சம்மு (நகர்)

சம்மு
நகரம்
ஹரிநிவாஸ் அரண்மனை, பாகு கோட்டை, தாவி பாலம், முபாரக் மன்டி அரண்மனை
அடைபெயர்(கள்): கோவில் நகரம்[1]
Interactive map of Jammu
காஷ்மீர் பிராந்தியத்தில் சம்மு காசுமீர்.
ஆள்கூறுகள்: 32°44′N 74°52′E / 32.73°N 74.87°E / 32.73; 74.87
நிர்வகிக்கும் நாடு	இந்தியா
நிர்வாகப் பகுதி	சம்மு காசுமீர் ஒன்றியப் பகுதி
மாவட்டம்	சம்மு
அரசு
• வகை	நகராட்சி[2]
• நிர்வாகம்	சம்மு நகராட்சி மற்றும் சம்மு மேம்பாட்டு ஆணையம்
• நகரத்தந்தை	சந்திர மோகன் குப்தா, பாரதிய ஜனதா கட்சி[3]
பரப்பளவு [4]
• நகரம்	240 km2 (90 sq mi)
ஏற்றம் [5]	300–400 m (1,000−1,300 ft)
மக்கள்தொகை  (2011)
• நகரம்	5,02,197
• தரவரிசை	94வது
• அடர்த்தி	45/km2 (120/sq mi)
• பெருநகர்	6,57,314
இனம்	ஜம்முவாலா
மொழி
• அலுவல்	இந்தி,[6][7] தோக்ரி,[8] உருது,[9] காசுமீரி, ஆங்கிலம்
• பிற	பஞ்சாபி[9][10][11]
நேர வலயம்	ஒசநே+5:30 (இந்திய சீர் நேரம்)
அஞ்சல் குறியீட்டு எண்	180001[12]
வாகனப் பதிவு	ஜேகே-02
பாலின விகிதம்	867 ♀/ 1000 ♂
கல்வியறிவு	90.14%
தில்லியிலிருந்து	575 km (357 mi) வடமேற்கு
மும்பையிலிருந்து	1,971 km (1,225 mi) வடகிழக்கு (நிலங்கள்)
தட்பவெப்ப நிலை	ஈரப்பதமான துணை வெப்பமண்டல காலநிலை(கோப்பென்)
பொழிவு	710 mm (28 அங்)
சராசை கோடை வெப்பம்	29.6 °C (85.3 °F)
சராசரி குளிர்கால வெப்பம்	17.7 °C (63.9 °F)
இணையதளம்	jammu.nic.in

சம்மு நகரம் (Jammu) இந்தியாவின் சம்மு காசுமீர் மாநிலத்திலுள்ள சம்மு மாவட்டத்திலுள்ள ஒரு மிகப்பெரிய நகரமாகும். சம்மு காசுமீரின் குளிர்கால தலைநகரான சம்மு நகரம் தாவி ஆற்றின் கரையில் 26.64 சதுரகிலோமீட்டர் பரப்பளவிற்கு பரந்து அமைந்துள்ளது. இந்நகரத்திற்கு வடக்கில் இமயமலையும் தெற்கில் வடக்கு சமவெளிகளும் சூழ்ந்துள்ளன. சம்மு மாநிலத்தின் அதிக மக்கள் தொகை கொண்ட இரண்டாவது நகரம் சம்மு நகரமாகும்.

மாநகராட்சியான இந்நகரின் எல்லைக்குள் வரலாற்று சிறப்பு மிக்க கோயில்களும் பழைய பள்ளிவாசல்களும் ஏராலமாக உள்ளதால் சம்மு நகரம் கோயில் நகரம் என அழைக்கப்படுகிறது. மேலும் இந்நகரம் தன்னுடைய எல்லைகளை அடுத்துள்ள சம்பா மாவட்டத்துடன் பகிர்ந்து கொள்கிறது.

உள்ளூர் பாரம்பரியத்தின் படி சம்மு அதன் நிறுவனர் இராசா சம்புலோச்சனின் நினைவாக பெயரிடப்பட்டது. அவர் 9 ஆம் நூற்றாண்டில் இப்பகுதியை ஆண்டதாக நம்பப்படுகிறது ^[13]. உள்ளூர் பாரம்பரியம் நகரத்தை 3000 ஆண்டுகள் பழமையானது என்கின்றன ஆனால் இதை வரலாற்றாசிரியர்கள் ஆதரிக்கவில்லை ^[14].

இந்நகரம் 32°44′N 74°52′E / 32.73°N 74.87°E / 32.73; 74.87.^[15] என்ற அடையாள ஆள்கூறுகளில் அமைந்துள்ளது. ஏற்ற இறக்கங்களுடன் அமைந்துள்ள இந்நகரின் நிலப்பரப்பு சிவாலிக் மலைத்தொடரின் உயரம் குறைந்த பகுதியில் அமைந்துள்ளது. சம்முவின் வடக்கு, கிழக்கு, தென்கிழக்கு திசைகளில் சிவாலிக் மலைத்தொடரும் வடகிழக்கில் திரிகுடா மலைத்தொடரும் சூழ்ந்துள்ளன. தோராயமாக புது தில்லியில் இருந்து 600 கிலோமீட்டர் தொலைவில் சம்மு நகரம் அமைந்துள்ளது.

பழைய நகரமானது வடக்கு பகுதியில் தாவி ஆற்றின் வலது கரையில் அமைந்துள்ளது. புதிய நகரம் தென்பகுதியில் தாவி ஆற்றின் இடது கரையில் அமைந்துள்ளது. பழைய நகரையும் புதிய நகரையும் தாவி ஆற்றில் கட்டப்பட்டுள்ள நான்கு பாலங்கள் இணைக்கின்றன. நகரின் உயரமான பகுதியில் உள்ள தோக்ரா அரண்மனை பழைய நகரை பார்த்தவாறு கட்டப்பட்டுள்ளது.

கிமு 900 இல் சம்மு நகரம் உருவானது என்று எழுத்தாளர் தாரிக்-இ-அசுமி கருத்து கூறுகிறார். . துர்கரா மாநிலமும் (நவீன வடிவங்கள் "துக்கர்" மற்றும் "தோக்ரா)") இந்த நேரத்திலிருந்ததாக சான்றளிக்கப்படுகின்றன^[16][17]. அந்த நேரத்தில் துர்காரா மாநிலத்தின் தலைநகரம் நவீன பில்லாவருடன் அடையாளம் காணப்பட்ட வல்லபுரா என்று நம்பப்படுகிறது. கல்கனரின் ராசதரங்கினியில் உள்ள அரசர்கள் இதை திரும்ப திரும்ப கூருகிறார்கள்^[18]. ராசதரங்கனியில் குறிப்பிடப்பட்டுள்ள மற்றொரு மாநிலம் தற்காலத்தில் பாபோர் எனப்படும் பாப்பாபுரா ஆகும். இதன் சில ஆட்சியாளர்கள் பிற்கால சம்மு ஆட்சியாளர்களின் குடும்ப ஆண்டு கணக்கு எனப்படும் வம்சாவளியில் தோன்றுகின்றனர். இந்த ஆட்சியாளர்கள் ஏறக்குறைய சுதந்திரமான தகுதியை அனுபவித்து தில்லி சுல்தான்களுடன் கூட்டணி வைத்ததாக நம்பப்படுகிறது. முபாராக் சாவின் ஆதரவாளராக ராசா பீம்தேவ் தில்லி காலக்கணக்கில் முக்கியமாகக் குறிப்பிடப்படுகிறார் ^[19]

தைமூரின் காலவரிசையில் சம்மு நகரத்தின் பெயர் குறிப்பிடப்பட்டுள்ளது. (ஆ. 1370–1406). இவர் 1398 ஆம் ஆண்டில் தில்லி நகருக்குள் ஊடுறுவி சம்மு வழியாக சாமர்கண்டிற்கு திரும்பிச் சென்றவராவார். 16 ஆம் நூற்றாண்டின் முற்பகுதியில் பாபரின் முகலாய காலத்தில் சம்மு ஒரு சக்திவாய்ந்த மாநிலம் என்று பஞ்சாப் மலைகளில் குறிப்பிடப்பட்டுள்ளது. மனாசு இராசபுத்திரர்கள் இப்பகுதியை ஆட்சி செய்துள்ளனர். பேரரசர் அக்பர் இப்பகுதியின் மலை இராச்சியங்களை முகலாய அதிகாரத்தின் கீழ் கொண்டுவந்தார், ஆனால் மன்னர்கள் கணிசமான அரசியல் சுயாட்சியை அனுபவித்தனர். சம்முவைத் தவிர கூடுதலாக பிராந்தியத்தின் பிற இராச்சியங்களான கிசுத்வார் மற்றும் ராயோரி ஆகியவை முக்கியமாக குறிப்பிடப்பட்டுள்ளன. முகலாய சாம்ராச்சியம் இந்த மலைத் தலைவர்களை பேரரசின் கூட்டாளிகளாகவும் பங்காளிகளாகவும் கருதியது என்பது தெளிவாகிறது ^[20]

18 ஆம் நூற்றாண்டில் முகலாயப் பேர்ரசு வீழ்ச்சியடைந்த பின்னர் யமுவால் குடும்பத்தைச் சேர்ந்த ராசா துருவ் தேவின் கீழ் சம்மு அரசு அனைத்து துக்கர் மாநிலங்களிடையேயும் தனது மேலாதிக்கத்தை உறுதிப்படுத்தியது. மலையக மாநிலங்களிடையே பரவலாக மதிக்கப்படும் அவரது வாரிசான ராசா ரஞ்சித் தேவ் (1728-1780) ஆட்சியின் கீழ் அதன் ஏற்றம் உச்சத்தை எட்டியது. ரஞ்சித் தேவ் மத சுதந்திரத்தையும் பாதுகாப்பையும் ஊக்குவித்தார் ^[21][22]. இது சம்முவில் குடியேற பல கைவினைஞர்களையும் வணிகர்களையும் ஈர்த்தது, மேலும் இதனால் சம்முவின் பொருளாதார செழிப்புக்கும் வழியேற்பட்டது.

ரஞ்சித் தேவ் ஆட்சியின் இறுதிப் பகுதியில் சீக்கிய சிற்றரசுகளின் கூட்டமைப்பு சம்முவை கைப்பற்றினர். பாங்கி, கண்கையா, சுகெர்சாக்கியா சிற்றரசுக்களிடையில் சம்முவை கைப்பற்ற போட்டி நடைபெற்றது. 1770 ஆம் ஆண்டில் பாங்கி சிற்றரசு சம்முவைத் தாக்கி, ரஞ்சித் தேவை ஒரு துணை நாடாக மாறும்படி கட்டாயப்படுத்தினார். ரஞ்சித் தேவின் வாரிசாக தொடர்ந்த பிரிச் லால் தேவை சிகெர்சாக்கியாவின் மகான்சிங் என்ற சிற்றரசர் தோற்கடித்தார். இதனால் சுற்றுபுற நாடுகளிடம் இருந்த சம்முவின் அதிகாரம் கைவிட்டுப் போனது^[23] சம்மு 1808 ஆம் ஆண்டில் சீக்கிய பேரரசுடன் இணைக்கப்பட்டது. மகான் சிங்கின் மகன் மகா ராசா ரஞ்சித் சிங் ஆட்சியுடன் இணைக்கப்பட்டது^[24]

1. ↑ "Jammu-Srinagar NH reopens for one-way traffic". Business Standard India. Press Trust of India. 30 January 2019. https://www.business-standard.com/article/pti-stories/jammu-srinagar-nh-reopens-for-one-way-traffic-119013000622_1.html. "Jammu, the City of Temples, recorded a low of 7.7 degrees Celsius compared to the previous night's 4.1 degrees Celsius" 
2. ↑ "History of Jammu Municipal Corporation". Official website of Jammu Municipal Corporation. Archived from the original on 10 April 2009. Retrieved 4 December 2008.
3. ↑ PTI (15 November 2018). "Jammu gets new mayor, deputy mayor | India News - Times of India" (in en). The Times of India. https://timesofindia.indiatimes.com/india/jammu-gets-new-mayor-deputy-mayor/articleshow/66637932.cms. 
4. ↑ "Jammu City".
5. ↑ Akhtar, Rais (2009). Regional Planning for Health Care System in Jammu and Kashmir. Concept Publishing Company. p. 1. ISBN 9788180696275.
6. ↑ "The Jammu and Kashmir Official Languages Act, 2020" (PDF). The Gazette of India. Retrieved 27 September 2020.
7. ↑ "Parliament passes JK Official Languages Bill, 2020". Rising Kashmir. 23 September 2020. Archived from the original on 24 September 2020. Retrieved 23 September 2020.
8. ↑ Pathak, Analiza (2 September 2020). "Hindi, Kashmiri and Dogri to be official languages of Jammu and Kashmir, Cabinet approves Bill" (in en). https://www.indiatvnews.com/news/india/hindi-kashmiri-and-dogri-to-be-official-languages-of-jammu-and-kashmir-cabinet-approves-bill-646784. 
9. ↑ ^{9.0 9.1} "52nd Report of the Commissioner for Linguistic Minorities in India" (PDF). nclm.nic.in. சிறுபான்மையினர் நலத்துறை அமைச்சகம். Archived from the original (PDF) on 25 May 2017. Retrieved 23 January 2019.
10. ↑ "Jammu City Population". Census India. Archived from the original on 16 April 2022. Retrieved 11 July 2021.
11. ↑ "Jammu City Population Census 2011-2019 | Jammu and Kashmir". www.census2011.co.in.
12. ↑ Department of Posts, Ministry of Communications, Government of India (16 March 2017). "Village/Locality based Pin mapping as on 16th March 2017". data.gov.in. Retrieved 4 October 2018.{{cite web}}: CS1 maint: multiple names: authors list (link)
13. ↑ "Priya Sethi lays foundation stone of statue of Jambu Lochan". Daily Excelsior. 1 August 2016. https://www.dailyexcelsior.com/priya-sethi-lays-foundation-stone-of-statue-of-jambu-lochan/. பார்த்த நாள்: 16 April 2019. 
14. ↑ Kapur, History of Jammu and Kashmir State 1980, ப. 9.
15. ↑ Falling Rain Genomics, Inc - Jammu
16. ↑ Kapur, History of Jammu and Kashmir State 1980, ப. 9–10.
17. ↑ Charak & Billwaria, Pahāṛi Styles of Indian Murals 1998, ப. 6.
18. ↑ Bamzai, Culture and Political History of Kashmir 1994, ப. 184.
19. ↑ Charak & Billwaria, Pahāṛi Styles of Indian Murals 1998, ப. 6–7.
20. ↑ Jigar Mohammad, Raja Ranjit Dev's Inclusive Policies 2010, ப. 40–42.
21. ↑ Jeratha, Dogra Legends of Art & Culture 1998, ப. 187.
22. ↑ Panikkar, Gulab Singh 1930, ப. 10.
23. ↑ Panikkar, Gulab Singh 1930, ப. 10–12.
24. ↑ Panikkar, Gulab Singh 1930, ப. 15–16.

• Bamzai, P. N. K. (1994), Culture and Political History of Kashmir: Ancient Kashmir, M.D. Publications Pvt. Ltd., ISBN 978-81-85880-31-0
• Charak, Sukh Dev Singh; Billawaria, Anita K. (1998), Pahāṛi Styles of Indian Murals, Abhinav Publications, ISBN 978-8-17017-356-4
• Chattha, Ilyas Ahmad (September 2009). Partition and Its Aftermath: Violence, Migration and the Role of Refugees in the Socio-Economic Development of Gujranwala and Sialkot Cities, 1947-1961 (PhD). Centre for Imperial and Post-Colonial Studies, School of Humanities, University of Southampton. Retrieved 16 February 2016.
• Jeratha, Aśoka (1998), Dogra Legends of Art & Culture, Indus Publishing, ISBN 978-81-7387-082-8
• Kapur, Manohar Lal (1980), History of Jammu and Kashmir State: The making of the State, Kashmir History Publications
• Mohammad, Jigar (November 2010), "Raja Ranjit Dev's Inclusive Policies and Politico-economic developments in Jammu", Epilogue, vol. 4, no. 11, pp. 40–42
• Panikkar, K. M. (1930), Gulab Singh, London: Martin Hopkinson Ltd
• Puri, Luv (2012), Across the Line of Control: Inside Azad Kashmir, Columbia University Press, ISBN 978-0-231-80084-6
• Rai, Mridu (2004), Hindu Rulers, Muslim Subjects: Islam, Rights, and the History of Kashmir, C. Hurst & Co, ISBN 1850656614
• Saraf, Muhammad Yusuf (2015) [first published 1979 by Ferozsons], Kashmiris Fight for Freedom, Volume 2, Mirpur: National Institute Kashmir Studies

விக்கிமீடியா பொதுவகத்தில்,
சம்மு
என்பதில் ஊடகங்கள் உள்ளன.