Белотински Планини

Белотински Планини (грчки: Λευκογείων Βουνά, Левкогион Вуна) — гранична планина меѓу Пиринска и Егејска Македонија, дел од Родопскиот планински предел.^[1][2] Највисок врв е Перперика (835 м).

Ова е група од мали врвови во северниот дел на Драмско (во денешна Грција) и јужниот дел на Неврокопско (во денешна Бугарија). Се протега меѓу граничната пирамида бр. 141 (760 м) на исток и пирамидата бр. 130 (710 м) на запад. Името Белотински Планини го добиваат од селото Белотинци (600 м).^[1] Планините на запад граничат со Стргач преку седлото Митницата, а на исток со Бесленски Рид. На север е Неврокопската, а на југ се наоѓа Белотинската Котлина.^[2]

Во Бугарија овој планински предел се смета за дел од Бесленски Рид.^[3] Во 2013 г. Асен Асенов предложил планината (со Бесленски Рид) да биде наречена Перица Планина по името на иселеното село Перица во нејзиното североисточно поднојжје.^[4]

Карпите на планината се гнајсови.^[1]

До врвот се стасува од граничниот премин „Либјахово – Везме“ („Илинден - Ексохи“; гранична пирамида бр. 133, 710 м) за околу 1 час.^[1]

Врвови

Име	Грчки	Висина	Местоположба
Перперика,[2] Тобрук, Догрук	Τομπρούκ, Ντογρούκ	895 м[1]	Бугарија  Грција Пирамида бр. 134[1]
Картал, Карталтепе	Αετός, Καρτάλ, Καρτάλ Λόφος/Τεπέ	854 м[1]	Грција С од Маалџик[5]
Камено	Καμένο, Παλιά Αμπέλια	793 м[1]	Грција С од Белотинци[5]
Кајабаир,[2] Каја	Πέτρα, Καγιά, Καγιά/Καγιάρ Μπαΐρ	874 м[1]	Бугарија  Грција Пирамида бр. 135[1]
Печуца,[2] Перица	Πετρούτσα, Πετρίτσα	860 м[1]	Бугарија  Грција Пирамида бр. 138[1]