Дыфілабатрыёз

Дыфілабатрыёз
МКХ-11	1F71
МКХ-10-КМ	B70.0
МКХ-9-КМ	123.4[1][2]
DiseasesDB	29539
MedlinePlus	001375
MeSH	D004169
Медыяфайлы на Вікісховішчы

Дыфілабатрыёз (лац.: diphyllobothriosis) — паразітарнае захворванне жывёл, радзей чалавека, якое выклікаецца стужачнікам шырокім (Diphyllobothrium latum) і блізкімі да яго відамі роду Diphyllobothrium.

Захворванне выклікаюць стужачныя чэрві роду Diphyllobothrium.

Пашыраны ўсюды. Ачагі дыфілабатрыёзу адзначаны па берагах азёр і рэк, паколькі ў цыкле развіцця ўзбуджальнікаў ролю прамежкавых гаспадароў выконваюць рачкі, рыбы, амфібіі і рэптыліі. Захворванне зарэгістравана ў асноўным у Фінляндыі, Францыі, Сібіры і вакол Вялікіх азёр Паўночнай Амерыкі. У цяперашні час пра яго спарадычна паведамляюць у Польшчы. У Японіі адбываецца заражэнне роднасным відам Diphyllobothrium nihonkaiense.

Жывёлы і чалавек заражаюцца пры ўжыванні недастаткова праваранай і прасоленай рыбы^[3]. У жывёл на дыфілабатрыёз хварэюць сабакі, лісы, пясцы, свінні і іншыя^[3].

Сімптомы захворвання ўключаюць кішачную непраходнасць, дыярэю, болі ў жываце і мегалабластную анемію, выкліканыя дэфіцытам вітаміна _B12 .

Пры значнай інвазіі жывёлы знясільваюцца, у іх настае анемія, парушаецца дзейнасць страўнікава-кішачнага тракту, нервовай сістэмы^[3].

У людзей хвароба выяўляецца энтэрытам, анеміяй, алергіяй, бяссонніцай, галаўным болем^[3].

Дыягназ ставіцца на падставе наяўнасці яец стужачнага чарвяка ў кале. Яйцы, як правіла, шматлікія, і ніякіх метадаў згушчэння не патрабуецца. Яны маюць памеры 58-76 на 40-51 мкм, авальнай або эліпсападобнай формы, на адным полюсе маюць вечка, часам вельмі непрыкметнае, а на супрацьлеглым полюсе невялікі грудок, часам ледзь прыкметны^[4]. Дыягнастычнае значэнне маюць і выяўленыя ў фекаліях праглатыды паразіта.

Для лячэння праводзіцца дэгельмінтызацыя. Прэпаратам выбару з’яўляецца празіквантэл у разавай дозе 5-10 мг мг/кг масы цела пераральна, таксама магчымы ніклазамід (2 г пераральна за раз у два прыёмы з інтэрвалам у гадзіну)^[5].

Для прафілактыкі забараняецца скормліваць сырую рыбу жывёле^[3]. Таксама прымяняецца санітарна-ветэрынарная ахова вадаёмаў, санітарна-гельмінталагічная экспертыза рыбы і рыбных прадуктаў^[3].

• Choroby zakaźne i pasożytnicze / Zdzisław Dziubek. — Wyd. 3 uaktual. — Warszawa: Wydaw. Lekarskie PZWL, 2003. — 540 с. — ISBN 978-83-200-2748-8.

• Diphyllobothriasis (нявызн.)(недаступная спасылка). CDC Division of Parasitic Diseases. Архівавана з першакрыніцы 16 лістапада 2007. Праверана 20 чэрвеня 2024.