Спилио

Спилио Σπήλαιο
Плоштад во селото
Спилио
Местоположба во областа Шарган Местоположба на Шарган во Општина Гребен и областа Западна Македонија
Координати: 40°1′N 21°17′E / 40.017°N 21.283°E / 40.017; 21.283
Земја	Грција
Област	Западна Македонија
Округ	Гребен
Општина	Гребен
Општ. единица	Теодорос Зјакас
Надм. вис.	&10000000000000900000000900 м
Население (2011)[1]
• Вкупно	187
Час. појас	EET (UTC+2)
• Лето (ЛСВ)	EEST (UTC+3)

Спилио или Спиљо (грчки: Σπήλαιο, Спилео) — село во Гребенско, Егејска Македонија, денес во општината Гребен на Гребенскиот округ во областа Западна Македонија, Грција. Населението брои 187 жители (2011).

Селото е оддалечено околу 25 км југозападно од градот Гребен, на источните падини на планината Пинд, во близина на реката Венетик, на нејзината лева страна, на надморска височина од 900 м.^[2] Во непосредна близина на селото е сместен Портички мост.

Во XIX век Спилио било грчко село во Гребенската каза на Серфиџенскиот Санџак.

Според податоците на Васил К’нчов („Македонија. Етнографија и статистика“) од 1900, во Спилио живееле 409 Грци.^[3]

На Етнографската карта на Битолскиот Вилает од 1901 г. Спилеон се води како чисто грчко село во Гребенската каза на Серфиџенскиот санџак со 79 куќи.^[4]

Според статистиката на грчкиот конзулат во Еласона, во 1904 г. во Спилио живееле 600 Грци христијани.^[5]

По Балканските војни во 1913 г. селото е припоено кон Грција согласно Букурешкиот договор, кога броело 717 жители. Нивниот број во 1920 г. се намалил на 657.^[2]

Населението произведува жито, компири и други земјоделски производи. Населението делумно се занимава и со сточарството.^[2]

Еве преглед на населението во сите пописни години, од 1940 г. до денес:

Извор за 1940-1991 г.: Т. Симовски, Населените места во Егејска Македонија

Во 1918 година, селото станало самостојна општина, а атарот на општината опфаќал површина од 33 квадратни километри. Општината Спилио била приклучена во општината Теодорос Зјакас во 1997 година, која била укината во 2011 година и станала дел од поголемата општина Гребен.

Селото припаѓа на општинската единица Теодорос Зјакас со седиште во селото Мавран, која припаѓа на поголемата општина Гребен, во округот Гребен. Воедно, селото е дел од општинскиот оддел Спилио, во кој е единствено село.

Археолошки наоѓалишта

• Спилиска тврдина — крепост од античко и византиско време

Мостови

• Љатички мост — стар мост кај селото, прогласен за споменик на културата
• Портички мост — стар мост кај селото, прогласен за споменик на културата

Цркви

• Црква „Св. Атанасиј“ — главна селска црква, изградена во 1804 година;
• Црква „Успение на Пресвета Богородица“ — изградена во 1633 година, поранешна манастирска црква.

Родени во Спилио

• Адамантос Манос (1862 - 1908) — грчки андартски капетан