Патрик (Штипско)

**Патрик**
	Патрик
	Поглед на црквата „Св. Илија“, единствен остаток на местото на некогашното село;
	Патрик Местоположба на Патрик во Македонија Патрик на карта
	Координати 41°35′53″N 22°12′31″E / 41.59806°N 22.20861°E
Регион	Источен
Општина	Штип
Население	0 жит.; (поп. 2021)
Повик. бр.	032
Шифра на КО
Надм. вис.	635 м
	Патрик на општинската карта ; Атарот на Патрик во рамките на општината
	Патрик на Ризницата

Оваа статија се однесува на поранешно село во Штипско. За селото во Егејска Македонија, погл. Патрик (Нигритско).

Патрик — историско село во Штипско, во атарот на денешното село Лесковица, Општина Штип. Селото постоело сѐ до 1913 година.

Денес, на местото на некогашното село се наоѓа ловиштето „Конечко“.

Географија и местоположба

Патрик се наоѓал на неколку километри јужно од селото Степанци, на билото на Конечка Планина (Серта). Денес, местото се наоѓа во атарот на селото Лесковица.

До местото на селото може да се дојде преку земјен пат кој започнува од превојот помеѓу Неготино и Штип на регионалниот пат 1103. Бидејќи селото се наоѓа во рамки на самото ловиште „Конечко“, пристапот до него е ограничен.

Население

Според статистиката на Васил К’нчов („Македонија, Етнографија и статистика“) од 1900 година, во Патрик живееле 80 жители, сите Македонци.^[2]

Според егзархискиот секретар Димитар Мишев, („La Macédoine et sa Population Chrétienne“) во 1905 година во Патрик имало 112 (или 120) жители, сите Македонци под врховенството на Бугарската егзархија.^[3]

За време на Втората балканска војна во 1913 година, селото е изгорено од српската војска.

Во 1988 година е обновена црквата „Св. Илија“.^[4]