காரைநகர் பிரதேச சபை

காரைநகர் பிரதேச சபை (Karainagar Divisional Council) இலங்கையின் யாழ்ப்பாண மாவட்டத்தில் அமைந்துள்ள உள்ளூராட்சி அமைப்புக்களுள் ஒன்று ஆகும். காரைநகர் பிரதேச செயலாளர் பிரிவில் அடங்கும் பகுதிகள் இப்பிரதேச சபைக்குள் அடங்குகின்றன. இதன் மொத்தப் பரப்பளவு 21.74 சதுர மைல்கள். இது காரைநகர் எனப்படும் ஒரு தீவை மட்டும் முழுமையாக உள்ளடக்கியிருப்பதால் நாற்புறமும் கடலினால் சூழப்பட்டுள்ளது. இச்சபைக்கான உறுப்பினர்கள் நேரடியாக மக்களால் தெரிவுசெய்யப்படுகின்றனர். 2018 ஆம் ஆண்டு முதல் கலப்பு முறைத் தேர்தல் அறிமுகப்படுத்தப்பட்டது. இம்முறைப்படி, காரைநகர் பிரதேச சபைக்கு 6 உறுப்பினர்கள் வட்டாரங்களில் இருந்து நேரடியாகவும், 5 உறுப்பினர்கள் விகிதாசாரப் பிரதிநிதித்துவத் தேர்தல் முறையிலும், மொத்தம் 11 உறுப்பினர்கள் தேர்ந்தெடுக்கப்படுகின்றனர்.^[1][2]

26ம் இலக்க 2015 ஆகத்து 21 அதிவிசேட வர்த்தமானி அறிவித்தலின் மூலம் உள்ளுராட்சி அதிகார சபைகள் தேர்தல் கட்டளை சட்டத்தின் 3ஆவது பிரிவின் கீழ் உள்ளுராட்சி அதிகார சபையின் ஆளுகைப் பிரதேசத்தின் எல்லைகள் வரையறை செய்யப்பட்டுள்ளன. இவ்வாறு வரையறை செய்யப்பட்டுள்ள காரைநகர் பிரதேச சபையின் ஆளுகைப் பிரதேசம் 12 வட்டாரங்களாகப் பிரிக்கப்பட்டுள்ளது. காரைநகர் பிரதேச சபையின் கீழ் காரைநகர் பிரதேச செயலாளர் பிரிவின் நிருவாக எல்லைகள் உள்ளடங்குகின்றன.^[3] வட்டாரங்களின் இலக்கம், பெயர் ஆகிய விபரங்களையும், அவ்வட்டாரங்களுள் அடங்கிய கிராம உத்தியோகத்தர் பிரிவுகளின் இலக்கம், பெயர்கள் முதலியவற்றையும் கீழுள்ள அட்டவணையில் காணலாம்.

23 யூலை 2011 உள்ளூராட்சித் தேர்தல் முடிவுகள்:^[4]

2018 பெப்ரவரி 10 இல் நடைபெற்ற உள்ளூராட்சித் தேர்தல்களில் முதல் தடவையாகக் கலப்பு முறைத் தேர்தல் அறிமுகப்படுத்தப்பட்டது. இம்முறைப்படி, 6 உறுப்பினர்கள் வட்டாரங்களில் இருந்து நேரடியாகவும், 5 உறுப்பினர்கள் விகிதாசாரப் பிரதிநிதித்துவத் தேர்தல் முறையிலும் மொத்தம் 11 உறுப்பினர்கள் தேர்ந்தெடுக்கப்பட்டனர்.^[1][2] தேர்தல் முடிவுகள் வருமாறு:^[3]

2018 தேர்தலில் காரைநகர் பிரதேச சபையின் தலைவராக விஜயதர்மா கேதீஸ்வரதாஸ் (வலந்தலை, இலங்கைத் தமிழரசுக் கட்சி), துணைத் தலைவராக கணேசபிள்ளை பாலச்சந்திரன் (தங்கோடை, இலங்கைத் தமிழரசுக் கட்சி) ஆகியோர் தெரிவு செய்யப்பட்டனர்.^[3]

2025 மே 6 இல் நடைபெற்ற உள்ளூராட்சித் தேர்தல் முடிவுகள்:^[5] 6 உறுப்பினர்கள் வட்டாரங்களில் இருந்து நேரடியாகவும், 5 உறுப்பினர்கள் விகிதாசாரப் பிரதிநிதித்துவத் தேர்தல் முறையிலும் மொத்தம் 11 உறுப்பினர்கள் தேர்ந்தெடுக்கப்பட்டனர்.

2025 தேர்தலில் காரைநகர் பிரதேச சபையில் ஆட்சியமைப்பது தொடர்பாக தமிழ் மக்கள் கூட்டணி, அகில இலங்கைத் தமிழ்க் காங்கிரசு, சுயேட்சைக் குழு ஆகியவற்றுக்கிடையில் உடன்பாடு எட்டப்பட்டது. இதன்படி தலைவராக கிருஷ்ணன் கோவிந்தராசன் (சுயேச்சை), துணைத் தலைவராக ஆண்டிஐயா விஜயராசா (ஆலடி, தமிழ் மக்கள் கூட்டணி) ஆகியோர் போட்டியின்றித் தெரிவு செய்யப்பட்டனர்.^[6]