கிர்லியன் ஒளிப்படவியல் கிர்லியன் ஒளிப்படவியல் (Kirlian photography) என்பது; மின் ஒளிவட்ட வெளியேற்றங்களின் நிகழ்வைப் படம்பிடிக்கப் பயன்படுத்தப்படும் ஒளிப்பட நுட்பங்களின் தொகுப்பாகும். இது சோவியத் விஞ்ஞானி செமியோன் கிர்லியனின் பெயரிடப்பட்டது, அவர் 1939 ஆம் ஆண்டில், ஒரு ஒளிப்படத் தட்டில் உள்ள ஒரு பொருளின் உயர் மின்னழுத்த மூலத்துடன் இணைக்கப்பட்டால், ஒளிப்படத் தட்டில் ஒரு படம் உருவாக்கப்படும் என்பதைக் தற்செயலாகக் கண்டுபிடித்தார்.[1] இந்த நுட்பம் "எலக்ட்ரோகிராபி", "எலக்ட்ரோபோட்டோகிராபி",[2] "கொரோனா டிஸ்சார்ஜ் போட்டோகிராபி" (CDP),[3] "பயோஎலக்ட்ரோகிராபி",[4] "வாயு வெளியேற்ற காட்சிப்படுத்தல் (GDV)",[5] "எலக்ட்ரோபோட்டோனிக் இமேஜிங் (EPI)",[6] மற்றும் ரஷ்ய இலக்கியத்தில் "கிர்லியானோகிராபி" எனப் பலவிதமாக அறியப்படுகிறது. கிர்லியன் ஒளிப்படவியல், அறிவியல் ஆராய்ச்சி, சித்த மருத்துவ ஆராய்ச்சி போன்ற கலைக்கு உட்பட்டது. கிர்லியன் ஒளிப்படம் எடுத்தல் பற்றி ஆன்மிக உளவியல் கூற்றுக்களும் கூறப்பட்டுள்ளன, ஆனால் இந்தக் கூற்றுகள் அறிவியல் சமூகத்தால் நிராகரிக்கப்படுகின்றன. பெருமளவில், இது மாற்று மருத்துவ ஆராய்ச்சியில் பயன்படுத்தப்பட்டுள்ளது.[7] கிர்லியன் ஒளிப்படவியல் என்றால் என்ன?கிர்லியன் ஒளிப்படவியல் என்பது ஒரு பொருளைச் சுற்றியுள்ள கரோனல் வெளியேற்றங்களின் படங்களை உருவாக்குவதற்கான ஒரு வழியாகும். ஒரு கரோனல் வெளியேற்றம் என்பது ஒரு பொருளைச் சுற்றியுள்ள வாயு அல்லது திரவத்தின் அயனியாக்கத்தால் ஏற்படும் மின் வெளியேற்றமாகும். இந்த வெளியேற்றங்கள் பெரும்பாலும் ஒரு ஆற்றல் புலம் அல்லது பொருளைச் சுற்றியுள்ள ஒரு ஒளிவட்டம் போல இருக்கும், எனவே சிலர் கிர்லியன் ஒளிப்படங்களை ஒரு வகையான ஒளி ஒளிப்படம் எடுத்தல் என்று கருதுகின்றனர் - இது பொருளைச் சுற்றியுள்ள வெளிப்படையான வண்ணங்களின் கனவு மேகத்தைக் காட்டும் உருவப்பட பாணி என்றும் கூறுகின்றனர்.[8] கிர்லியன் ஒளிப்படம் எவ்வாறு தயாரிக்கப்படுகின்றனஒளிவட்ட விளைவை அடைய, ஒளிப்படக் கலைஞர் ஒரு பொருளை மின்மயமாக்கப்பட்ட ஒளிப்படத் தகடு அல்லது காகிதத்தில் வைக்கிறார். அந்தத் தகடு அல்லது காகிதத்தின் வழியாக உயர் மின்னழுத்த மின்சாரம் பாயும் போது, அது பொருளைச் சுற்றியுள்ள காற்றில் ஒரு ஒளிவட்ட வெளியேற்றத்தை (சில நேரங்களில் வாயு வெளியேற்றம் என்று அழைக்கப்படுகிறது) உருவாக்குகிறது. "இது ஒரு ஒளிப்படம், ஆனால் நீங்கள் ஒரு ஒளிப்படக்கருவியை பயன்படுத்தவில்லை," என்று ஒளிப்படக் கலைஞர் சார்லி வாட்ஸ் கூறுகிறார். "நீங்கள் ஒரு தொடர்பு அச்சிடலைச் செய்கிறீர்கள். உங்களுக்கு வில்லை அல்லது ஒளிப்படக்கருவி தேவையில்லை."[9] மேற்கோள்கள்
|
Portal di Ensiklopedia Dunia
