Уладзімір Якаўлевіч Калпакчы

Уладзімір Якаўлевіч Калпакчы
Дата нараджэння	7 верасня 1899(1899-09-07)[1]
Месца нараджэння	Кіеў, Кіеўская губерня, Расійская імперыя[2]
Дата смерці	17 мая 1961(1961-05-17)[3][1] (61 год)
Месца смерці	Масква, РСФСР, СССР[2]
Месца пахавання	Новадзявочыя могілкі
Альма-матар	Ваенная акадэмія імя М. В. Фрунзэ
Прыналежнасць	СССР
Род войскаў	пяхота
Гады службы	1916—1917 1917—1961
Званне
Камандаваў	агульнавайсковыя арміі, ваенныя акругі
Бітвы/войны	Першая сусветная вайна, Грамадзянская вайна ў Расіі, Грамадзянская вайна ў Іспаніі, Вялікая Айчынная вайна
Узнагароды і званні
Медыяфайлы на Вікісховішчы

Уладзімір Якаўлевіч КАЛПАКЧЫ́ (26 жніўня (7 верасня) 1899, г. Кіеў — 17 мая 1961) — савецкі вайсковы дзеяч. Герой Савецкага Саюза (1945).

Паводле паходжання караім. У арміі з 1916 года, з 1917 у Чырвонай гвардыі, з 1918 у Чырвонай Арміі. Удзельнік вайны. Скончыў Ваенную акадэмію імя Фрунзэ (1928). 3 1936 г. намеснік начальніка штаба Беларускай ваеннай акругі. Удзельнік грамадзянскай вайны ў Іспаніі 1936—1939 гг. У Вялікую Айчынную вайну з 1941 г. на Паўднёвым, Бранскім, Паўднёва-Заходнім, Калінінскім, Сталінградскім, Данскім, Цэнтральным, Беларускім, 2-м і 1-м Беларускім франтах: начальнік штаба арміі, камандуючы арміямі. 63-я армія пад яго камандаваннем удзельнічала ў Гомельска-Рэчыцкай аперацыі 1943. 3 1945 камандуючы арміяй, ваеннай акругай, з 1956 г. у Цэнтральным апараце Міністэрства абароны СССР. Генерал арміі (1961). Загінуў у авіякатастрофе.

• Беларуская энцыклапедыя: У 18 т. Т. 7: Застаўка — Кантата / Рэдкал.: Г. П. Пашкоў і інш.. — Мн.: БелЭн, 1998. — Т. 7. — 608 с. — 10 000 экз. — ISBN 985-11-0130-3.
• Коллектив авторов. Великая Отечественная. Командармы. Военный биографический словарь — М.; Жуковский: Кучково поле, 2005. — ISBN 5-86090-113-5
• Казарьян А. В. Война, люди, судьбы — Ереван, 1977.

Уладзімір Якаўлевіч Калпакчы на сайце «Героі краіны»