விருத்தாச்சலம்

விருத்தாச்சலம்
—  முதல் நிலை நகராட்சி  —
விருத்தாச்சலம் அமைவிடம்: விருத்தாச்சலம், தமிழ்நாடு , இந்தியா
ஆள்கூறு	11°31′01″N 79°19′13″E / 11.51695°N 79.320205°E / 11.51695; 79.320205
நாடு	இந்தியா
பகுதி	தொண்டை நாடு
மாநிலம்	தமிழ்நாடு
மாவட்டம்	கடலூர்
வட்டம்	விருத்தாசலம்
ஆளுநர்	ஆர். என். ரவி[1]
முதலமைச்சர்	மு. க. ஸ்டாலின்[2]
மாவட்ட ஆட்சியர்	சிபி ஆதித்யா செந்தில் குமார், இ. ஆ. ப [3]
நகராட்சி் தலைவர்	டாக்டர். சங்கவி முருகதாஸ்
சட்டமன்றத் தொகுதி	விருத்தாச்சலம்
சட்டமன்ற உறுப்பினர்	எம். ஆர். ஆர். ராதாகிருஷ்ணன் (இ.தே.கா)
மக்கள் தொகை • அடர்த்தி	73,415 (2011[update]) • 2,871/km2 (7,436/sq mi)
நேர வலயம்	இந்திய சீர் நேரம் (ஒ.ச.நே + 05:30)
பரப்பளவு	25.57 சதுர கிலோமீட்டர்கள் (9.87 sq mi)
குறியீடுகள் • அஞ்சல் குறியீட்டு எண் • 606 001 • தொலைபேசி • +91-4143 • வாகனம் • TN 91

விருத்தாச்சலம் (ஆங்கிலம்:Vriddhachalam அல்லது Virudhachalam), இந்தியாவின், தமிழ்நாடு மாநிலத்தில் அமைந்துள்ள கடலூர் மாவட்டத்தில் உள்ள விருத்தாச்சலம் வட்டம் மற்றும் விருத்தாச்சலம் ஊராட்சி ஒன்றியம் ஆகியவற்றின் நிர்வாகத் தலைமையிட நகரமும், முதல் நிலை நகராட்சி ஆகும். இது கடலூர் மாவட்ட அதிக மக்கள் அடர்த்தி கொண்ட நகராட்சி ஆகும்.

• கீழ்க்கண்ட ஊர்களில் இருந்து விருத்தாசலம் நகரத்தை மையமாக கொண்ட
• மதுரை, திண்டுக்கல், பழநி, தேனி, திருச்சி, அரியலூர் அல்லது பெரம்பலூர்–நெய்வேலி, கடலூர், பாண்டிச்சேரி வரையில் இணைக்கும் சாலையாகவும்,
• கேரளம், ஊட்டி, கோவை, திருப்பூர், ஈரோடு, சேலம், ஆத்தூர், சின்னசேலம், வேப்பூர்–நெய்வேலி, கடலூர், சிதம்பரம் வரை இணைக்கும் சாலையாகவும்
• மானாமதுரை, புதுக்கோட்டை, பட்டுக்கோட்டை, தஞ்சாவூர், கும்பகோணம், ஜெயங்கொண்டம், அரியலூர்–உளுந்தூர்பேட்டை, திருக்கோயிலூர், திருவண்ணாமலை, வேலூர், திருப்பதி மற்றும் உளுந்தூர்பேட்டையிலிருந்து விழுப்புரம், சென்னை வரையிலும்.
• சிதம்பரம், பண்ருட்டி, வடலூர், குறிஞ்சிப்பாடி, திட்டக்குடி, தொழுதூர், கள்ளக்குறிச்சி, (பாண்டிச்சேரி போக்குவரத்து கழகம்) மூலம் விருத்தாசலம் அருகிலான ஊர்களுக்கும் இதர சாலை வழி மார்க்கமாக இவ்வூர் திகழ்ந்து வருகிறது
• இவ்வழி சாலையில் 24 மணி நேரமும் போக்குவரத்து வசதி உள்ளது.

• மேலும் விருத்தாச்சலம் தொடருந்து நிலையமானது மிகப்பெரிய தொடருந்து நிலையமாகும். இது இந்தியாவின், தமிழ்நாட்டின், தென்னக இரயில்வேயின் முக்கியமான தொடருந்து நிலையமாகும். இது தமிழ்நாட்டின் தலைநகரான சென்னையையும், தென்தமிழகத்தினையும் இணைக்கும் மிகமுக்கியமான இணைப்பு நிலையமாகத் திகழ்கிறது. இது தென்னக இரயில்வேயின் முக்கியமான தொடருந்து நிலையங்களுள் ஒன்றாகும்.
• விருத்தாசலம் - திருச்சி, (வழி: அரியலூர்) முழுமையாக மின்மயமாக்கப்பட்ட இரட்டை அகலப் பாதை. இது கார்டு லைன் என்றும் அழைக்கப்படுகிறது.
• விருதாச்சலம் - சேலம் (வழி: ஆத்தூர் (சேலம்)) முழுமையாக மின்மயமாக்கப்பட்ட அகலப் பாதை.
• விருதாச்சலம் - கடலூர் மின்மயமாக்கப்பட்ட அகலப் பாதையாக ஆக்கப்பட்டுள்ளது.

அருகில் உள்ள விமான நிலையம்

• திருச்சிராப்பள்ளி (விமான நிலையம்) 128 கி.மீ.
• சென்னை (விமான நிலையம்) 206 கி.மீ.

"திருமுதுகுன்றம்" எனவும் "பழமலை" எனவும் வழங்கப்பட்டு வந்த ஊர், பின்னாளில் வடமொழி பெயராக விருத்தாசலம் என மாற்றப்பட்டது. "விருத்தம்"(=முதிர்ந்த) மற்றும் "அசலம்"(=மலை) எனும் இரு வடமொழி சொற்களின் கூட்டே "விருத்தாசலம்" ஆகும். விருத்தாச்சலம் நகரம் முந்தைய தென் ஆற்காடு மாவட்டத்தில் ஒரு பகுதியாக இருந்தது. விருத்தாச்சலம் நகரம் தொண்டை மண்டலத்தில் ஒரு பகுதியாக இருந்தது.

இந்திய 2011 மக்கள் தொகை கணக்கெடுப்பின்படி 73,415 மக்கள் இங்கு வசிக்கின்றார்கள்.^[4] இவர்களில் 51% ஆண்கள், 49% பெண்கள் ஆவார்கள். விருத்தாச்சலம் மக்களின் சராசரி கல்வியறிவு 77% ஆகும், இதில் ஆண்களின் கல்வியறிவு 83%, பெண்களின் கல்வியறிவு 70% ஆகும். இது இந்திய தேசிய சராசரி கல்வியறிவான 59.5% விட கூடியதே. விருத்தாச்சலம் மக்கள் தொகையில் 11% ஆறு வயதுக்குட்பட்டோர் ஆவார்கள்.

இந்நகரம் 11°30′N 79°20′E / 11.50°N 79.33°E / 11.50; 79.33^[5] -ல் அமைந்துள்ளது. கடல் மட்டத்திலிருந்து 45 மீட்டர் உயரத்தில் உள்ளது.

1. அரசினர் ஆண்கள் மேல்நிலைப்பள்ளி
2. அரசினர் மகளிர் மேல்நிலைப்பள்ளி
3. ஃபாத்திமா மெட்ரிகுலேசன் மேல்நிலைப் பள்ளி
4. பேபி மெட்ரிகுலேசன் மேல்நிலைப்பள்ளி
5. சரசுவதி வித்யாலயா மேல்நிலைப்பள்ளி
6. டேனிஷ் மிஷன் மேல்நிலைப்பள்ளி
7. கலைவாணி வித்யாலயா மேல்நிலைப்பள்ளி
8. சாரதா வித்யாலயா மெட்ரிகுலேசன் மேல்நிலைப்பள்ளி
9. வி.இ.டி. மேல்நிலைப்பள்ளி
10. ஆற்காடு லூத்ரன் சபை பள்ளி
11. இன்ஃபேன்ட் மேல் நிலைப் பள்ளி
12. ஜெயப்பிரியா வித்யாலயா சீனியர் செகண்டரி பள்ளி (சி.பி.எஸ்.இ.)

1. பழமலை நாதர் (விருத்தகிரீசுவரர்) ஆலயம் (பெரியகோயில் என அழைக்கப்படுகிறது)
2. கொளஞ்சியப்பர் முருகன் கோயில்
3. ஸ்ரீமுஷ்ணம் ஆதிவராக பெருமாள் ஆலயம்
4. பீங்கான் தொழிற்சாலை
5. முந்திரிப்பண்ணை
6. திரு கொளஞ்சியப்பர் அரசு கலைக் கல்லூரி
7. நவாப் பள்ளி வாசல்
8. மணி முத்தா நதி

1. விருத்தகிரிஸ்வரர் கோயில் மாசிமகம்
2. விருத்தகிரிஸ்வரர் கோயில் மாசி மாத தேர்திருவிழா
3. புரட்டாசி மாத கருடசேவை
4. பங்குனி உத்திரம்

விருத்தாசலம் தமிழ்நாடு சட்டமன்ற தொகுதிகளில் ஒன்றாகும். மக்களவைத் தொகுதிகளில் கடலூர் தொகுதியின் கீழ் வருகிறது. 2006ல் தேமுதிகவின் தலைவர் விஜயகாந்த் இங்கு வெற்றி பெற்று சட்டமன்றம் சென்றார். அந்த ஆண்டு நடைபெற்ற தேர்தலில், தேமுதிக சார்பாக விஜயகாந்த் மட்டுமே வெற்றிபெற்றார். தற்போது காங்கிரஸ் கட்சியை சேர்ந்த எம். ஆர். ஆர். ராதாகிருஷ்ணன் (இ.தே.கா) , இத்தொகுதியின் சட்டமன்ற உறுப்பினராக இருக்கிறார்.

1. சந்தோஷ்குமார் பேலஸ்
2. பி. வி. ஜி. பேலஸ்
3. ஜெய் சாய் கிருஷ்ணா பேலஸ்

• விருத்தாச்சலம் வட்டம்