Хіястрангілёз

Хіястрангілёз (лац.: Hyostrongylosis) — паразітычнае захворванне свіней, выкліканае круглымі чарвямі віду Hyostrongylus rubidus сямейства трыхастрангіліды (Trichostrongylidae).

Развіццё паразіта адбываецца без удзелу прамежкавага гаспадара. Адкладзеныя самкай яйцы з фекальнымі масамі вылучаюцца ў навакольнае асяроддзе. Яйцы захоўваюць у вадзе жыццяздольнасць больш за 8 месяцаў. Поўны цыкл развіцця паразіта адбываецца пры тэмпературы 13-24 °C пры высокай вільготнасці і займае 6 дзён да стадыі інвазійнай лічынкі.

Шлях заражэння — аліментарны. У арганізме гаспадара лічынкі паразіта ўкараняюцца ў тоўшчу слізістай абалонкі страўніка, дзе дасягаюць палавой сталасці праз 20-21 суткі.

Успрымальныя ў асноўным дарослыя свінні, пачынаючы з 2-месячнага ўзросту, з узростам экстэнсіўнасць інвазіі павышаецца, дасягаючы 53,2 % у свіней старэйшых за год^[1].

Яйцы нематод выяўляюцца ў экскрыментах па метадзе Фюлеборна. Памер яец Hyostrongylus rubidus — 76-36 міліметраў, іх неабходна дыферэнцаваць ад яец нематод роду Oesophagostomum (якія выклікаюць эзафагастамоз) (памер яйца 72-42 мм) і нематод роду Globocephalus (памер яец 63-36 мм). Пры анатаміраванні заражаных жывёл паразітаў можна выявіць у піларычнай частцы страўніка.

• Крастин Н. И. Хиостронгилез свиней / Н. И. Крастин // Сборник работ молодых ученых в области ветеринарии. — М., 1940. — С. 215—222.
• Щербович, И. А. К изучению гельминтозов свиней в БССР / И. А. Щербович // Учёные записки Витебского ветеринарного института: научно-практический журнал. — 1940. — Т. 7. С. 125—132