Вастрыца чалавечая

Вастрыца чалавечая
Самкі вастрыцы чалавечай
Навуковая класіфікацыя
прамежныя рангі Дамен:  Эўкарыёты Царства:  Жывёлы Падцарства:  Эўметазоі Без рангу:  Двухбакова-сіметрычныя Без рангу:  Першаснаротыя Без рангу:  Ecdysozoa Без рангу:  Nematoida Тып:  Круглыя чэрві Клас:  Chromadorea Атрад:  Oxyurida Сямейства:  Аксіўрыды Род:  Вастрыцы Від:  Вастрыца чалавечая
Міжнародная навуковая назва
Linnaeus, 1758
Сістэматыка на Віківідах Выявы на Вікісховішчы ITIS   63893 NCBI   51028 EOL   462584

Вастрыца чалавечая (Enterobius vermicularis) — від круглых чарвей. Паразітуе ў канцавым аддзеле тонкага кішэчніка і ў тоўстым кішэчніку чалавека.

Цела даўжынёй 2—12 мм, белаватае, укрыта кутыкулай, унутраная поласць запоўнена вадкасцю. Самкі даўжэйшыя за самцоў. Задні канец у самак роўны, завостраны, у самцоў кручкападобны. Рот з трыма губамі.

Жыве каля 1 месяца. Размнажаецца без прамежкавага гаспадара. Полаваспелыя самкі выпаўзаюць праз заднепраходную адтуліну, адкладваюць каля яе яйцы (да 10—12 тыс.) і гінуць. Яйцы у вонкавым асяроддзі выспяваюць (становяцца інвазійнымі) праз 6 гадзін. Трапляюць у арганізм чалапека з ежай, вадой і ў кішэчніку ператвараюцца ў дарослых паразітаў. Выклікаюць энтэрабіёз.

Акрамя чалавека ў якасці гаспадароў адзначаны такія віды прыматаў, як Colobus abissynicus, Pan troglodytes, гамадрыл (Papio hamadryas) і Pongo pygmaeus^[1].

• Гусева І. Вастрыцы // Энцыклапедыя прыроды Беларусі. У 5-і т. Т. 1. Ааліты — Гасцінец / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — 575 с., іл. — 10 000 экз.