யாழ்ப்பாண மாவட்டம்

Jaffna District யாழ்ப்பாண மாவட்டம் යාපනය දිස්ත්‍රික්කය
நிர்வாக மாவட்டம்
கடற்கரை
இலங்கையில் அமைவிடம்
நாடு	இலங்கை
மாகாணம்	வடக்கு
தலைநகர்	யாழ்ப்பாணம்
பிரதேச செயலாளர் பிரிவுகள்	பட்டியல் யாழ்ப்பாணம் நல்லூர் வலிகாமம் மேற்கு வலிகாமம் தென்மேற்கு வலிகாமம் வடக்கு வலிகாமம் தெற்கு வலிகாமம் கிழக்கு வடமராட்சி கிழக்கு வடமராட்சி வடக்கு வடமராட்சி தென்மேற்கு தென்மராட்சி தீவக வடக்கு தீவக தெற்கு காரைநகர் நெடுந்தீவு
அரசு
• மாவட்டச் செயலாளர்	S. அருமைநாயகம்
• பா.உ.	பட்டியல் சில்வேசுதிரி அலன்ரின் முருகேசு சந்திரகுமார் டக்ளஸ் தேவானந்தா விஜயகலா மகேசுவரன் சுரேஷ் பிரேமச்சந்திரன் ஈ. சரவணபவன் மாவை சேனாதிராஜா சி. சிறீதரன் அ. விநாயகமூர்த்தி
• மாசஉ	பட்டியல் இ. ஆனல்ட் பொ. ஐங்கரநேசன் பா. கஜதீபன் க. கமலேந்திரன் விந்தன் கனகரத்தினம் அ. பரஞ்சோதி அ. ராமநாதன் க. சர்வேசுவரன் அனந்தி சசிதரன் கே. சயந்தன் ம. க. சிவாஜிலிங்கம் த. சித்தார்த்தன் சி. வி. கே. சிவஞானம் வே. சிவயோகன் ச. சுகிர்தன் க. வி. விக்னேஸ்வரன்
பரப்பளவு [1]
• மொத்தம்	1,025 km2 (396 sq mi)
• நிலம்	929 km2 (359 sq mi)
• நீர்	96 km2 (37 sq mi)  9.37%
• பரப்பளவு தரவரிசை	24வது (மொத்தப் பரப்பளவில் 1.56%)
மக்கள்தொகை  (2012 சனத்தொகைக் கணக்கெடுப்பு)[2]
• மொத்தம்	5,83,378
• தரவரிசை	16வது (மொத்தச் சனத்தொகையில் 2.88%)
• அடர்த்தி	570/km2 (1,500/sq mi)
இனங்கள் (2012 சனத்தொகைக் கணக்கெடுப்பு)[2]
• இலங்கைத் தமிழர்	577,246 (98.95%)
• சிங்களவர்	3,366 (0.58%)
• இலங்கைச் சோனகர்	2,139 (0.37%)
• இந்தியத் தமிழர்	499 (0.09%)
• ஏனையோர்	128 (0.02%)
சமயங்கள் (2012 சனத்தொகைக் கணக்கெடுப்பு)[3]
• இந்துக்கள்	483,900 (82.95%)
• கிறித்தவர்	94,146 (16.14%)
• பௌத்தர்	2,533 (0.43%)
• இசுலாமியர்	2,455 (0.42%)
• ஏனையோர்	344 (0.06%)
நேர வலயம்	ஒசநே+05:30 (இலங்கை)
அஞ்சற் குறியீடு	40000-40999
தொலைபேசிக் குறியீடு	021
ஐஎசுஓ 3166 குறியீடு	LK-41
வாகனப் பதிவு	NP
உத்தியோகபூர்வ மொழிகள்	தமிழ்
இணையதளம்	Jaffna District Secretariat

யாழ்ப்பாண மாவட்டம் (Jaffna District) இலங்கையின் 25 மாவட்டங்களில் ஒன்று. இது நாட்டின் வடகோடியில் அமைந்துள்ளது. மேற்கில் மன்னார் வளைகுடாவும், வடக்கிலும், கிழக்கிலும் இந்தியப் பெருங்கடலும், தெற்கில் யாழ்ப்பாணக் கடல்நீரேரியாலும் சூழப்பட்டுள்ளது. இலங்கையின் தலை போல் அமைந்துள்ள, யாழ்ப்பாணத் தீபகற்பத்தின் பெரும்பகுதியை இந்த மாவட்டம் உள்ளடக்கியுள்ளதுடன், தெற்கேயுள்ள பல தீவுகளும் இதனுள் அடங்கும். இத் தீபகற்பத்தினுள்ளிருக்கும், தொண்டமானாறு, உப்பாறு போன்ற கடல்நீரேரிகளால், இம்மாவட்டம் மூன்று பகுதிகளாகப் பிரிக்கப்பட்டுள்ளது. இப் பிரிவுகள், வலிகாமம், வடமராட்சி, தென்மராட்சி, தீவுப் பகுதி என அழைக்கப்படுகின்றன. இம் மாவட்டத்தின் தெற்கு எல்லையில், யாழ்மாவட்டத்தின் தெற்குப் பகுதியில் இருந்து 1984 பெப்ரவரியில் பிரிக்கப்பட்ட கிளிநொச்சி மாவட்டம் உள்ளது.

யாழ்ப்பாண மாவட்டம் இலங்கையின் வறண்ட பிரதேசத்தில் அமைந்துள்ளது. வங்காள விரிகுடாவிலிருந்து வரும் வடகீழ்ப் பருவப்பெயர்ச்சிக் காற்றினால் மழையைப் பெறும் இப்பகுதி ஆண்டு தோறும் 1231 மிமீ மழை வீழ்ச்சியைப் பெறுகிறது. ஆகக்கூடிய மாதாந்த சராசரி வெப்பநிலை 29.5 C ஆகவும், குறைந்த வெப்பநிலை 25.2 C ஆகவும் உள்ளது. சராசரி ஈரப்பதன் --- ஆகும்.

யாழ்ப்பாண மாவட்டத்துக்குச் செல்லும் எவருக்கும், அம் மாவட்டத்தின் தனித்துவமான தன்மையாகத் தெரியும் முதல் விடயம், மைல் கணக்கில் பரந்து கிடக்கும் பனந்தோப்புக்களாகும்.

யாழ் மாவட்டம் வரண்டதாகவும், அளவிற் சிறியதாகவும் இருந்தும், இது மிகவும் சனத்தொகைச் செறிவு மிக்கதாகும். ஐந்து மாவட்டங்களையும் 8848.11 ச.கி.மீ. பரப்பளவையும் கொண்ட வடமாகாணத்தில், 1025.2 ச.கி.மீ. அளவுக்குள் அடங்கியுள்ள இம்மாவட்டத்தினுள் 66.6% வீதமான மக்கள் வாழ்ந்ததாக 1981 ஆம் ஆண்டுக் கணக்கெடுப்புக் காட்டுகிறது. இங்கே தமிழர், முஸ்லிம்கள், சிங்களவர் எனும் மூவினத்தவரும் வாழ்ந்தாலும், யாழ்மாவட்டத்தின் மக்கள் தொகையில் மிகப்பெரும்பான்மையினர் இலங்கைத் தமிழர் ஆவர். சமய அடிப்படையில், இந்துக்கள் பெரும்பான்மையினராக உள்ளனர். கிறிஸ்தவர்கள், முஸ்லிம்கள் சிறுபான்மையாக உள்ளனர். பௌத்தர்கள் மிகக் குறைவே.

இலங்கை அரசாங்கத்தின் சார்பில் இம்மாவட்டத்தை நிர்வகிக்கும் அதிகாரி, மாவட்டச் செயலாளர் (முன்னர் அரசாங்க அதிபர்) என அழைக்கப்படுகிறார். இம்மாவட்டம் 15 பிரதேச செயலாளர் பிரிவுகளாக (முன்னர் உதவி அரசாங்க அதிபர் பிரிவுகள்) என அழைக்கப்படும் பல துணைப் பிரிவுகளாக வகுக்கப்பட்டுள்ளது.

1. யாழ்ப்பாணம்
2. நல்லூர்
3. சங்கானை
4. சண்டிலிப்பாய்
5. தெல்லிப்பழை
6. உடுவில்
7. கோப்பாய்
8. கரவெட்டி
9. மருதங்கேணி
10. பருத்தித்துறை
11. சாவகச்சேரி
12. ஊர்காவற்றுறை
13. வேலணை
14. காரைநகர்
15. நெடுந்தீவு

ஒவ்வொரு பிரதேச செயலாளர் பிரிவும் ஒரு பிரதேச செயலாளரின் கீழ் செயல்படுகின்றது. இந்தத் துணைப் பிரிவுகளும் மேலும் 434 கிராம சேவை அலுவலர் பிரிவுகளாகப் பிரிக்கப்பட்டுள்ளன.

இவற்றைவிட மக்களால் தெரிவு செய்யப்படும் உள்ளூராட்சி நிர்வாக அமைப்பில் அடங்கும், மாநகரசபை, நகரசபை, மற்றும் பிரதேச சபைகளாகவும் யாழ்ப்பாண மாவட்டம் பிரிக்கப்பட்டுள்ளது. 2011 ஆம் ஆண்டில்

1. யாழ்ப்பாண மாநகர சபை
2. வல்வெட்டித்துறை நகரசபை
3. பருத்தித்துறை நகரசபை
4. சாவகச்சேரி நகரசபை
5. பருத்தித்துறை பிரதேச சபை
6. சாவகச்சேரி பிரதேச சபை
7. நல்லூர் பிரதேச சபை
8. காரைநகர் பிரதேச சபை
9. ஊர்காவற்றுறை பிரதேச சபை
10. நெடுந்தீவு பிரதேச சபை
11. வேலணை பிரதேச சபை
12. வலிகாமம் மேற்கு பிரதேச சபை
13. வலிகாமம் வடக்கு பிரதேச சபை
14. வலிகாமம் தென்மேற்கு பிரதேச சபை
15. வலிகாமம் தெற்கு பிரதேச சபை
16. வலிகாமம் கிழக்கு பிரதேச சபை
17. வடமராட்சி தென்மேற்கு பிரதேச சபை

ஏ-9 கண்டி-யாழ் நெடுஞ்சாலை 2006, ஆகத்து 11 முதல் மூடப்பட்டு 2009 ஆம் ஆண்டில் நான்காம் ஈழப்போர் முடிவுக்கு வந்ததை அடுத்து மீளத் திறக்கப்பட்டது.

• யாழ்ப்பாணம்
• யாழ்ப்பாண அரசு
• யாழ்ப்பாண நகரம்
• யாழ்ப்பாண மாவட்டத்தில் உள்ள ஊர்களின் பட்டியல்
• யாழ்ப்பாண கிராம அலுவலர் பிரிவுகள்

விக்கிமீடியா பொதுவகத்தில்,
யாழ் மாவட்டம்
என்பதில் ஊடகங்கள் உள்ளன.

• யாழ் மாவட்ட செயலகம் பரணிடப்பட்டது 2018-09-19 at the வந்தவழி இயந்திரம்

பா உ தொ	இலங்கையின் உள்ளூராட்சிப் பிரிவுகள்
மாகாணங்கள்	மேல் மாகாணம் | மத்திய மாகாணம் | தென் மாகாணம் | வட மாகாணம் | கிழக்கு மாகாணம் | வடமேல் மாகாணம் | வடமத்திய மாகாணம் | ஊவா மாகாணம் | சபரகமுவா மாகாணம்
மாவட்டங்கள்	கொழும்பு | கம்பகா | களுத்துறை | கண்டி | மாத்தளை | நுவரெலியா | காலி | மாத்தறை | அம்பாந்தோட்டை | யாழ்ப்பாணம் | மன்னார் | வவுனியா | முல்லைத்தீவு | கிளிநொச்சி | மட்டக்களப்பு | அம்பாறை | திருகோணமலை | குருநாகல் | புத்தளம் | அனுராதபுரம் | பொலன்னறுவை | பதுளை | மொனராகலை | இரத்தினபுரி | கேகாலை