Апістарх кашэчы

Апістарх кашэчы
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Першаснаротыя Надтып:  Platyzoa Тып:  Плоскія чэрві Клас:  Смактуны Падклас:  Дыгенетычныя смактуны Атрад:  Opistorchida Сямейства:  Апістархіды Род:  Opisthorchis Від:  Апістарх кашэчы
Міжнародная навуковая назва
Opisthorchis felineus Rivolta, 1884
Сістэматыка на Віківідах Выявы на Вікісховішчы NCBI   147828 EOL   46491107

Апістарх кашэчы, двухвустка кашэчая, апістарх сібірскі (Opistorchis felineus) — гельмінт сямейства апістархідаў класа смактуноў.

Дарослы паразіт (даўжыня 4—13, шырыня 1—3,5 мм) пляскаты, мае дзве прысоскі (адсюль назва — двухвустка) — ротавую і брушную. Гермафрадыт.

Пашыраны ў Еўропе, Заходняй Сібіры (пераважна басейне ракі Об), на Каўказе. У Беларусі адзначаны па прыбярэжжах Дняпра, Прыпяці, Нёмана, Буга, Браслаўскіх азёр.

Полаваспелы апістарх кашэчы паразітуе ў пячоначных хадах, жоўцевым пузыры, панкрэатычных пратоках млекакормячых і чалавека (асноўныя гаспадары), выклікае апістархоз. Яйцы з вадой трапляюць у арганізм прамежкавага гаспадара (прэснаводны малюск бітынія), з іх развіваюцца лічынкі — цэркарыі. Цэркарыі выходзяць у ваду, актыўна пранікаюць у арганізм дадатковых гаспадароў — рыб, інцыстуюцца ў падскурнай клятчатцы, мышцах і ператвараюцца ў метацэркарыяў. Цыкл развіцця каля 4 месяцаў.

• М. К. Сляпнёў. Апістарх кашэчы // Энцыклапедыя прыроды Беларусі. У 5-і т. Т. 1. Ааліты — Гасцінец / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — 575 с., іл. — 10 000 экз.