அனகாபள்ளி மாவட்டம்

அனகாபள்ளி மாவட்டம்
மாவட்டம்
நாடு	இந்தியா
மாநிலம்	ஆந்திரப் பிரதேசம்
நிறுவப்பட்ட நாள்	4 ஏப்ரல் 2022
தோற்றுவித்தவர்	ஆந்திரப் பிரதேச அரசு
தலைமையிடம்	அனகபள்ளி
நேர வலயம்	ஒசநே+05:30 (இந்திய சீர் நேரம்)
இணையதளம்	https://anakapalli.ap.gov.in

அனகாபள்ளி மாவட்டம் (Anakapalli district) ஆந்திரப் பிரதேசத்தின் 26 மாவட்டங்களில் ஒன்றாகும்.^[1][2] இதன் நிர்வாகத் தலைமையிடம் அனகபள்ளி நகரம் ஆகும். இம்மாவட்டம் புதிதாக 4 ஏப்ரல் 2022 அன்று விசாகப்பட்டினம் மாவட்டத்தின் அனகபள்ளி வருவாய் கோட்டம் மற்றும் நரசிப்பட்டினம் வருவாய் கோட்டங்களைக் கொண்டு அனகாபள்ளி மாவட்டம் புதிதாக நிறுவப்பட்டது.^[3][4][5][6]

4,292 சதுர கிலோ மீட்டர் பரப்பளவு கொண்ட அனகப்பள்ளி மாவட்டத்தின் மொத்த மக்கள் தொகை 17.270 இலட்சம் ஆகும். இதன் எழுத்தறிவு 62.02% ஆகும்.

அனகாபள்ளி மாவட்டம் அனகபள்ளி வருவாய் கோட்டம் மற்றும் நரசிப்பட்டினம் வருவாய் கோட்டங்களையும்,^[7] 24 மண்டல்களையும், 753 கிராமங்களையும் கொண்டது. இம்மாவட்டம் எலமான்சிலி மற்றும் நரசிப்பட்டினம் எனும் 2 நகராட்சிகளையும், 8 கணக்கெடுப்பில் உள்ள ஊர்களையும் கொண்டது.

அனகாபள்ளி மண்டலம், விசாகப்பட்டினம் மாநகராட்சியின் பெருநகரப் பகுதியில் அமைந்துள்ளது.^[8] இம்மாவட்டத்தின் 8 கணக்கெடுப்பில் உள்ள ஊர்கள் பௌலுவாடா, யலமஞ்சிலி, சூடாவரம், நரசிப்பேட்டை, முலகுட்டு, நக்கப்பள்ளி, பெத்த புத்தபள்ளி மற்றும் பாயகராவுபேட்டை ஆகும்.

இம்மாவட்டத்தின் இரண்டு வருவாய் கோட்டங்களில் 24 மண்டல்கள் உள்ளது.

அனகாப்பள்ளி மாவட்டம் அனகாபல்லி மக்களவைத் தொகுதியும், 7 சட்டமன்றத் தொகுதிகளையும் கொண்டது. அவைகள்:

• சோடவரம்
• மாடுகுலா
• அனகாபல்லி
• பெந்துர்த்தி
• யலமஞ்சிலி
• பாயகராவுபேட்டை
• நர்சிபட்டினம்

• ஆந்திரப் பிரதேச மாவட்டங்களின் பட்டியல்

• அனகப்பள்ளி மாவட்ட இணையதளம்