Лунци

Лунци
Лунци; Καλλονή
	Лунци
	Местоположба во областа Лунци Местоположба на Лунци во Општина Гребен и областа Западна Македонија
	Координати: 40°9′N 21°12′E / 40.150°N 21.200°E
Земја	Грција
Област	Западна Македонија
Округ	Гребен
Општина	Гребен
Општ. единица	Чирак
Надм. вис.	1.020 м
Население (2011)
• Вкупно	6
Час. појас	EET (UTC+2)
• Лето (ЛСВ)	EEST (UTC+3)

Лунци или Лунч (грчки: Καλλονή, Калони; до 1927 г. Λούντσι, Лунци^[2]) — село во Гребенско, Егејска Македонија, денес во општината Гребен на Гребенскиот округ во областа Западна Македонија, Грција. Населението брои 6 жители (2011).

Географија и местоположба

Селото е оддалечено околу 20 км северозападно од градот Гребен, на надморска височина од 1.020 м.^[3]

Историја

Во Отоманското Царство

Црквата „Св. Никола“ е изградена во 1864 година.^[4]

Во XIX век Лунци било грчко село во Гребенската каза на Серфиџенскиот Санџак.

Според податоците на Васил К’нчов („Македонија. Етнографија и статистика“) од 1900, во Лунци живееле 180 Грци.^[5]

Според грчката атинска статистика од 1910 година во Лунцион (Λούντσον) живееле 500 Грци христијани.^[6]

Во Грција

По Балканските војни во 1913 г. селото е припоено кон Грција согласно Букурешкиот договор, кога броело 503 жители. Нивниот број во 1920 г. се намалил на 391.^[3]

Во 1927 година, името на селото било променето во Калони (Καλλονή).

Стопанство

Населението произведува жито, компири и други земјоделски производи. Населението делумно се занимава со сточарството и шумарството.^[3]

Население

Во пописот од 1913 година, селото било забележано со 503 жители, во 1920 година со 391 жител, во 1928 година со 489, а во 1940 година со 431, во 1951 година со 152 жители, во 1961 година со 95, во 1971 година со 65, во 1981 година со 239, а во 1991 година со 208 жители.^[3] Еве преглед на населението во сите пописни години, од 1940 г. до денес:

Година	1940	1951	1961	1971	1981	1991	2001	2011	2021
Население	431	152	95	65	239	208	171	6

Извор за 1940-1991 г.: Т. Симовски, Населените места во Егејска Македонија

Самоуправа и политика

Во 1918 година, селото станало самостојна општина, а атарот на општината опфаќал површина од 7 квадратни километри.^[3] Општината Лунци била приклучена во општината Чирак во 1997 година, која била укината во 2011 година и станала дел од поголемата општина Гребен.

Селото припаѓа на општинската единица Чирак со седиште во истоименото село, која припаѓа на поголемата општина Гребен, во округот Гребен. Воедно, селото е дел од општинскиот оддел Лунци, во кој е единствено село.