கேப்டன் அமெரிக்கா: பிரேவ் நியூ வேர்ல்டு

கேப்டன் அமெரிக்கா: பிரேவ் நியூ வேர்ல்டு (ஆங்கிலம்: Captain America: Brave New World) என்பது திரைக்குவர இருக்கும் அமெரிக்க நாட்டு மீநாயகன் திரைப்படம் ஆகும். இது மார்வெல் வரைகதையில் தோன்றும் பால்கன் என்ற கதாபாத்திரத்தை மையமாக வைத்து மார்வெல் ஸ்டுடியோஸ் தயாரிக்க, வால்ட் டிஸ்னி ஸ்டுடியோஸ் மோஷன் பிக்சர்ஸ் என்ற நிறுவனம் விநியோகம் செய்கிறது. இது 2021 ஆம் ஆண்டு வெளியான பால்கன் அண்ட் வின்டர் சோல்ஜர் என்ற தொடரின் தொடர்ச்சியாகவும், மார்வல் திரைப் பிரபஞ்சத்தின் முப்பத்தி ஐந்தாவது திரைப்படமும ஆகும்.

இத்திரைப்படத்தை ஜூலியசு ஓனா இயக்கியுள்ளார், இவர் மால்கம் இசுபெல்மேன், இடாலன் முசன் மற்றும் மேத்யூ ஓர்டன் ஆகியோரின் எழுத்துக் குழுவுடன் இணைந்து கதையை எழுதியுள்ளார், மேலும் அந்தோணி மேக்கி என்பவர் பால்கன் / கேப்டன் அமெரிக்கா என்ற கதாபாத்திரத்தில் நடிக்க,^[1] இவருடன் டேனி ராமிரெசு, கார்ல் லம்ப்லி, திம் பிளேக் நெல்சன், ஷீரா காசு, ஹாரிசன் போர்ட் மற்றும் லிவ் டைலர் ஆகியோர் நடித்துள்ளார்கள்.

2016 ஆம் ஆண்டில் வெளியான இசுடீவ் ரோஜர்ஸாக நடித்த கிறிஸ் எவன்ஸ் என்பவரின் கேப்டன் அமெரிக்கா: சிவில் வார் படத்தின் முத்தொகுப்பை முடித்த பின்னர் 2021 ஆம் ஆண்டு வெளியான பால்கன் அண்ட் வின்டர் சோல்ஜர் தொடரில் மூலம் அந்தோணி மேக்கி என்பவர் புதிய கேப்டன் அமெரிக்கா ஆனார், மேலும் ஏப்ரல் 2021க்குள் மால்கம் இசுபெல்மேன் மற்றும் டாலன் முசன் ஆகியோரால் ஒரு புதிய கேப்டன் அமெரிக்கா திரைப்படம் எழுதப்பட்டது. மேலும் அந்த ஆண்டு ஆகத்து மாதம் நடிகர் அந்தோணி மேக்கி ஒப்பந்தம் செய்யப்பட்டு கையெழுத்திட்டார்.^[2]ஜூலை 2022 இல் ஜூலியசு ஓனா இணைந்தார், அப்போது தலைப்பு 'கேப்டன் அமெரிக்கா: நியூ வேர்ல்ட் ஆர்டர்' என வெளியிடப்பட்டது.^[3][4] கூடுதல் நடிகர்கள் செப்டம்பர் மாதத்தில் இணைந்தார்கள்.

கேப்டன் அமெரிக்கா: பிரேவ் நியூ வேர்ல்டு மார்வெல் திரைப் பிரபஞ்சத்தின் ஐந்தாம் கட்டத்தில் ஒரு பகுதியாக பிப்ரவரி 14, 2025 அன்று அமெரிக்காவில் வெளியிட திட்டமிடப் பட்டுள்ளது.^[5]

• அந்தோணி மேக்கி - சாம் வில்சன் / பால்கன்
  • இவர் ஒரு அவெஞ்சர் குழு உறுப்பினர் மற்றும் ஒரு முன்னாள் பாராரெஸ்க்யூமேன், இராணுவத்தால் சிறப்பாக வடிவமைக்கப்பட்ட விங் பேக்கைப் (பறக்கும் இறக்கை) பயன்படுத்தி வான்வழிப் போரில் பயிற்சி பெற்றவர்.

• டேனி ராமிரெசு - ஜோக்வின் டோரஸ் / பால்கன்
  • அமெரிக்க விமானப்படையின் முதல் லெப்டினன்ட், இவர் கடந்த காலத்தில் வில்சனுடன் பணிபுரிந்தார் மற்றும் பால்கனின் போர்வையைப் பெற்றார்.

• கார்ல் லம்ப்லி - ஏசாயா பிராட்லி
  • ஒரு ஆப்பிரிக்க-அமெரிக்க கொரியப் போர் வீரர் மற்றும் சூப்பர் சிப்பாய் சிறையில் அடைக்கப்பட்டு 30 ஆண்டுகள் சோதனை செய்யப்பட்டார்.

• திம் பிளேக் நெல்சன் - சாமுவேல் இசுடெர்ன்சு / லீடர்
• ஷீரா காசு - சப்ரா
• ஹாரிசன் போர்ட் - தாடியஸ் "தண்டர்போல்ட்" ராஸ்
• லிவ் டைலர் - பெட்டி ரோசு

மார்வெல் ஸ்டுடியோஸ் நிறுவனத்தின் தலைவர் கேவின் பிகே என்பவர் அக்டோபர் 2015 இல், கேப்டன் அமெரிக்கா: சிவில் வார் (2016) என்பது கேப்டன் அமெரிக்கா: முதல் அவெஞ்சர் (2011) மற்றும் கேப்டன் அமெரிக்கா: த வின்றர் சோல்யர் (2014) ஆகிய மூன்று படங்களின் முடிவாகும் என்றார். மேலும் கேப்டன் அமெரிக்கா: சிவில் வார் என்பது கிறிஸ் எவன்ஸின் கடைசியாக ஒப்பந்தம் செய்யப்பட்ட கேப்டன் அமெரிக்கா திரைப்படம் ஆகும், ஆனால் அவர் அவெஞ்சர்ஸ்: இன்பினிட்டி வார் (2018) மற்றும் அவெஞ்சர்ஸ்: எண்ட்கேம் (2019) ஆகியவற்றைத் தாண்டி தனது ஒப்பந்தத்தை நீட்டித்தார்.

அக்டோபர் 2018 வாக்கில், மார்வெல் ஸ்டுடியோஸ் டிஸ்னி+க்கான வரையறுக்கப்பட்ட தொடரை உருவாக்கி வருகிறது, இதில் அந்தோணி மேக்கியின் சாம் வில்சன் / பால்கன் மற்றும் செபாஸ்டியன் இஸ்டானின் பக்கி பார்ன்சு / வின்றர் சோல்யர் ஆகியோரின் மார்வல் திரைப் பிரபஞ்சத்தில் தோன்றிய கதாபாத்திரங்களை மையமாக வைத்து பால்கன் அண்ட் வின்டர் சோல்ஜர் என்ற தொடர் 2021 இல் வெளியானது. இந்தத் தொடரின் தலைமை எழுத்தாளராக மால்கம் இசுபெல்மேன் பணியமர்த்தப்பட்டார், இது ஏப்ரல் 2019 இல் தி பால்கன் அண்ட் தி விண்டர் சோல்ஜர் என அதிகாரப்பூர்வமாக அறிவிக்கப்பட்டது. இந்த தொடரின் பின்னர், அந்தோணி மேக்கி கூறுகையில்: தி பால்கன் அண்ட் தி வின்டர் சோல்ஜர் திரைப்படம் அல்லது இரண்டாவது பருவத்திற்க்கான திட்டங்கள் எதுவும் தனக்குத் தெரியாது, ஆனால் "என்ன நடக்கிறது என்பதைப் பார்க்க ஆவலாக இருந்தேன்", மேலும் தலைப்பு பற்றிய யோசனையை விவரிக்க தன்னிடம் வார்த்தைகள் இல்லை என்றும் கூறினார்.

பின்னர் 2022 இல் ஒரு கருப்பு நடிகராக அந்தோணி மேக்கி அடுத்த சில மாதங்களில் கேப்டன் அமெரிக்காவாக நடிக்க ஒப்பந்தம் செய்யப்பட்டு, ஆகத்து மாதம் கையெழுத்திட்டார்.

இந்த படத்தை இயக்க ஜூலியசு ஓனா என்பவர் ஜூலை 2022 இல் தேர்ந்தெடுக்கப்பட்டார்.^[6] இது ஐந்தாம் கட்டத்தின் ஒரு பகுதியாக இருக்கும் என்று, 2022 இல் நடைபெற்ற சான் டியேகோ காமிக்-கானின் நிகழ்வில் அமெரிக்கா: நியூ வேர்ல்ட் ஆர்டர் என்ற படத் தலைப்பையும் மற்றும் இப்படம் மே 3, 2024 இல் வெளியிடப்படும் எனத் தெரிவிக்கப்பட்டது.^[7]

மார்சு 2023 இல் படப்பிடிப்பு தொடங்கும் நிலையில் நவம்பர் 7 ஆம் தேதி முன் தயாரிப்பு பணிகள் தொடங்கப்பட்டன. கெர்ஷா பிலிப்ஸ் ஆடை வடிவமைப்பாளராக பணியாற்றுகிறார், ராம்சே அவேரி தயாரிப்பு வடிவமைப்பாளராக பணியாற்றுகிறார், இவர்கள் முன்பு கார்டியன்ஸ் ஆப் தி கேலக்ஸி 2 (2017) மற்றும் இசுபைடர்-மேன்: ஹோம்கம்மிங் (2017) ஆகிய படங்களில் பணிபுரிந்துள்ளார்கள்என்பது குறிப்பிடத்தக்கது. மார்சு 1, 2023 அன்று நடிகர் அந்தோணி மேக்கியின் பணி தொடங்கப்படும் என்று எதிர்பார்க்கப்பட்டது.

முதன்மை புகைப்படம் எடுத்தல் மார்சு 21, 2023 அன்று ஜோர்ஜியாவின் அட்லான்டாவில் உள்ள ட்ரிலித் ஸ்டுடியோவில் நடைபெற்றது. கிராமர் மோர்கெந்தாவ் என்பவர் ஒளிப்பதிவாளராக பணியாற்றினார்.

இந்த படத்தின் முதல் கூடுதல் படப்பிடிப்பு வாசிங்டன், டி. சி. யில் நடைபெற்றது, பின்னர் ஜோர்ஜியாவின் அட்லான்டாவில் உள்ள ட்ரிலித் இசுடியோவில் மார்ச் முதல் ஜூன் 2023 வரை நடந்தது. படப்பிடிப்பின் போது தலைப்பு 'கேப்டன் அமெரிக்கா: பிரேவ் நியூ வேர்ல்டு' என மாற்றப்பட்டது. மேத்யூ ஓர்டன் திசம்பர் 2023 இல் மீண்டும் படப்பிடிப்பிற்கான தகவல்களை எழுத சேர்ந்தார், அவை 2024 இன் ஆரம்பம் முதல் நடுப்பகுதி வரை நிகழ்ந்தது.

கேப்டன் அமெரிக்கா: பிரேவ் நியூ வேர்ல்டு படம் பிப்ரவரி 14, 2025 அன்று அமெரிக்காவில் வெளியிட திட்டமிடப்பட்டுள்ளது. இது முன்பு மே 3, 2024 மற்றும் ஜூலை 26, 2024 போன்று பலமுறை மாற்றப்பட்டது. இது மார்வெல் திரைப் பிரபஞ்சத்தின் ஐந்தாம் கட்டத்தில் இறுதிப் படமாக இருக்கும் என அறிவித்தனர்.

• இணையதள திரைப்பட தரவுத்தளத்தில் கேப்டன் அமெரிக்கா: பிரேவ் நியூ வேர்ல்டு