Сянно

Горад Сянно Сцяг Герб Краіна Беларусь Вобласць Віцебская Раён Сенненскі Каардынаты 54°49′ пн. ш. 29°41′ у. д.HGЯO Першая згадка 1442 Вышыня цэнтра 176 м Насельніцтва ▼6 974 чал. (1 студзеня 2025)[1] Часавы пояс UTC+3 Тэлефонны код +375 2135 Паштовы індэкс 211117 Аўтамабільны код 2 СААТА 2244501000 Афіцыйны сайт senno.vitebsk-region.gov.by  (руск.) Сянно на карце Беларусі ±

Сянно на Вікісховішчы

Сянно́^[2] (трансліт.: Sianno) — горад у Віцебскай вобласці Беларусі, адміністрацыйны цэнтр Сенненскага раёна, на беразе возера Сянно. За 56 км на паўднёвы захад ад Віцебска, 15 км ад чыгуначнай станцыі Бурбін на лініі Лепель — Орша. Аўтамабільнымі дарогамі злучаны з Багушэўскам, Чашнікамі, Бешанковічамі, Талачыном.

Паселішча названа ад возера Сянна, на якім паўстала, і не звязана з сенам, як думалі стваральнікі гарадскога герба XVIII ст. у Дэпартаменце Герольдыі, калі выявілі на гербе скрыжаваныя косы.

Вядомы з XIV ст. як сяло Аболецкай воласці^[3], у Кнізе данін Казіміра запісана наданне «на Рши и у Оболцох. Село Сено Милошу Воишвиловичу Василево Бабича, ажъ будеть кому перво не отдано. Довкгирдъ а панъ Кгастовт», якое датуецца згадкай Даўгерда не пазней за пачатак 1443 года. Папярэдні трымальнік -- Васіль Бабіч, ад'ехаў з бацькам і некалькімі братамі ў Маскву ў 1436 годзе, пасля перамогі Жыгімонта Кейстутавіча ў феадальнай вайне 1430-х гадоў.

У Попісе войск 1528 года названы князі Сенненскія. У 1534 годзе маскоўскія войскі пад камандаваннем ваяводы князя Барыса Гарбатага спалілі Сянно. Пасля адміністрацыйнай рэформы 1566 года мястэчка ў Віцебскім павеце Вялікага Княства Літоўскага.

У 1609 годзе Яўстафій Курч, уладальнік Сянна, будуе драўляны касцёл ордэна Францыска Асізскага.

З першай паловы XVII стагоддзя належала Сапегам, з другой паловы XVIII стагоддзя — Агінскім. У 1757 годзе Сянно было прададзена Тышкевічам, якія падарылі яго Серакоўскім.

Пасля першага падзелу Рэчы Паспалітай (1772) Сянно ў складзе Расійскай імперыі, горад, цэнтр павета. У 1781 годзе зацверджаны герб горада — на зялёным полі дзве скрыжаваныя залатыя касы (знак багацця сенам). Перайшло ў валоданне Пуслоўскіх.

У 1864 годзе адкрыта прыходскае вучылішча, дзе ў 1865 годзе выкладаў Еўдакім Раманаў, вядомы этнограф і краязнавец.

У 1867 годзе на месцы былой уніяцкай царквы Ільі Прарока ў Сянне пабудаваны каменны праваслаўны Мікалаеўскі сабор.

У канцы XIX стагоддзя Сянно стала ўласнасцю Шабекаў. У 1903 годзе было заснавана Сенненскае жаночае прыходскае вучылішча. Каля 1906 года ў горадзе дзейнічала польскае Таварыства дабрачыннасці і асветы, заснаванае з ініцыятывы Марыі Свяцкай. Займалася адкрыццём сакрэтных польскіх школ у вёсках і мястэчках, а фінансавалі яго мясцовыя ўладальнікі маёнткаў^[4].

25 сакавіка 1918 года згодна з Трэцяй Устаўной граматай Сянно абвяшчалася часткай Беларускай Народнай Рэспублікі. З 1 студзеня 1919 года ў адпаведнасці з пастановай І з’езда КП(б) Беларусі Сянно ўвайшло ў склад Савецкай Беларусі.

З 1923 года пазаштатны горад, цэнтр воласці ў Віцебскім павеце. З 1924 года — цэнтр раёна. У гады Вялікай Айчыннай вайны ў 1941 годзе пад Сянно на працягу трох дзён праходзіла адна з буйнейшых танкавых бітваў у сусветнай гісторыі^[5].

20 кастрычніка 1995 года адміністрацыйныя адзінкі Сенненскі раён і горад Сянно, якія маюць агульны адміністрацыйны цэнтр, аб’яднаны ў адну адміністрацыйную адзінку — Сенненскі раён^[6].

Указам Прэзідэнта Рэспублікі Беларусь № 277 ад 2 чэрвеня 2009 года зацверджаны сцяг горада Сянно і Сенненскага раёна^[7].

Прадпрыемствы будаўнічых матэрыялаў, лясной, дрэваапрацоўчай, лёгкай, харчовай прамысловасці. Гасцініца.

• 

  Сенненская ДЮСШ

• Сенненскі краязнаўчы музей

• Касцёл Святой Тройцы (адноўлены ў пачатку XXI стагоддзя)
• Гарадзішча жалезнага веку (побач з горадам)
• Адміністрацыйны будынак (пачатак XIX стагоддзя)
• Свята-Мікалаеўская царква (2003)
• Крыніца «Каплічка»
• Крыніца «Пясчанка»
• Брацкая магіла, ў парку імя 40-годдзя ВЛКСМ —  Гісторыка-культурная каштоўнасць Беларусі, шыфр 213Д000735шыфр 213Д000735
• Брацкая магіла (1941—1944), ў скверы, вул. К. Маркса —  Гісторыка-культурная каштоўнасць Беларусі, шыфр 213Д000736шыфр 213Д000736

• Кляштар францысканцаў (1772).
• Свята-Пакроўская царква (1860).
• Свята-Мікалаеўскі сабор.
• Сенненскі замак (XVI—XVIII стагоддзі).
• Уніяцкай царквы Ільі Прарока.

«Голас Сенненшчыны» — раённая газета Сенненскага раёна. Выдаецца 1 мая 1918 года ў Сянне.

У 2025 годзе да 80-й гадавіны заканчэння Вялікай Айчыннай вайны горад Сянно ўзнагароджаны вымпелам «За мужнасць і стойкасць у гады Вялікай Айчыннай вайны»^[18][19].

• Ян Астроўскі — беларускі скульптар.
• Міхаіл Лявонцьевіч Бельскі (1921—1988) — беларускі графік.
• Генадзь Давыдзька — беларускі акцёр, тэлевядучы.
• Міхаіл Ермашкевіч — беларускі рымска-каталіцкі дзеяч.
• Алесь Жаўрук (1910—1942) — беларускі паэт.
• Кароль Антоні Жэра (1743—?) — жыў доўгі час у Сянно.
• Пётр Анатольевіч Івашка — беларускі біятланіст.
• Ларыса Рыгораўна Кажарская — беларускі акадэмік, прафесар медыцыны.
• Міхаіл Барысавіч Марцінкоўскі (нар. 1922) — беларускі пісьменнік-сатырык.
• Васіль Андрэевіч Масцінскі (1870—1913) — біяхімік^[20].
• Дора Захараўна Кроз — беларуская спявачка.
• Аляксандр Францавіч Пятаковіч (1914—1988) — Герой Савецкага Саюза (1945).
• Яўген Рыгоравіч Радкевіч — беларускі пісьменнік.
• Уладзімір Кірылавіч Гоманаў — беларускі мастак-жывапісец.
• Самуіл Захаравіч Слонім (1888—1937) — беларускі эканаміст, спецыяліст у галіне эканамічнай тэорыі.

• Спіс вуліц Сянна

• Насевіч В. Ранняя гісторыя Лепеля: спроба інтэрпрэтацыі // Архіварыус: зб. навук. паведамл. і арт. Вып. 21. — Мінск: НГАБ, 2023. — С. 153—164
• Нашы гарады: грамадска-палітычнае даведачнае выданне / У. А. Малішэўскі, П. М. Пабока. — Мн.: Народная асвета, 1991. — 303 с.: фота. — ISBN 5-341-00240-7. — С. 171—175.
• Сенно́ // Географический энциклопедический словарь: Географические названия (руск.) / Гл. ред. А. Ф. Трёшников; Ред. кол.: Э. Б. Алаев, П. М. Алампиев (зам. гл. ред.) и др. — 2-е изд., исправл. и дополн. — М.: Советская энциклопедия, 1989. — С. 430. — 592 с. — 210 000 экз. — ISBN 5-85270-057-6.
• Сенно́ // Т. 23. Сафлор — Соан. — М. : Советская энциклопедия, 1976. — С. 259. — (Большая советская энциклопедия : [в 30 т.] / гл. ред. А. М. Прохоров; 1969—1978). (руск.)
• Удальцоў В. М. Сянно́ // Беларуская энцыклапедыя: У 18 т. Т. 15: Следавікі — Трыо / Рэдкал.: Г. П. Пашкоў і інш. — Мн. : БелЭн, 2002. — Т. 15. — С. 352. — 10 000 экз. — ISBN 985-11-0035-8. — ISBN 985-11-0251-2 (т. 15).
• Dariusz Tarasiuk Między nadzieją a niepokojem. Działalność społeczno-kulturalna i polityczna Polaków na wschodniej Białorusi w latach 1905—1918. — Lublin: Wydawnictwo Uniwersytetu Marii Curie-Skłodowskiej, 2007. — s. 211. — ISBN 978-83-227-2629-7

• На Вікісховішчы ёсць медыяфайлы па тэме Сянно

• Геаграфічныя звесткі па тэме Сянно на OpenStreetMap
• Гісторыя Сенненскага раёна Архівавана 5 кастрычніка 2013.
• Сянно: год за годам Архівавана 31 студзеня 2020.