எஸ். என். சுரேந்தர்

௭ஸ். ௭ன் சுரேந்தர் (S. N. Surendar) தமிழ்த் திரைப்படப் பின்னணிப் பாடகரும், பின்னணிக் குரல் கலைஞருமாவார். தமிழ், தெலுங்கு, மலையாளம், கன்னடம் ஆகிய மொழிகளில் பல்வேறு இசையமைப்பாளர்களின் இசையில் 500-இற்கும் மேற்பட்ட பாடல்களைப் பாடியுள்ளார். இவர் ஒரு தொழில்முறை பின்னணிக்குரல் கலைஞராகவும் உள்ளார். ஏறத்தாழ 600 திரைப்படங்களுக்கு பின்னணிக்குரல் கொடுத்துள்ளார்.^[2][3][4] அவற்றில் 75-இற்கும் மேற்பட்ட திரைப்படங்களில் நடிகர் மோகனுக்கு பின்னணி பேசியுள்ளார். சுரேந்தர் யாகசாலை என்ற திரைப்படத்தில் நடித்துள்ளார்.

சுரேந்தரின் மூத்த மகள் பல்லவி சுரேந்தர் ஒரு பின்னணிப் பாடகராவார். அவர் துபாயில் குடியேறியுள்ளார். சுரேந்தரின் மகன் ஹரி பிரசாந்த் அந்நியன் திரைப்படத்தில் இளம் விக்ரம் கதாபாத்திரத்தில் நடித்தார்.^[1] சுரேந்தர் ஷோபா சந்திரசேகரின் சகோதரர், இயக்குநர் எஸ்.ஏ.சந்திரசேகரின் மைத்துனர், விஜயின் தாய்மாமா.^[5]

• சுரேந்தர் 1999 ஆம் ஆண்டிற்கான தமிழ்நாடு அரசின் கலைமாமணி விருது பெற்றார்.
• 2005 இல் தமிழ்நாடு அரசின் சிறந்த பின்னணிக் குரல் கலைஞருக்கான விருதைப் பெற்றார்.^[2]

• ஐ.எம்.டி.பி இணையத்தளத்தில் S.N.Surendar