தேவபூமி துவாரகை மாவட்டம்

தேவபூமி துவாரகை மாவட்டம் દેવભૂમિ દ્વારકા
மாவட்டம்
நாடு	இந்தியா
மாநிலம்	குசராத்து
நிறுவிய நாள்	15 அகஸ்டு 2013
மொழிகள்
• அலுவல் மொழி	குஜராத்தி
நேர வலயம்	ஒசநே+5:30 (இசீநே)
இணையதளம்	https://devbhumidwarka.nic.in

தேவபூமி துவாரகை மாவட்டம், (Devbhumi Dwarka district) குசராத்து மாநிலத்தின் மேற்கு பகுதியான, சௌராஷ்டிர தீபகற்பத்தில், கட்ச் வளைகுடா பகுதியில் அமைந்துள்ளது. இம்மாவட்டத்தின் தலைமையிடம் காம்பாலியம் நகரம் ஆகும். இம்மாவட்டத்தில் துவாரகாதீசர் கோயில் மற்றும் பேட் துவாரகை அமைந்துள்ளது.

ஜாம்நகர் மாவட்டத்திலிருந்து துவாரகை போன்ற சில பகுதிகளை பிரித்து, 67-வது இந்திய சுதந்திர தினமான 15-08-2013-இல் புதிதாக தோற்றுவிக்கப்பட்ட கிர்சோம்நாத் மாவட்டம் உட்பட ஏழு மாவட்டங்களில் இதுவும் ஒன்றாகும். இந்த ஏழு புதிய மாவட்டங்களுடன் சேர்த்து தற்போது குசராத்து மாநிலம் 33 மாவட்டங்களுடன் உள்ளது^[1][2]

இம்மாவட்டம் காம்பாலியம் மற்றும் துவாராகை என இரண்டு வருவாய்க் கோட்டங்களும், காம்பாலியம், பவன்வாத், துவாரகை, ஜாம் கல்யாண்பூர் என 4 வருவாய் வட்டங்களும், நான்கு தாலுக்கா பஞ்சாயத்துகளும், 249 கிராமப் பஞ்சாயத்துகளும், 6 நகராட்சிகளையும் கொண்டது.^[3]

2011-ஆம் ஆண்டின் கணக்கெடுப்பின் படி, 4,051 சதுர கிலோ மீட்டர் பரப்பளவு கொன்ட இம்மாவட்டத்தின் மொத்த மக்கள் தொகை 7,52,484 ஆகும். மாவட்டத்தின் ச்ராசரி எழுத்தறிவு 69:00% ஆக உள்ளது.

• துவாரகை
• துவாரகாதீசர் கோயில்
• பேட் துவாரகை
• நாகேசுவரர் கோயில்

துவாரகையை துவாரவதி என்றும் அழைப்பர். துவாரகை என்பதற்கும் துவாராவதி என்பதற்கும் சமஸ்கிருத மொழியில் பல நுழைவாயில்கள் கொண்ட நகரம் என்று பொருள். மகாபாரதத்தில் துவாரகை ஆனர்த்தா அரசின் தலைநகராக இருந்தது என்று குறிப்பிடப்பட்டுள்ளது.

• பாண்டவர்கள் வன வாழ்க்கை காலத்தில் அருச்சுனன் சில ஆண்டுகள் துவாரகையில் தங்கி சுபத்திரையை மணந்தான்.
• பாண்டவர்கள் காடுறை வாழ்க்கையின் போது, பாண்டவர்களின் புதல்வர்களான அபிமன்யு, உபபாண்டவர்கள் மற்றும் பணியாட்கள், இந்திரசேனன் என்பவன் தலைமையில் துவாரகையில் தங்கினர். (4, 72)
• துவாரகைக்கும் இந்திரப்பிரஸ்தத்திற்கு இடையே ஒரு பாலைவனம் (தார் பாலைவனம்) பற்றி குறிப்பிடப்பட்டுள்ளது. (14-53, 55)
• மௌசல பர்வத்தில் யாதவர்கள் ஒருவருகொருவர் சண்டையிட்டு மடிந்த பின் பலராமர் துவாரகையை தீயிட்டு அழித்த பின் சரசுவதி ஆற்றை நோக்கி புனிதப் பயணம் மேற்கொண்டார். (9, 35)
• துர்வாச முனிவர் நீண்டகாலம் துவாரகையில் தங்கி தவமிருந்தார். (13, 160)

• கிர்சோம்நாத் மாவட்டம்
• ஓகா

• குசராத்தில் எழு புதிய மாவட்டங்கள் துவக்கம் [1]
• இந்திய சுதந்திர தினத்தில் குசராத்தில் 7 புதிய மாவட்டங்கள் உதயம் [2] பரணிடப்பட்டது 2016-03-04 at the வந்தவழி இயந்திரம்
• இந்திய விடுதலை நாளில் புதிய மாவட்டம் உதயம் New Dwarka District announced

விக்கிமீடியா பொதுவகத்தில்,
தேவபூமி துவாரகை மாவட்டம்
என்பதில் ஊடகங்கள் உள்ளன.

• தேவபூமி துவாரகை மாவட்டத்தின் இணையதளம்
• துவாரகை, கிருஷ்ணர் கோயில் இணையதளம்