Пелка

Пелка Πελεκάνος
Поглед на селото
Пелка
Местоположба во областа Пелка Местоположба на Пелка во општината Горуша и областа Западна Македонија
Координати: 40°22′N 21°28′E / 40.367°N 21.467°E / 40.367; 21.467
Земја	Грција
Област	Западна Македонија
Округ	Кожански
Општина	Горуша
Општ. единица	Сињак
Надм. вис.	&10000000000000760000000760 м
Население (2021)[1]
• Вкупно	232
Час. појас	EET (UTC+2)
• Лето (ЛСВ)	EEST (UTC+3)

Пелка (грчки: Πελεκάνος, Пелеканос; до 1927 г. Πέλκα, Пелка^[2]) — село во Населичко, Егејска Македонија, денес во општината Горуша на Кожанскиот округ во областа Западна Македонија, Грција. Населението брои 232 жители (2021).

Селото е сместено на западните падини на Сињак, околу 22 км северно од гратчето Сачишта, на надморска височина од 760 м.^[3]

Во XIX век Пелка било грчко село во Населичката каза на Серфиџенскиот Санџак.

Според податоците на Васил К’нчов („Македонија. Етнографија и статистика“) од 1900, во Пелка живееле 580 Грци.^[4] Според егзархискиот секретар Димитар Мишев („La Macédoine et sa Population Chrétienne“), во 1905 во Пелка живееле 575 Грци.^[5]

Според грчка статистика од 1904 г. во Пелка живееле 585 Грци христијани.^[6]

По Балканските Војни во 1913 г. селото е припоено кон Грција согласно Букурешкиот договор. Истата година во него се попишани 664 жители, кои во 1920 г. се намалиле на 594 лица.^[3]

Во 1927 година, името на селото било променето во Πελεκάνος (Пелеканос).

Населението произведува жито, тутун, компири и други земјоделски производи. Населението делумно се занимава и со краварството.^[3]

Еве преглед на населението во сите пописни години, од 1940 г. до денес:

Извор за 1940-1991 г.: Т. Симовски, Населените места во Егејска Македонија

Селото припаѓа на општинската единица Сињак со седиште во селото Враништа, која припаѓа на поголемата општина Горуша, во округот Кожани. Воедно, селото е дел од општинскиот оддел Пелка, во кој е единствено село.

Цркви

• Црква „Успение на Пресвета Богородица“ — изградена во 1939 г.^[7]

Родени во Пелка

• Аргириос Папаризос (1764 - 1851)
• Константинос Мустаклис (1871 - 1950)

Починати во Пелка

• Зисо Калиманов (? - 1943)

1. ↑ „Попис на населението од 2021 г. Трајно население“. Државен завод за статистика на Грција.
2. ↑ „Πανδέκτης: Pelka -- Pelekanos“. pandektis.ekt.gr. Посетено на 2023-07-16.
3. ↑ ^{3,0 3,1 3,2} Симовски, Тодор (1998). Населените места во Егејска Македонија : географски, етнички и стопански одлики. I дел. Скопје: Институт за национална историја. стр. 334.
4. ↑ „Makedonija. Etnografija i statistika - 2.45“. macedonia.kroraina.com. Посетено на 2023-08-16.
5. ↑ Brancoff, D.M. „La Macédoine et sa Population Chrétienne“. Paris, 1905, р.226-227.
6. ↑ Σπανός, Κωνσταντίνος. "Η απογραφή του Σαντζακίου των Σερβίων", in: "Ελιμειακά", 48-49, 2001.
7. ↑ „Πολιτιστικός Σύλλογος Πελεκάνου Κοζάνης“. www.pelka.gr. Посетено на 2023-08-16.