Уфрлени согласки (имплозиви) се избувни (и ретко слеани) согласки со мешан гласилен вдишен и белодробен издишен воздушен механизам.[1] Ова значи дека воздушниот тек се контролира со повлекување на гласилката (глотис) надолу покрај истисокот на воздухот од белите дробови. Затоа, за разлика од чисто гласилните исфрлени согласки, уфрлените можат да се менуваат со фонација, и тоа речиси секогаш звучна. Различните уфрлени согласки се среќаваат во околу 13%[2] од јазиците во светот.
Во Меѓународната фонетска азбука (МФА), уфрлените согласки се означуваат со придодавање на ченгелче на звучна избувна согласка: ⟨ɓɗʄɠʛ ⟩.
Уфрлените слеани и струјни согласки се крајно необични и ретки, и немаат симболи во МФА. звучните струјни согласки теоретски можат да добијат ченгелчиња, но усненозабната тогаш ќе личи на усненозабната едноударна согласка[ⱱ].
Безвучни уфрлени согласки
Согласките што се нарекуваат „безвучни уфрлени согласки“, „уфрлени согласки со гласилно затворање“,[3] или „обратни исфрлени согласки“ имаат само малку поинаков воздушен механизам, кој е чисто гласилен вдишен.[1] Тука гласилката е затворена, па затоа белодробниот воздушен тех е сосем оневозможен. МФА ги означува со ⟨ɓ̥ɗ̥ʄ̊ɠ̊ʛ̥ ⟩ или напати со ⟨pʼ↓tʼ↓cʼ↓kʼ↓⟩.
Познати се следниве безвучни исфрлени избувни согласки:
↑ 1,01,1Phonetics for communication disorders. Martin J. Ball and Nicole Müller. Routledge, 2005.
↑Maddieson, Ian. 2008. Glottalized Consonants.
In: Haspelmath, Martin & Dryer, Matthew S. & Gil, David & Comrie, Bernard (eds.)
The World Atlas of Language Structures Online.
Munich: Max Planck Digital Library, гл. 7.
Достапно на http://wals.info/feature/7
Пров. 28 март 2008
↑Ladefoged, Peter; Maddieson, Ian (1996). The Sounds of the World's Languages. Oxford: Blackwell. ISBN978-0-631-19815-4.
Demolin, Didier; Ngonga-Ke-Mbembe, Hubert; & Soquet, Alain. (2002). Phonetic characteristics of an unexploded palatal implosive in Hendo. Journal of the International Phonetic Association, 32, 1-15.
Ladefoged, Peter; Maddieson, Ian (1996). The Sounds of the World's Languages. Oxford: Blackwell. ISBN978-0-631-19815-4.
Maddieson, Ian. (1984). Patterns of sounds. Cambridge studies in speech science and communication. Cambridge: Cambridge University Press.
