Полацкі педагагічны інстытут

Полацкі педагагічны інстытут
Заснаваны	16 лютага 1953
Год закрыцця	16 мая 1959
Дырэктар	Павел Епіфанавіч Цярэнцьеў
Краіна	Беларуская ССР
Юрыдычны адрас	Полацк

Полацкі педагагічны інстытут — дзяржаўная вышэйшая навучальная ўстанова па падрыхтоўцы педагагічных кадраў, якая дзейнічала ў Полацку ў 1953—1959 гадах.

Адкрыты на падставе Пастановы Савета Міністраў БССР ад 16 лютага 1953 года № 178 «Аб арганізацыі Полацкага педагагічнага інстытута»^[1].

У інстытуце дзейнічалі два факультэты: філалагічны і фізіка-матэматычны, на якіх у першы год работы інстытута навучалася 208 студэнтаў^[1].

11 мая 1959 года прынята Пастанова Савета міністраў БССР аб закрыцці Полацкага педагагічнага інстытута. У адпаведнасці з гэтай пастановай 16 мая 1959 года выйшаў загад Міністра асветы БССР, у якім гаварылася:

1. Закрыць Полацкі педагагічны інстытут. 2. Студэнтаў Полацкага педагагічнага інстытута, якія засталіся пасля выпуску 1959 года, перадаць Віцебскаму педагагічнаму інстытуту (фізіка-матэматычны факультэт) і Магілёўскаму педагагічнаму інстытуту (факультэт мовы і літаратуры).

Асноўныя матэрыяльныя каштоўнасці (прыборы, кнігі, абсталяванне) былі перададзены Полацкай школе-інтэрнату на суму 3.645.304 руб. і Віцебскаму педагагічнаму інстытуту на суму 416.746 руб. Таксама ў спісе адносна перадачы матэрыяльных каштоўнасцяў фігуравалі Магілёўскі педагагічны інстытут, Брэсцкі педагагічны інстытут, Полацкае педагагічнае вучылішча, Лясны тэхнікум, Бібліятэка г. Полацка, а таксама школы г. Полацка і раёна^[1].

• Віктар Ніканавіч Вінаградаў (нар. 1933, доктар педагагічных навук, выпуск 1957 года^[2])
• Мікалай Рыгоравіч Каваленка (1934—2002, кандыдат педагагічных навук, выпуск 1954 года^[3])
• Яўген Іванавіч Сярмяжка (1934—2012, кандыдат педагагічных навук, выпуск 1957 года^[4])

• Вікенцій Міхайлавіч Варыкаш (1931—1992) — беларускі фізік.
• Уладзімір Міхайлавіч Казбярук (1923—2016) — беларускі літаратуразнавец.

• Балаш, И. Ф. Полоцкий педагогический институт : 1953—1959 гг.(недаступная спасылка) — ПГУ, 2002.
• Дарья Ильюхина Полоцкий государственный педагогический институт имени Георгия Скорины: история и достижения" // Международный Фестиваль «Звёзды Нового Века» — 2016.
• § 5. Культура Белорусской ССР в 1950—1980-е гг.(недаступная спасылка) // История Беларуси с древнейших времен до 2013 г.
• Яноўская, В. В. У мірнай працы / В. В. Яноўская // Памяць: гіст.-дакум. хроніка Полацка / рэд. кал.: Г. П. Пашкоў (гал. рэд.) і інш. — Мінск: БелЭн, 2002.