Василица (планина)

Василица
*Βασιλίτσα*
Василица; Βασιλίτσα
	Поглед на Василица
Највисока точка
Надм. вис.	2.249 м
Географија
	Василица; Βασιλίτσα на карта
Место	Гребенско (Ег. Македонија) и Коница (Епир)
Матичен венец	Пинд

Василица (грчки: Βασιλίτσα) — планина во состав на венецот Пинд, на границата меѓу Егејска Македонија на исток и Епир на запад,^[1] поточно општините Гребен (Македонија) и Коница (Епир).^[2] Има и скијалиште со 18 патеки и 7 жичарници.^[3]

Планината Василица е важно живеалиште за мечки, видри и диви кози,^[4] и има вкупна површина од 13.562,9 хектари.^[5]

Вегетација

Преовладувачката вегетација е особена за екосистемите на бука и средоземни четинари (црн бор , ела), ладнокрвни четинари (роболо) и воншумски екосистеми (субалпски ливади). Вековните роболи во зима прават формации со маглата во снегот, додека во лето си играат со сенки во алпската трева на Василица. Климата во областа на Василица е помеѓу континентална и средоземна.

Жичарници и скијачки патеки

Филип (1642-1825 м), со две среднолесни патеки и една многу лесна патека.
Александар Велики (1800–2113 м), со две тешки и две средни патеки.
Елимеја (1788–2060 м), со една средна, три среднолесни и една многу лесна патека.
Мидганис (1810–2034 м), со една средна патека.
Тимфаја (1744–2040 м), со две тешко-средни патеки и една средна патека.
Два бебешки лифта

Две од патеките се означени од МСФ како олимписки патеки.

Историја

Првата жичарница била изградена во 1975 година (Елимеја). Оттогаш, ски-центарот имал две големи проширувања, едното во 1993 година и второто во 2000 година.