівень 2023 года.

№ Паз. Імя Нар. 1 Бр Раман Бабаеў 1992 31 Бр Дзмітрый Захарэвіч 2002 Бр Васіль Далідовіч 1996 6 Аб Артур Кірэеў 2002 18 Аб Дзмітрый Вавілаў 1986 19 Аб Вадзім Мігаленя 2000 20 Аб Іван Прахарэнка 1998 Аб Уладзіслаў Лагун 2004 Аб Дзмітрый Навумчык 1991 4 ПА Дзмітрый Сіняўскі 1998 5 ПА Пётр Зыль 1994 7 ПА Сяргей Тарчыла 1993 8 ПА Мікіта Макараў 1997 10 ПА Антон Новік 1998 11 ПА Фарух Шарыпаў 1994 13 ПА Міхаіл Лухвіч 2003

№ Паз. Імя Нар. 14 ПА Максім Гумінскі 1993 21 ПА Андрэй Баярын 1997 23 ПА Аляксей Кісялёў 1989 55 ПА Іван Шарко 2003 99 ПА Мікалай Давыдзенка (у арэндзе з «Макслайна») 2003 ПА Дзяніс Галацукаў 1998 ПА Дзяніс Лях 1995 ПА Віталь Пліско 1994 ПА Павел Сёмкін 1993 ПА Фёдар Цішкевіч 2003 9 Нап Сяргей Лізуноў 1998 15 Нап Сяргей Кучмель 1998 24 Нап Уладзіслаў Жалевіч 2006 26 Нап Аляксандр Еўтуховіч 2001 Нап Андрэй Панасік 1992

У 2015 годзе «Вікторыя» атрымала права выступу ў Кубку рэгіёнаў УЕФА (як фіналіст Рэгіянальнага Кубка Беларусі 2015) пасля таго, як пераможца Рэгіянальнага Кубка Беларусі 2015 мінскі «Прамень» быў пазбаўлены гэтага права за ўдзел у дагаварных матчах. На кваліфікацыйным турніры Кубка рэгіёнаў УЕФА ў Польшчы каманда (якая выступала пад назвай «Зорка-РФАЦ-Вікторыя») заняла трэцяе месца, атрымаўшы два паражэнні і згуляўшы адзін матч унічыю.

• Разговор у кромки поля…(недаступная спасылка) (руск.)