Скандалци

Скандалци
Скандалци Местоположба на Скандалци во Македонија Скандалци на карта
Координати 41°43′43″N 22°04′03″E / 41.72861°N 22.06750°E / 41.72861; 22.06750
Регион	Источен
Општина	Штип
Област	Жеглигово
Население	0 жит. (поп. 2021)[1]
Повик. бр.	032
Шифра на КО	30052
Надм. вис.	250 м
Скандалци на општинската карта Атарот на Скандалци во рамките на општината
Скандалци на Ризницата

Скандалци (понекогаш и Скандалица) — село во Општина Штип. Денес нема жители.^[2]

Селото се наоѓа во западниот дел на општината, на левиот брег на реката Брегалница и надморска висина од 250 м. Атарот зафаќа површина од 4,7 км².^[3]

Селото постои барем од доцниот среден век, за што сведочат остатоците од црква во наоѓалиштето Гробишта непосредно меѓу селото и брегот на реката.^[4]

Во XIX век Скандалци било македонско село во Штипската каза на Отоманското Царство. Според статистиката на Васил К’нчов („Македонија. Етнографија и статистика“) од 1900 г. Скандалци имало 40 жители, сите Македонци христијани.^[5][6]

Целото население на селото потпаднало под врховенството на Бугарската егзархија. Во статистиката на егзархискиот секретар Димитар Мишев од 1905 г. („La Macédoine et sa Population Chrétienne“) во Скандалци (Skandaltzi) живееле 24 Македонци, сите под егзархијата.^[7]

На етничката карта од 1927 г. Леонард Шулце Јена го обележал Скандалица (Skandalica) како село со нејасен етнички состав.^[8]

Во првите децении на XX век македонското население го напуштило селото, а на негово место се доселиле Турци.

Во пописот од 1948 г. Скандалци не е дадено самостојно, туку е вбројано кон населението на с. Црешка.^[9]

Со иселувањето на Турците во 1950-тите, на нивно место дошле Албанци. Во текот на 1960-тите и тие го напуштиле Скандалци, и оттогаш селото останало без жители. Според пописот од 2002 година, селото немало ниеден жител.^[2] Истото било потврдено и на пописот од 2021 година.

Во табелата во продолжение е направен преглед на населението во сите пописни години:

Извор за 1900 г.: Македонија. Етнографија и статистика.^[10]; за 1905 г.: La Macédoine et sa Population Chrétienne.^[11]; за 1948-2002 г.: Државен завод за статистика на РМ.^[12]; за 2021 г.: Државен завод за статистика на РМ.^[13]

Археолошки наоѓалишта

• Гробишта — доцнoсредновековна црква и некропола.

• Трајче Скандалијата — еден од првите членови на ВМРО во Штип;^[14] починал некаде по 1918 г.^[15]

Според истражувања од 1957 г. познати се следниве родови од Скандалци иселени на други места:^[16]

• Криви Дол, Штипско: Дедо-Петрушеви (2 куќи)

• Скандалци на Ризницата

п р у Населени места во Општина Штип Балталија Брест Врсаково Горачино Доброшани Долани Драгоево Калапетровци Кошево Криви Дол Лакавица Лесковица Љуботен Никоман Ново Село (населба) Пенуш Пиперово Почивало Пухче Сарчиево Селце Софилари Стар Караорман Степанци Суво Грло Судик Танатарци Три Чешми Чардаклија Шашаварлија Штип Раселени Едеклерци Јамуларци Липов Дол Ново Село (село) Скандалци Сушево Тестемелци Топлик Хаџи-Реџепли Хаџи-Сејдели Хаџи-Хамзали Црешка Чифлик Шопур Историски Крњевци Патрик Рибник Читаклија Ново Село се водело како дел од градот Штип од Пописот 2021